ਵੀਡੀਓ ਕਾਨਫਰੰਸ 'ਚ ਨਿਊਡ ਹੀ ਪਹੁੰਚ ਗਿਆ ਕੈਨੇਡੀਅਨ ਸੰਸਦ ਮੈਂਬਰ, ਕਿਹਾ-'ਹੋ ਗਈ ਗਲਤੀ'

ਕੈਨੇਡਾ ਦੀ ਸੰਸਦ ਦਾ ਇਕ ਮੈਂਬਰ ਹਾਊਸ ਆਫ ਕਾਮਨਸ ਦੀ ਡਿਜੀਟਲ ਮਾਧਿਅਮ ਰਾਹੀਂ ਚੱਲ ਰਹੀ ਬੈਠਕ ਦੌਰਾ...

ਓਟਾਵਾ: ਕੈਨੇਡਾ ਦੀ ਸੰਸਦ ਦਾ ਇਕ ਮੈਂਬਰ ਹਾਊਸ ਆਫ ਕਾਮਨਸ ਦੀ ਡਿਜੀਟਲ ਮਾਧਿਅਮ ਰਾਹੀਂ ਚੱਲ ਰਹੀ ਬੈਠਕ ਦੌਰਾਨ ਬਿਨਾਂ ਕੱਪੜਿਆਂ ਦੇ ਦੇਖਿਆ ਗਿਆ। ਪੋਂਟਿਏਕ ਦੇ ਕਿਊਬੇਕ ਜ਼ਿਲ੍ਹੇ ਦੀ 2015 ਤੋਂ ਨੁਮਾਇੰਦਗੀ ਕਰ ਰਹੇ ਵਿਲੀਅਮ ਅਮੋਸ ਬੁੱਧਵਾਰ ਨੂੰ ਆਪਣੇ ਸਾਥੀ ਸਾਂਸਦਾਂ ਦੀ ਸਕਰੀਨ ’ਤੇ ਪੂਰੀ ਤਰ੍ਹਾਂ ਨਗਨ ਅਵਸਥਾ ਵਿਚ ਦਿਖੇ। ਗਲੋਬਲ ਮਹਾਮਾਰੀ ਕਾਰਨ ਕਈ ਕੈਨੇਡੀਅਨ ਸੰਸਦ ਮੈਂਬਰ ਵੀਡੀਓ ਕਾਨਫਰੰਸ ਜ਼ਰੀਏ ਸੰਸਦੀ ਸੈਸ਼ਨ ਵਿਚ ਹਿੱਸਾ ਲੈ ਰਹੇ ਹਨ।

ਦਿ ਕੈਨੇਡੀਅਨ ਪ੍ਰੈਸ ਨੂੰ ਪ੍ਰਾਪਤ ਇਕ ਸਕਰੀਨਸ਼ਾਟ ਵਿਚ ਅਮੋਸ ਇਕ ਡੈਸਕ ਦੇ ਪਿੱਛੇ ਖੜ੍ਹੇ ਦਿਖ ਰਹੇ ਹਨ ਅਤੇ ਨਿੱਜੀ ਅੰਗ ਸ਼ਾਇਦ ਮੋਬਾਇਲ ਨਾਲ ਢੱਕ ਰਹੇ ਸਨ। ਅਮੋਸ ਨੇ ਈ-ਮੇਲ ਜ਼ਰੀਏ ਦਿੱਤੇ ਗਏ ਬਿਆਨ ਵਿਚ ਕਿਹਾ, ‘ਇਹ ਬਦਕਿਸਮਤੀ ਨਾਲ ਗਲਤੀ ਸੀ।’ ਉਨ੍ਹਾਂ ਕਿਹਾ, ‘ਜਾਗਿੰਗ ਤੋਂ ਪਰਤਣ ਦੇ ਬਾਅਦ ਮੈਂ ਕਾਰਜ ਸਥਾਨ ’ਤੇ ਪਾਏ ਜਾਣ ਵਾਲੇ ਕੱਪੜੇ ਬਦਲ ਰਿਹਾ ਸੀ, ਉਦੋਂ ਮੇਰੀ ਵੀਡੀਓ ਗਲਤੀ ਨਾਲ ਓਨ ਹੋ ਗਈ। ਅਨਜਾਣੇ ਵਿਚ ਹੋਈ ਇਸ ਗਲਤੀ ਲਈ ਮੈਂ ਹਾਊਸ ਆਫ ਕਾਮਨਸ ਦੇ ਆਪਣੇ ਸਾਥੀਆਂ ਤੋਂ ਦਿਲ ਤੋਂ ਮਾਫ਼ੀ ਮੰਗਦਾ ਹਾਂ। ਨਿਸ਼ਚਿਤ ਤੌਰ ’ਤੇ ਇਹ ਅਨਜਾਣੇ ਵਿਚ ਹੋਈ ਗਲਤੀ ਸੀ ਅਤੇ ਇਹ ਦੁਬਾਰਾ ਨਹੀਂ ਹੋਵੇਗੀ।’

ਵਿਰੋਧੀ ਬਲਾਕ ਕਿਊਬੇਕੋਈਸ ਪਾਰਟੀ ਦੀ ਸਾਂਸਦ, ਕਲਾਉਡੇ ਬੇਲੇਫਿਓਲੀ ਨੇ ਪ੍ਰਸ਼ਨਕਾਲ ਦੇ ਬਾਅਦ ਘਟਨਾ ਨੂੰ ਚੁੱਕਿਆ ਅਤੇ ਸੁਝਾਅ ਦਿੱਤਾ ਕਿ ਸੰਸਦੀ ਮਰਿਆਦਾ ਦੇ ਅਨੁਰੂਪ ਸੰਸਦ ਦੇ ਪੁਰਸ਼ ਮੈਂਬਰਾਂ ਨੂੰ ਟਰਾਊਜ਼ਰ, ਅੰਡਰਵਿਅਰ, ਸ਼ਰਟ ਅਤੇ ਇਕ ਜੈਕੇਟ ਅਤੇ ਟਾਈ ਪਾਉਣੀ ਚਾਹੀਦੀ ਹੈ।

Get the latest update about attending Parliament, check out more about Truescoop News, Canadian MP, Truescoop & video conference

Like us on Facebook or follow us on Twitter for more updates.