Viral Video : ਅਫਸਰਾਂ ਮੂਹਰੇ ਫਸ ਗਏ ਪ੍ਰਿੰਸੀਪਲ ਸਾਹਬ, ਵੀਡੀਓ ਦੇਖ ਕੇ ਨਹੀਂ ਰੁਕੇਗਾ ਹਾਸਾ

ਬਿਹਾਰ ਦੀ ਸਿੱਖਿਆ ਪ੍ਰਣਾਲੀ ਨੂੰ ਲੈ ਕੇ ਅਕਸਰ ਸਵਾਲ ਉੱਠਦੇ ਰ...

ਵੈੱਸ ਸਟੋਰੀ : ਬਿਹਾਰ ਦੀ ਸਿੱਖਿਆ ਪ੍ਰਣਾਲੀ ਨੂੰ ਲੈ ਕੇ ਅਕਸਰ ਸਵਾਲ ਉੱਠਦੇ ਰਹੇ ਹਨ। ਗੱਲ ਭਾਵੇਂ ਸਿਸਟਮ ਦੀ ਹੋਵੇ ਜਾਂ ਅਧਿਆਪਕਾਂ ਦੀ, ਅਜਿਹੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਬੁੱਧਵਾਰ ਨੂੰ ਨਵਾਗਾਚੀਆ ਦੇ ਬਲਾਕ ਵਿਕਾਸ ਅਧਿਕਾਰੀ ਗੋਪਾਲ ਕ੍ਰਿਸ਼ਨਨ ਨੇ ਨਵਾਗਾਚੀਆ ਦੀ ਕੋਸੀ ਪਾਰ ਪੰਚਾਇਤ ਖੈਰਪੁਰ ਕਦਵਾ ਦਾ ਨਿਰੀਖਣ ਕੀਤਾ। ਇਸ ਦੌਰਾਨ ਉਨ੍ਹਾਂ ਪੰਚਾਇਤ ਦੀਆਂ ਸਾਰੀਆਂ ਯੋਜਨਾਵਾਂ ਦੀ ਜਾਂਚ ਕੀਤੀ। ਉਹ ਪੰਚਾਇਤੀ ਸਕੂਲਾਂ ਵਿਚ ਵੀ ਗਏ। ਇਸ ਦੌਰਾਨ ਇਕ ਹੈਰਾਨੀਜਨਕ ਤਸਵੀਰ ਵੀ ਸਾਹਮਣੇ ਆਈ।

ਨਿਰੀਖਣ ਦੌਰਾਨ ਬੀਡੀਓ ਗੋਪਾਲ ਕ੍ਰਿਸ਼ਨਨ ਪ੍ਰਾਇਮਰੀ ਸਕੂਲ ਚੰਨੀ ਟੋਲਾ ਖੈਰਪੁਰ ਕੱਦਵਾ ਪੁੱਜੇ। ਇੱਥੇ ਪਹੁੰਚਦਿਆਂ ਹੀ ਉਨ੍ਹਾਂ ਨੇ ਸਕੂਲ ਦੇ ਦਫ਼ਤਰ ਦੇ ਸਾਹਮਣੇ ਰੰਗਦਾਰ ਪੇਂਟ ਨਾਲ ਲਿਖਿਆ ''ਕਰਿਆਲਲ'' ਦੇਖਿਆ ਤੇ ਪ੍ਰਿੰਸੀਪਲ ਪਵਨ ਕੁਮਾਰ ਨੂੰ ਸਵਾਲ ਪੁੱਛਿਆ, ਜਿਸ 'ਤੇ ਉਨ੍ਹਾਂ ਕਿਹਾ ਕਿ ਕਿਸੇ ਬੱਚੇ ਨੇ ਗਲਤ ਲਿਖਿਆ ਹੈ। ਇਸ ਵਿਚ ਸੁਧਾਰ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ ਬਲਾਕ ਵਿਕਾਸ ਅਫਸਰ ਨੇ 50 ਨੂੰ ਦੋ ਨਾਲ ਡਿਵਾਈਡ ਕਰਨ ਲਈ ਕਿਹਾ ਤਾਂ ਉਨ੍ਹਾਂ ਨੇ ਕਾਫੀ ਦੇਰੀ ਨਾਲ ਜਵਾਬ ਦਿੱਤਾ ਪਰ ਅਧਿਕਾਰੀ ਨੂੰ ਸੰਤੁਸ਼ਟ ਨਹੀਂ ਕਰ ਸਕੇ।

ਸੀਨੀਅਰ ਅਧਿਕਾਰੀਆਂ ਨੂੰ ਕਰਨਗੇ ਰਿਪੋਰਟ
ਇੰਨਾ ਹੀ ਨਹੀਂ ਔਰੇਂਜ ਸਮੇਤ ਕੁਝ ਅੰਗਰੇਜ਼ੀ ਸਪੈਲਿੰਗ ਪੁੱਛਣ 'ਤੇ ਵੀ ਉਹ ਜਵਾਬ ਨਹੀਂ ਦੇ ਸਕੇ। ਇਸ ਦੌਰਾਨ ਬੀ.ਡੀ.ਓ ਨੇ ਵੀਡੀਓ ਰਿਕਾਰਡ ਕਰਵਾਈ। ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਵਾਇਰਲ ਹੋ ਰਿਹਾ ਹੈ। ਬੀਡੀਓ ਨੇ ਮਿਡਲ ਸਕੂਲ ਵਿਚ ਪਹੁੰਚ ਕੇ ਇੱਕ ਕਮਰੇ ਵਿਚ ਖਾਦ ਰੱਖੀ ਹੋਈ ਦੇਖੀ ਤਾਂ ਉਸ ਨੂੰ ਤੁਰੰਤ ਹਟਾਉਣ ਦੀ ਹਦਾਇਤ ਕੀਤੀ। ਉਹ ਸਕੂਲ ਵਿਚ ਮਿਡ-ਡੇਅ ਮੀਲ ਸਕੀਮ ਤੋਂ ਵੀ ਨਾਖੁਸ਼ ਸਨ। ਨਿਰੀਖਣ ਉਪਰੰਤ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਉਹ ਸਕੂਲਾਂ ਵਿਚ ਹੋ ਰਹੀ ਉਲੰਘਣਾ ਵਿਰੁੱਧ ਉੱਚ ਅਧਿਕਾਰੀਆਂ ਨੂੰ ਰਿਪੋਰਟ ਕਰਨਗੇ।

Get the latest update about viral video, check out more about Truescoop News, principal & bihar

Like us on Facebook or follow us on Twitter for more updates.