ਏਅਰਟੈੱਲ ਉਪਭੋਗਤਾਵਾਂ ਨੂੰ ਝਟਕਾ: ਭਾਰਤੀ ਏਅਰਟੈੱਲ ਨੇ ਪ੍ਰੀਪੇਡ ਮੋਬਾਇਲ ਪਲਾਨ ਟੈਰਿਫ 'ਚ 25% ਦਾ ਵਾਧਾ, 26 ਨਵੰਬਰ ਤੋਂ ਲਾਗੂ ਹੋਣਗੀਆਂ ਨਵੀਆਂ ਦਰਾਂ

ਏਅਰਟੈੱਲ ਨੇ ਆਪਣੇ ਪ੍ਰੀਪੇਡ ਪਲਾਨ 'ਤੇ ਟੈਰਿਫ ਦਰਾਂ 'ਚ 25% ਵਾਧੇ ਦਾ ਐਲਾਨ ਕੀਤਾ ਹੈ। ਨਵੀਆਂ ਦਰਾਂ...

ਏਅਰਟੈੱਲ ਨੇ ਆਪਣੇ ਪ੍ਰੀਪੇਡ ਪਲਾਨ 'ਤੇ ਟੈਰਿਫ ਦਰਾਂ 'ਚ 25% ਵਾਧੇ ਦਾ ਐਲਾਨ ਕੀਤਾ ਹੈ। ਨਵੀਆਂ ਦਰਾਂ 26 ਨਵੰਬਰ ਤੋਂ ਲਾਗੂ ਹੋਣਗੀਆਂ। ਇਸ ਤੋਂ ਪਹਿਲਾਂ ਜੁਲਾਈ 'ਚ ਵੀ ਕੰਪਨੀ ਨੇ ਪੋਸਟਪੇਡ ਪਲਾਨ ਦੀ ਕੀਮਤ 'ਚ ਵਾਧਾ ਕੀਤਾ ਸੀ। ਇਸ ਤੋਂ ਬਾਅਦ ਏਅਰਟੈੱਲ ਦਾ 28 ਦਿਨਾਂ ਦਾ ਪ੍ਰੀਪੇਡ ਪਲਾਨ, ਜਿਸ ਦੀ ਕੀਮਤ ਇਸ ਵੇਲੇ 79 ਰੁਪਏ ਹੈ, 99 ਰੁਪਏ ਹੋ ਜਾਵੇਗੀ। ਤੁਹਾਨੂੰ 149 ਰੁਪਏ ਦੀ ਬਜਾਏ 179 ਰੁਪਏ ਖਰਚ ਕਰਨੇ ਪੈਣਗੇ।


ਏਅਰਟੈੱਲ ਨੇ ਕਿਉਂ ਕੀਤੇ ਮਹਿੰਗੇ ਪਲਾਨ?
ਭਾਰਤੀ ਏਅਰਟੈੱਲ ਨੇ ਕਿਹਾ ਹੈ ਕਿ ਚੰਗੇ ਅਤੇ ਸਿਹਤਮੰਦ ਕਾਰੋਬਾਰੀ ਮਾਡਲ ਲਈ ਦਰਾਂ ਨੂੰ ਵਧਾਉਣਾ ਜ਼ਰੂਰੀ ਸੀ। ਕੰਪਨੀ ਨੇ ਅੱਗੇ ਕਿਹਾ ਕਿ ਪ੍ਰਤੀ ਉਪਭੋਗਤਾ ਔਸਤ ਮਾਲੀਆ (ARPU) 200 ਰੁਪਏ ਹੋਣਾ ਚਾਹੀਦਾ ਹੈ ਅਤੇ ਫਿਰ ਇਸ ਨੂੰ ਵਧਾ ਕੇ 300 ਰੁਪਏ ਕਰਨਾ ਚਾਹੀਦਾ ਹੈ। ਤਾਂ ਜੋ ਕੰਪਨੀਆਂ ਨੂੰ ਨਿਵੇਸ਼ ਕੀਤੀ ਪੂੰਜੀ ਦਾ ਸਹੀ ਰਿਟਰਨ ਮਿਲ ਸਕੇ।

ਜਿਓ ਅਤੇ ਵੋਡਾਫੋਨ ਵੀ ਕੀਮਤ ਵਧਾ ਸਕਦੇ ਹਨ
ਇਨ੍ਹਾਂ ਪ੍ਰੀਪੇਡ ਪਲਾਨ ਦੀ ਨਵੀਂ ਕੀਮਤ 26 ਨਵੰਬਰ ਤੋਂ ਸ਼ੁਰੂ ਹੋਵੇਗੀ। ਜਿਓ ਅਤੇ ਵੋਡਾਫੋਨ ਨੇ ਅਜੇ ਕੀਮਤ ਵਾਧੇ ਦਾ ਐਲਾਨ ਨਹੀਂ ਕੀਤਾ ਹੈ। ਹਾਲਾਂਕਿ ਮੰਨਿਆ ਜਾ ਰਿਹਾ ਹੈ ਕਿ ਏਅਰਟੈੱਲ ਦੀ ਕੀਮਤ ਵਧਾਉਣ ਤੋਂ ਬਾਅਦ ਹੁਣ ਇਹ ਕੰਪਨੀਆਂ ਜਲਦ ਹੀ ਆਪਣੇ ਪ੍ਰੀਪੇਡ ਪਲਾਨ ਦੀ ਕੀਮਤ ਵੀ ਵਧਾ ਸਕਦੀਆਂ ਹਨ।

ਕੰਪਨੀ ਦੇ ਸ਼ੇਅਰਾਂ 'ਚ ਉਛਾਲ
ਭਾਰਤੀ ਏਅਰਟੈੱਲ ਦੇ ਸ਼ੇਅਰ ਅੱਜ ਸ਼ੁਰੂਆਤੀ ਕਾਰੋਬਾਰ ਵਿੱਚ 5% ਦੇ ਵਾਧੇ ਨਾਲ ਆਪਣੇ 52-ਹਫ਼ਤੇ ਦੇ ਉੱਚੇ ਪੱਧਰ ਨੂੰ ਛੂਹ ਗਏ। ਜੋ ਕਿ 749.15 ਰੁਪਏ 'ਤੇ ਸਥਿਤ ਹੈ। ਕੰਪਨੀ ਨੇ ਆਪਣੇ ਪ੍ਰੀਪੇਡ ਗ੍ਰਾਹਕਾਂ ਦੇ ਮੋਬਾਇਲ ਟੈਰਿਫ ਵਿਚ ਵਾਧਾ ਕੀਤਾ ਹੈ। ਜਿਸ ਦਾ ਅਸਰ ਇਸ ਸਟਾਕ 'ਤੇ ਦੇਖਣ ਨੂੰ ਮਿਲਿਆ।

ਏਅਰਟੈੱਲ ਦੇ ਪਲਾਨ ਜਿਓ ਤੋਂ 50% ਤੱਕ ਮਹਿੰਗੇ ਹੋਣਗੇ
ਇਸ ਵਾਧੇ ਤੋਂ ਬਾਅਦ ਏਅਰਟੈੱਲ ਦੇ ਪ੍ਰੀਪੇਡ ਪਲਾਨ ਜਿਓ ਦੇ ਮੁਕਾਬਲੇ 30 ਤੋਂ 50 ਫੀਸਦੀ ਮਹਿੰਗੇ ਹੋ ਗਏ ਹਨ। ਜੀਓ ਦੇ 2GB ਅਤੇ 28 ਦਿਨਾਂ ਦੀ ਵੈਲੀਡਿਟੀ ਵਾਲੇ ਪਲਾਨ ਦੀ ਕੀਮਤ 129 ਰੁਪਏ ਹੈ, ਜਦਕਿ ਏਅਰਟੈੱਲ ਦੇ ਪਲਾਨ ਦੀ ਕੀਮਤ 179 ਰੁਪਏ ਹੋਵੇਗੀ। ਇਸੇ ਤਰ੍ਹਾਂ, Jio ਦਾ 1.5GB ਪ੍ਰਤੀ ਦਿਨ ਵਾਲਾ 84 ਦਿਨਾਂ ਦੀ ਵੈਲੀਡਿਟੀ ਪਲਾਨ 555 ਰੁਪਏ ਹੈ, ਜਦਕਿ ਏਅਰਟੈੱਲ ਦੇ ਗ੍ਰਾਹਕਾਂ ਨੂੰ ਇਸ ਲਈ 719 ਰੁਪਏ ਦੇਣੇ ਹੋਣਗੇ।

Get the latest update about Increased By 25, check out more about Business, Airtel Users Got A Shock Of Inflation, On Prepaid Plans & truescoop news

Like us on Facebook or follow us on Twitter for more updates.