Nonveg Lovers ਘਰ 'ਚ ਬਣਾ ਕੇ ਖਾਓ ਚਿਕਨ ਕੀਮਾ ਬਿਰੀਆਨੀ, ਜਾਣੋ ਬਣਾਉਣ ਦੀ ਵਿਧੀ

ਨਾਨਵੇਜ ਡਿਸ਼ 'ਚ ਬਿਰੀਆਨੀ ਲਗਭਗ ਹਰ ਕਿਸੇ ਨੂੰ ਪਸੰਦ ਹੁੰਦੀ ਹੈ। ਬਿਰੀਆਨੀ ...

ਨਵੀਂ ਦਿੱਲੀ — ਨਾਨਵੇਜ ਡਿਸ਼ 'ਚ ਬਿਰੀਆਨੀ ਲਗਭਗ ਹਰ ਕਿਸੇ ਨੂੰ ਪਸੰਦ ਹੁੰਦੀ ਹੈ। ਬਿਰੀਆਨੀ ਜੇਕਰ ਘਰ 'ਚ ਬਣੀ ਹੋਈ ਹੋਵੇ ਤਾਂ ਮਜ਼ਾ ਹੀ ਆ ਜਾਂਦਾ ਹੈ। ਅੱਜ ਅਸੀਂ ਤੁਹਾਡੇ ਲਈ ਲੈ ਕੇ ਆਏ ਹਾਂ ਚਿਕਨ ਕੀਮਾ ਬਿਰੀਆਨੀ ਦੀ ਰੇਸਿਪੀ। ਇਸ ਨੂੰ ਬਣਾਉਣਾ ਬਹੁਤ ਹੀ ਆਸਾਨ ਹੈ ਅਤੇ ਸੁਆਦ ਅਜਿਹਾ ਕਿ ਇਕ ਵਾਰ ਜੋ ਜੁਬਾਨ 'ਤੇ ਚੜ੍ਹ ਜਾਵੇ ਤਾਂ ਜਲਦੀ ਨਾ ਉੱਤਰੇ। ਆਓ ਜਾਣਦੇ ਹਾਂ ਇਸ ਕਿਚਨ ਬਿਰੀਆਨੀ ਬਣਾਉਣ ਦੀ ਵਿਧੀ।

ਸ਼ਕਰਕੰਦੀ ਖਾਣ ਵਾਲੇ ਦਿਓ ਧਿਆਨ, ਹੁਣ ਬਣ ਸਕਦੀ ਹੈ ਇਸ ਦੀ ਵੀ ਸਬਜ਼ੀ

ਸਮੱਗਰੀ —
ਚਿਕਨ ਕੀਮਾ-200 ਗ੍ਰਾਮ
ਬਾਸਮਤੀ ਚੌਲ-1-1/2 ਕੱਪ
ਤੇਲ-2 ਚਮਚ
ਦਾਲਚੀਨੀ-1 ਟੁਕੜਾ
ਵੱਡੀ ਇਲਾਇਚੀ-1
ਲੌਂਗ- 6
ਸਾਬੁਤ ਕਾਲੀ ਮਿਰਚ-8
ਜੀਰਾ- 1 ਚਮਚ
ਬਾਰੀਕ ਕੱਟਿਆ ਪਿਆਜ਼-1
ਨਮਕ- ਸੁਆਦਨੁਸਾਰ
ਅਦਰਕ-ਲਸਣ ਪੇਸਟ-2 ਚਮਚ
ਬਾਰੀਕ ਕੱਟਿਆ ਟਮਾਟਰ-2
ਲਾਲ ਮਿਰਚ ਪਾਊਡਰ- 1 ਚਮਚ
ਕੱਟੀ ਹੋਈਆਂ ਮਿਰਚ-2
ਬਾਰੀਕ ਕੱਟਿਆਂ ਧਨੀਆ 2 ਚਮਚ
ਪੁਦੀਨਾ -15
ਗਰਮ ਮਸਾਲਾ ਪਾਊਡਰ- 1 ਚਮਚ
ਭੁੰਨਿਆ ਪਿਆਜ਼ - ਨੂੰ ਕੱਪ
ਆਲਿਵ ਆਇਲ- ਜ਼ਰੂਰਤ ਅਨੁਸਾਰ

ਤੁਸੀਂ ਪਾਲਕ ਪਨੀਰ ਦਾ ਬਹੁਤ ਖਾਧਾ ਹੋਵੇਗਾ, ਹੁਣ ਖਾਓ ਪਾਲਕ ਕੋਫਤਾ ਕਰੀ, ਜਾਣੋ ਬਣਾਉਣ ਦੀ ਵਿਧੀ

ਵਿਧੀ —
ਸਭ ਤੋਂ ਪਹਿਲਾਂ ਪੈਨ 'ਚ ਤੇਲ ਗਰਮ ਕਰੋ ਅਤੇ ਉਸ 'ਚ ਦਾਲਚੀਨੀ, ਵੱਡੀ ਇਲਾਇਚੀ, ਹਰੀ ਇਲਾਇਚੀ, ਲੌਂਗ, ਕਾਲੀ ਮਿਰਚ ਅਤੇ ਜੀਰਾ ਪਾਓ ਅਤੇ ਮਸਾਲਿਆਂ 'ਚੋਂ ਖੁਸ਼ਬੂ ਆਉਣ ਤੱਕ ਭੁੰਨੋ। ਇਸ ਵਿਚਕਾਰ ਇਕ ਵੱਡੇ ਸਾਸਪੈਨ 'ਚ ਪਾਣੀ ਉਬਾਲੋ। ਹੁਣ ਚੌਲਾਂ ਨੂੰ ਧੌ ਕੇ ਸਾਸਪੈਨ 'ਚ ਪਾਓ, ਜਦੋਂ ਚੌਲ ਬਣ ਜਾਣ ਤਾਂ ਉਸ ਦਾ ਪਾਣੀ ਕੱਢ ਲਓ। ਜਦੋਂ ਮਸਾਲਿਆਂ 'ਚੋਂ ਖੁਸ਼ਬੂ ਆਉਣ ਲੱਗੇ ਤਾਂ ਪੈਨ 'ਚ ਕੱਟਿਆ ਹੋਇਆ ਪਿਆਜ਼ ਪਾਓ ਅਤੇ 2 ਤੋਂ 3 ਮਿੰਟ ਤੱਕ ਭੁੰਨੋ। ਹੁਣ ਚਿਕਨ ਕੀਮਾ ਨੂੰ ਪੈਨ 'ਚ ਪਾਓ ਅਤੇ ਕੀਮਾ ਦੇ ਸੁਨਹਿਰੀ ਹੋਣ ਤੱਕ ਭੁੰਨੋ। ਅਦਰਕ-ਲਸਣ ਪੇਸਟ ਨੂੰ ਪੈਨ 'ਚ ਪਾਓ ਅਤੇ ਲਸਣ ਦੀ ਖੁਸ਼ਬੂ ਆਉਣ ਤੱਕ ਭੁੰਨੋ। ਹੁਣ ਪੈਨ 'ਚ ਟਮਾਟਰ, ਲਾਲ ਮਿਰਚ ਪਾਊਡਰ ਅਤੇ ਨਮਕ ਪਾਓ। ਟਮਾਟਰ ਦੇ ਮੁਲਾਇਮ ਹੋਣ ਤੱਕ ਪਕਾਓ। ਹੁਣ ਪੈਨ 'ਚ ਹਰੀ ਮਿਰਚ, ਧਨੀਆ ਅਤੇ ਪੁਦੀਨਾ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ ਅਤੇ ਲਗਭਗ 30 ਸੈਕਿੰਡ ਤੱਕ ਪਕਾਓ। ਥੋੜਾ ਜਿਹਾ ਗਰਮ ਮਸਾਲਾ ਪਾਊਡਰ ਚੰਗੀ ਤਰ੍ਹਾਂ ਨਾਲ ਮਿਲਾਓ। ਨਮਕ ਅਤੇ ਇਕ ਚੌਥਾਈ ਕੱਪ ਭੁੰਨਿਆ ਹੋਇਆ ਪਿਆਜ਼ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਲਾਓ। ਹੁਣ ਗੈਸ ਬੰਦ ਕਰ ਦਿਓ ਅਤੇ ਅੱਧਾ ਕੀਮਾ ਹੋਰ ਬਰਤਨ 'ਚ ਪਾ ਕੇ ਫੈਲਾਓ। ਉੱਪਰ ਅੱਧੇ ਬਣੇ ਹੋਏ ਚੌਲ, ਕੁਝ ਪੁਦੀਨਾ, ਥੋੜਾ ਗਰਮ ਮਸਾਲਾ ਪਾਊਡਰ, ਇਕ ਚਮਚ ਆਲਿਵ ਆਇਲ, ਬਚਿਆ ਹੋਇਆ ਕੀਮਾ, ਬਚੇ ਹੋਏ ਚੌਲ, ਬਚਿਆ ਹੋਇਆ ਭੁੰਨਿਆ ਪਿਆਜ਼, ਬਚਿਆ ਹੋਇਆ ਧਨੀਆ ਪਾਓ। ਹੁਣ ਬਰਤਨ ਨੂੰ ਚੰਗੀ ਤਰ੍ਹਾਂ ਬੰਦ ਕਰਕੇ ਹੌਲੀ ਆਂਚ 'ਤੇ 7 ਤੋਂ 8 ਮਿੰਟ ਤੱਕ ਪਕਾਓ। ਹੁਣ ਰਾਇਤੇ ਨਾਲ ਸਰਵ ਕਰੋ।

ਤੁਸੀਂ ਪਕੌੜੇ ਜਾਂ ਫ੍ਰੈਂਚ ਫ੍ਰਾਈ ਤਾਂ ਬਹੁਤ ਖਾਧੇ ਹੋਣਗੇ, ਹੁਣ ਖਾਓ ਹੈਸ਼ ਬ੍ਰਾਊਨਜ਼, ਜਾਣੋ ਰੇਸਿਪੀ

Get the latest update about Food News, check out more about Nonvej Lovers, Cooking Recipe, True Scoop News & Recipe

Like us on Facebook or follow us on Twitter for more updates.