ਭਾਰਤੀ-ਅਮਰੀਕੀ ਵਨਿਤਾ ਗੁਪਤਾ ਬਣੀ ਐਸੋਸੀਏਟ ਅਟਾਰਨੀ ਜਨਰਲ, ਅਮਰੀਕੀ ਸੈਨੇਟ ਨੇ ਦਿੱਤੀ ਮਨਜ਼ੂਰੀ

ਓਬਾਮਾ ਪ੍ਰਸ਼ਾਸਨ ਦੌਰਾਨ ਜਸਟਿਸ ਡਿਪਾਰਟਮੈਂਟ ਵਿਚ ਆਪਣੀ ਸੇਵਾ ਦੇ ਚੁੱਕੀ ਭਾਰਤ ਮੂਲ ਦੀ ਵਨਿਤਾ ਗੁਪ...

ਵਾਸ਼ਿੰਗਟਨ: ਓਬਾਮਾ ਪ੍ਰਸ਼ਾਸਨ ਦੌਰਾਨ ਜਸਟਿਸ ਡਿਪਾਰਟਮੈਂਟ ਵਿਚ ਆਪਣੀ ਸੇਵਾ ਦੇ ਚੁੱਕੀ ਭਾਰਤ ਮੂਲ ਦੀ ਵਨਿਤਾ ਗੁਪਤਾ ਨੂੰ ਐਸੋਸੀਏਟ ਅਟਾਰਨੀ ਜਨਰਲ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਦੇ ਨਾਂ ਉੱਤੇ ਅਮਰੀਕੀ ਸੈਨੇਟ ਵਿਚ ਸਥਾਨਕ ਸਮੇਂ ਮੁਤਾਬਕ ਬੁੱਧਵਾਰ ਨੂੰ ਮੋਹਰ ਲਾਈ ਗਈ। ਦੱਸ ਦਈਏ ਕਿ ਇਸ ਅਹੁਦੇ ਉੱਤੇ ਨਿਯੁਕਤ ਹੋਣ ਵਾਲੀ ਪਹਿਲੀ ਭਾਰਤੀ ਭਾਰਤੀ ਮੂਲ ਦੀ ਨਾਗਰਿਕ ਹੋਣ ਦਾ ਸਨਮਾਨ ਵੀ ਵਨਿਤਾ ਨੂੰ ਹੀ ਮਿਲ ਰਿਹਾ ਹੈ। CNN ਅਨੁਸਾਰ ਵਨਿਤਾ ਗੁਪਤਾ ਦੇ ਨਾਂ ਉੱਤੇ ਸੈਨੇਟ ਵਿਚ ਵੋਟਿੰਗ ਹੋਈ ਤੇ 51-49 ਦੇ ਫਰਕ ਨਾਲ ਉਨ੍ਹਾਂ ਦੇ ਨਾਂ ਨੂੰ ਮਨਜ਼ੂਰੀ ਮਿਲੀ ਹੈ।

ਰਿਪਬਲਿਕਨ ਲਿਸਾ ਮੁਕਰੋਵਸਕੀ ਨੇ ਬਾਈਡੇਨ ਦੇ ਉਮੀਦਵਾਰ ਦੇ ਪੱਖ ਵਿਚ ਆਪਣਾ ਵੋਟ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹਾ ਲੱਗਦਾ ਹੈ ਕਿ ਵਨਿਤਾ ਗੁਪਤਾ ਨਿੱਜੀ ਤੌਰ ਉੱਤੇ ਅਨਿਆ ਦਾ ਮੁਕਾਬਲਾ ਕਰਨ ਦੇ ਲਈ ਵਚਨਬੱਧ ਰਹੀ ਹੈ। ਵੋਟਿੰਗ ਤੋਂ ਪਹਿਲਾਂ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਕਿਹਾ ਸੀ ਕਿ ਉਨ੍ਹਾਂ ਨੇ 'ਬਹੁਤ ਹੀ ਅਸਰਦਾਰ ਤੇ ਸਨਮਾਨਿਤ' ਭਾਰਤੀ ਮੂਲ ਦੀ ਵਕੀਲ ਵਨਿਤਾ ਗੁਪਤਾ ਨੂੰ ਨਾਮਜ਼ਦ ਕੀਤਾ ਹੈ, ਜਿਨ੍ਹਾਂ ਨੇ ਆਪਣਾ ਪੂਰਾ ਕਰਿਅਰ ਨਸਲੀ ਸਮਾਨਤਾ ਤੇ ਅਨਿਆ ਦੀ ਲੜਾਈ ਵਿਚ ਲਗਾਇਆ ਹੈ।

ਅਮਰੀਕੀ ਸੈਨੇਟ ਵਿਚ ਵਨਿਤਾ ਗੁਪਤਾ ਦੇ ਨਾਂ ਉੱਤੇ ਵੋਟਿੰਗ ਪਿਛਲੇ ਹਫਤੇ ਹੋਣੀ ਸੀ ਪਰ ਰਿਪਬਲਿਕਨ ਵਲੋਂ ਇਸ ਦਾ ਵਿਰੋਧ ਕੀਤਾ ਗਿਆ ਸੀ ਕਿਉਂਕਿ ਰਿਪਬਲਿਕਨਾਂ ਦੀ ਨਿੰਦਾ ਕਰਦੇ ਹੋਏ ਹਾਲ ਵਿਚ ਵੀ ਵਨਿਤਾ ਗੁਪਤਾ ਨੇ ਕੁਝ ਟਵੀਟ ਕੀਤੇ ਸਨ। ਜ਼ਿਕਰਯੋਗ ਹੈ ਕਿ ਅਮਰੀਕਾ ਦੇ ਜਸਟਿਸ ਡਿਪਾਰਟਮੈਂਟ ਵਿਚ ਤੀਜਾ ਉੱਚਾ ਅਹੁਦਾ ਐਸੋਸੀਏਟ ਅਟਾਰਨੀ ਜਨਰਲ ਦਾ ਹੁੰਦਾ ਹੈ। ਇਸ ਡਿਪਾਰਟਮੈਂਟ ਵਿਚ ਐਸੋਸੀਏਟ ਅਟਾਰਨੀ ਜਨਰਲ ਦੇ ਤੌਰ ਉੱਤੇ ਵਨਿਤਾ ਗੁਪਤਾ ਨਾਗਰਿਕ ਅਧਿਕਾਰਾਂ ਦੇ ਕੰਮ ਦੀ ਨਿਗਰਾਨੀ ਵਿਚ ਅਹਿਮ ਭੂਮਿਕਾ ਨਿਭਾਏਗੀ।

Get the latest update about associate attorney general, check out more about US senate, Vanita Gupta, Truescoop News & Truescoop

Like us on Facebook or follow us on Twitter for more updates.