ਹੁਣ ਬਿਨਾਂ ਛੋਹੇ ATM ਮਸ਼ੀਨ 'ਚੋਂ ਕਢਾ ਸਕੋਗੇ ਪੈਸੇ, ਜਾਣੋਂ ਪੂਰੀ ਪ੍ਰਕਿਰਿਆ

ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਕਹਿਰ ਤੋਂ ਬਾਅਦ ਕੁਝ ਬੈਂਕ ਏ.ਟੀ.ਐਮ. ਤੋਂ ਕਾਨਟੈਕਟਲੈਸ ਨਕਦੀ ਨਿ...

ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਕਹਿਰ ਤੋਂ ਬਾਅਦ ਕੁਝ ਬੈਂਕ ਏ.ਟੀ.ਐਮ. ਤੋਂ ਕਾਨਟੈਕਟਲੈਸ ਨਕਦੀ ਨਿਕਾਸੀ ਦੀ ਪੇਸ਼ਕਸ਼ ਕਰ ਰਹੇ ਹਨ ਪਰ ਇਹ ਪ੍ਰਕਿਰਿਆ ਪੂਰੀ ਤਰ੍ਹਾਂ ਕਾਨਟੈਕਟਲੈਸ ਨਹੀਂ ਹੁੰਦੀ। ਇਸ ਗੱਲ 'ਤੇ ਧਿਆਨ ਦਿੰਦਿਆਂ ਮਾਸਟਰਕਾਰਡ ਨੇ ਹੁਣ ਪੂਰੀ ਤਰ੍ਹਾਂ ਕਾਨਟੈਕਟਲੈਸ ਨਕਦੀ ਨਿਵਾਸੀ ਦੀ ਪੇਸ਼ਕਸ਼ ਲਈ AGS Transact Technologies ਨਾਲ ਸਾਂਝੇਦਾਰੀ ਕੀਤੀ ਹੈ। ਇਸ ਨਾਲ ਗਾਹਕ ਲਈ ਏਟੀਐੱਮ ਤੋਂ ਨਕਦੀ ਦੀ ਨਿਕਾਸੀ ਕਰਨਾ ਪੂਰੀ ਤਰ੍ਹਾਂ ਕਾਨਟੈਕਟਲੈਸ ਹੋ ਜਾਵੇਗਾ।

ਅਸਲ AGSTL ਨਾਂ ਦੀ AGS Transact Technologies ਕੰਪਨੀ ਨੇ ਇਕ ਨਵਾਂ ਸਾਫਟਵੇਅਰ ਬਣਾਇਆ ਹੈ, ਜਿਸ ਦੀ ਮਦਦ ਨਾਲ ਕੋਈ ਵੀ ਵਿਅਕਤੀ ਏਟੀਐਮ ਮਸ਼ੀਨ ਨੂੰ ਬਿਨਾਂ ਛੋਹੇ ਪੈਸੇ ਕੱਢ ਸਕਦਾ ਹੈ। ਇਸ ਵਿਚ ਗਾਹਕਾਂ ਨੂੰ ਬੈਂਕ ਦੇ ਮੋਬਾਈਲ ਐਪ ਦਾ ਇਸਤੇਮਾਲ ਕਰ ਏਟੀਐਮ ਸਕ੍ਰੀਨ 'ਤੇ ਕਿਊਆਰ ਕੋਡ ਸਕੈਨ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਐਪ 'ਚ ਰਾਸ਼ੀ ਤੇ ਪਿਨ ਦਰਜ ਕਰਨਾ ਹੋਵੇਗਾ ਤੇ ਇਸ ਨਾਲ ਹੀ ਏਟੀਐਮ ਤੋਂ ਨਕਦੀ ਨਿਕਾਸੀ ਦੀ ਪ੍ਰਕਿਰਿਆ ਸ਼ੁਰੂ ਹੋ ਜਾਵੇਗੀ। ਜੋ ਬੈਂਕ ਮਾਸਟਰਕਾਰਡ ਨੈੱਟਵਰਕ ਦਾ ਇਸਤੇਮਾਲ ਕਰਦੇ ਹਨ, ਉਹ ਆਪਣੇ ਗਾਹਕਾਂ ਨੂੰ ਇਸ ਸੁਵਿਧਾ ਦਾ ਫਾਇਦਾ ਦੇਣ ਲਈ ਏਜੀਐੱਸ ਟ੍ਰਾਂਜੈਕਟ ਤਕਨਾਲੋਜੀ ਨਾਲ ਸੰਪਰਕ ਕਰ ਸਕਦੇ ਹਨ।

AGS ਦੇ ਗੁਰੱਪ ਚੀਫ ਤਕਨਾਲੋਜੀ ਆਫਿਸਰ ਮਹੇਸ਼ ਪਟੇਲ ਨੇ ਕਿਹਾ ਕਿ ਹੁਣ ਤਕ ਪ੍ਰਕਿਰਿਆ ਤਾਂ ਸਮਾਨ ਸੀ ਪਰ ਗਾਹਕਾਂ ਨੂੰ ਏਟੀਐਮ ਮਸ਼ੀਨ 'ਚ ਨਿਕਾਸੀ ਦੀ ਰਾਸ਼ੀ ਦਰਜ ਕਰਨੀ ਹੁੰਦੀ ਸੀ। ਅਸੀਂ ਪੂਰੀ ਤਰ੍ਹਾਂ ਨਾਲ ਕਾਨਟੈਕਟਲੈਸ ਹੱਲ ਲਾਂਚ ਕੀਤਾ ਹੈ। ਏਟੀਐੱਮ ਤੋਂ ਕਾਨਟੈਕਟਲੈਸ ਨਿਕਾਸੀ ਨਾ ਸਿਰਫ਼ ਮਹਾਮਾਰੀ ਦੇ ਸਮੇਂ 'ਚ ਫਾਇੰਦੇਮੰਦ ਹੋਵੇਗੀ, ਬਲਕਿ ਇਹ ਏਟੀਐੱਮ ਤੇ ਧੋਖਾਧੜੀ ਦੀਆਂ ਘਟਨਾਵਾਂ 'ਚ ਕਮੀ ਲਿਆਉਣ 'ਚ ਮਦਦ ਕਰੇਗੀ। ਪਟੇਲ ਨੇ ਅੱਗੇ ਕਿਹਾ ਕਿ ਜਦੋਂ ਅਸੀਂ ਪਹਿਲੀ ਵਾਰ ਲਗਪਗ ਦੋ ਤੋਂ ਢਾਈ ਸਾਲ ਪਹਿਲਾਂ ਇਸ ਤਕਨੀਕ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ ਸੀ, ਤਾਂ ਮੋਬਾਈਲ ਐਪ ਰਾਹੀਂ ਨਕਦ ਨਿਕਾਸੀ ਦੀ ਪੇਸ਼ਕਸ਼ ਕਰਨ ਦਾ ਪਹਿਲਾ ਟੀਚਾ ਏਟੀਐੱਮ ਧੋਖਾਧੜੀ ਨੂੰ ਘੱਟ ਕਰਨਾ ਸੀ।

Get the latest update about without touching, check out more about money, ATM, special facility & bank customer

Like us on Facebook or follow us on Twitter for more updates.