ਸਾਹ ਲੈਣ 'ਚ ਦਿੱਕਤ ਹੋਣ 'ਤੇ ਕੋਰੋਨਾ ਮਰੀਜ਼ ਭੁੱਲ ਕੇ ਵੀ ਨਾ ਕਰਨ ਇਹ ਗਲਤੀ

ਕੋਰੋਨਾਵਾਇਰਸ ਦੇ ਵਧਦੇ ਮਾਮਲਿਆਂ ਵਿਚਾਲੇ ਹਸਪਤਾਲਾਂ ਵਿਚ ਆਕਸੀਜਨ ਨੂੰ ਲੈ ਕੇ ਮਾਰਾਮਾ

ਨਵੀਂ ਦਿੱਲੀ: ਕੋਰੋਨਾਵਾਇਰਸ ਦੇ ਵਧਦੇ ਮਾਮਲਿਆਂ ਵਿਚਾਲੇ ਹਸਪਤਾਲਾਂ ਵਿਚ ਆਕਸੀਜਨ ਨੂੰ ਲੈ ਕੇ ਮਾਰਾਮਾਰੀ ਮਚੀ ਹੈ। ਇਸ ਵਿਚਾਲੇ ਸੋਸ਼ਲ ਮੀਡੀਆ ਉੱਤੇ ਆਕਸੀਜਨ ਲੇਵਲ ਵਧਾਉਣ ਦਾ ਇਕ ਘਰੇਲੂ ਨੁਸਖਾ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਕ ਪੋਸਟ ਵਿਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਪੂਰ, ਲੌਂਗ, ਅਜਵਾਇਨ ਅਤੇ ਨੀਲਗਿਰੀ ਦੇ ਤੇਲ ਦੀ ਪੋਟਲੀ ਬਣਾ ਕੇ ਸੁੰਘਨੇ ਨਾਲ ਆਕਸੀਜਨ ਲੈਵਲ ਵਧਦਾ ਹੈ। 

ਵਾਇਰਲ ਪੋਸਟ ਦੀ ਸੱਚਾਈ
ਇਸ ਵਾਇਰਲ ਪੋਸਟ ਵਿਚ ਲਿਖਿਆ ਹੈ ਕਿ ਕਪੂਰ, ਲੌਂਗ, ਅਜਵਾਇਨ ਅਤੇ ਨੀਲਗਿਰੀ ਦੇ ਤੇਲ ਦੀਆਂ ਕੁਝ ਬੂੰਦਾਂ ਪਾ ਕੇ ਪੋਟਲੀ  ਬਣਾ ਲਓ ਅਤੇ ਇਸ ਨੂੰ ਪੂਰੇ ਦਿਨ ਸੁੰਘਦੇ ਰਹੋ। ਇਹ ਆਕਸੀਜਨ ਲੈਵਲ ਵਧਾਉਣ ਅਤੇ ਛਾਤੀ 'ਚ ਘਰਘਰਾਹਟ ਦੀ ਮੁਸ਼ਕਿਲ ਦੂਰ ਕਰਨ ਵਿਚ ਮਦਦ ਕਰਦਾ ਹੈ। ਇਹ ਪੋਟਲੀ ਲੱਦਾਖ ਵਿਚ ਸੈਲਾਨੀਆਂ ਨੂੰ ਦਿੱਤੀ ਜਾਂਦੀ ਹੈ ਜਦੋਂ ਆਕਸੀਜਨ ਲੈਵਲ ਘੱਟ ਹੁੰਦਾ ਹੈ।
 
ਘਰੇਲੂ ਨੁਸਖੇ ਦਾ ਵਿਗਿਆਨੀ ਆਧਾਰ ਨਹੀਂ
ਤੁਹਾਨੂੰ ਦੱਸ ਦਈਏ ਕਿ ਇਸ ਘਰੇਲੂ ਨੁਸਖੇ ਦਾ ਕੋਈ ਵਿਗਿਆਨੀ ਆਧਾਰ ਨਹੀਂ ਹੈ। ਇਹ ਪੋਸਟ ਸੋਸ਼ਲ ਮੀਡੀਆ ਉੱਤੇ ਖੂਬ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਘੱਟ ਗਿਣਤੀ ਮਾਮਲਿਆਂ ਦੇ ਕੇਂਦਰੀ ਮੰਤਰੀ ਮੁਖਤਾਰ ਅੱਬਾਸ ਨਕਵੀ ਨੇ ਵੀ ਫੇਸਬੁੱਕ ਉੱਤੇ ਇਸ ਪੋਸਟ ਨੂੰ ਸ਼ੇਅਰ ਕੀਤਾ ਸੀ। ਆਓ ਜੀ ਜਾਣਦੇ ਹਾਂ ਕਿ ਇਸ ਨੁਸਖੇ ਵਿਚ ਕਿੰਨੀ ਸੱਚਾਈ ਹੈ ਅਤੇ ਇਸ ਵਿਚ ਇਸਤੇਮਾਲ ਹਰ ਸਾਮਗਰੀ ਦਾ ਸਿਹਤ ਉੱਤੇ ਕਿਵੇਂ ਅਸਰ ਪੈਂਦਾ ਹੈ।

ਕਪੂਰ
ਕਪੂਰ ਇਕ ਜਲਨਸ਼ੀਲ ਸਫੈਦ ਕ੍ਰਿਸਟਲ ਪਦਾਰਥ ਹੈ, ਜਿਸ ਵਿਚ ਤੇਜ਼ ਮਹਿਕ ਹੁੰਦੀ ਹੈ। ਇਸ ਦਾ ਇਸਤੇਮਾਲ ਕੁਝ ਲੋਕ ਦਰਦ ਅਤੇ ਖੁਰਕ ਹੋਣ ਉੱਤੇ ਕਰਦੇ ਹਨ। ਇਹ ਕੁਝ ਮਾਤਰਾ (4-5 ਫੀਸਦੀ) ਵਿਚ ਵਿਕਸ ਵੈਪੋਰਬ ਵਿਚ ਵੀ ਮਿਲਾਇਆ ਜਾਂਦਾ ਹੈ। ਇਸ ਦੇ ਪ੍ਰਭਾਵੀ ਹੋਣ ਦੇ ਮਿਲੇ-ਜੁਲੇ ਸਬੂਤ ਹਨ। ਕੁਝ ਪੁਰਾਣੀ ਸਟੱਡੀਜ਼ ਮੁਤਾਬਿਕ ਕਪੂਰ ਅਤੇ ਨੀਲਗਿਰੀ ਦੇ ਤੇਲ ਦਾ ਨੱਕ ਉੱਤੇ ਕੋਈ ਅਸਰ ਨਹੀਂ ਹੁੰਦਾ ਹੈ।
 
ਕਪੂਰ ਦੇ ਨੁਕਸਾਨ
ਇਕ ਹੋਰ ਸਟੱਡੀ ਦੇ ਅਨੁਸਾਰ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਬੰਦ ਨੱਕ ਨੂੰ ਰਾਹਤ ਮਿਲਣ ਉੱਤੇ ਆਕਸੀਜਨ ਪੱਧਰ ਵਿਚ ਸੁਧਾਰ ਹੁੰਦਾ ਹੈ। ਕਪੂਰ ਦੀ ਥੋੜ੍ਹੀ ਜਿਹੀ ਵੀ ਜ਼ਿਆਦਾ ਮਾਤਰਾ ਸੁੰਘਣਾ ਖਤਰਨਾਕ ਹੋ ਸਕਦਾ ਹੈ, ਖਾਸਕਰਕੇ ਬੱਚਿਆਂ ਦੇ ਲਈ।  
 
ਬੱਚਿਆਂ ਵਿਚ ਖ਼ਤਰਾ
ਅਮਰੀਕੀ ਐਸੋਸੀਏਸ਼ਨ ਆਫ ਪਵਾਇਜਨ ਕੰਟਰੋਲ ਸੈਂਟਰ ਦੀ ਰਿਪੋਰਟ ਅਨੁਸਾਰ, ਸਾਲ 2018 ਵਿਚ ਅਮਰੀਕਾ ਵਿਚ ਕਪੂਰ ਨਾਲ ਫੈਲੇ ਜ਼ਹਿਰ ਦੇ ਲੱਗਭੱਗ 9,500 ਮਾਮਲੇ ਆਏ ਸਨ, ਜਿਨ੍ਹਾਂ ਵਿਚੋਂ 10 ਨੂੰ ਜਾਨ ਜਾਣ ਦਾ ਖ਼ਤਰਾ ਸੀ ਅਤੇ ਉਨ੍ਹਾਂ ਵਿਚ ਕਿਸੇ ਨਾ ਕਿਸੇ ਤਰ੍ਹਾਂ ਦੀ ਸਰੀਰਕ ਅਸਮਰੱਥਾ ਆ ਗਈ ਸੀ। FDA ਅਨੁਸਾਰ 11 ਫੀਸਦ ਤੋਂ ਜ਼ਿਆਦਾ ਕਪੂਰ ਦਾ ਇਸਤੇਮਾਲ ਜ਼ਹਿਰੀਲਾ ਹੋ ਸਕਦਾ ਹੈ ਅਤੇ ਇਸ ਨਾਲ ਗੰਭੀਰ ਦੌਰੇ ਪੈ ਸਕਦੇ ਹਨ।
 
CDC ਦੀ ਗਾਈਡਲਾਈਨ 
CDC ਦੀ ਗਾਇਡਲਾਇਨ ਮੁਤਾਬਿਕ ਕਪੂਰ ਸੁੰਘਣ ਨਾਲ ਨੱਕ, ਗਲੇ ਅਤੇ ਅੱਖਾਂ ਵਿਚ ਜਲਨ ਹੋ ਸਕਦੀ ਹੈ। ਇਸ ਨਾਲ ਦੌਰੇ ਆਉਣੇ, ਦਿਮਾਗੀ ਭੁਲੇਖਾ ਅਤੇ ਢਿੱਡ ਦਰਦ ਦੀ ਸ਼ਿਕਾਇਤ ਹੋ ਸਕਦੀ ਹੈ। ਜ਼ਿਆਦਾ ਮਾਤਰਾ ਵਿਚ ਇਹ ਮੌਤ ਦਾ ਵੀ ਕਾਰਨ ਬਣ ਸਕਦਾ ਹੈ। 
 
ਲੌਂਗ
ਪੋਟਲੀ ਵਿਚ ਲੌਂਗ ਹੋਣ ਦਾ ਦਾਅਵਾ ਇਟਲੀ ਦੇ ਸਿੰਗਲ ਸਾਹਿਤ ਸਮੀਖਿਆ ਉੱਤੇ ਆਧਾਰਿਤ ਹੈ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਲੌਂਗ SARS-CoV-2 ਉੱਤੇ ਅਸਰ ਪਾ ਸਕਦਾ ਹੈ। ਹਾਲਾਂਕਿ ਜਾਂਚ ਵਿਚ ਕਿਹਾ ਗਿਆ ਹੈ ਕਿ ਇਹ ਸਮੀਖਿਆ ਹਰਪੀਸ ਸਿੰਪਲੈਕਸ ਵਾਇਰਸ ਉੱਤੇ ਆਧਾਰਿਤ ਹੈ ਤੇ ਇਸ ਦਾ ਕੋਰੋਨਾਵਾਇਰਸ ਨਾਲ ਕੋਈ ਸੰਬੰਧ ਨਹੀਂ ਹੈ।
 
ਲੌਂਗ ਹੈ ਜ਼ਹਿਰੀਲਾ
ਇਹ ਰਿਸਰਚ ਯੂਜੇਨਾਲ ਕੰਪਾਊਂਡ ਉੱਤੇ ਆਧਾਰਿਤ ਹੈ ਜੋ ਲੌਂਗ, ਦਾਲਚੀਨੀ, ਜਾਇਫਲ ਅਤੇ ਤੁਲਸੀ ਵਿਚ ਪਾਇਆ ਜਾਂਦਾ ਹੈ ਅਤੇ ਜਿਸ ਨੂੰ ਜ਼ਹਿਰੀਲਾ ਮੰਨਿਆ ਜਾਂਦਾ ਹੈ। ਹਾਲਾਂਕਿ ਵਾਇਰਲ ਪੋਸਟ ਵਿਚ ਸਿਰਫ ਯੂਜੇਨਾਲ ਸੂੰਘਣ ਦੀ ਸਲਾਹ ਨਹੀਂ ਦਿੱਤੀ ਗਈ ਹੈ। ਸਿਰਫ ਲੌਂਗ ਸੁੰਘਣਾ ਖਤਰਨਾਕ ਹੋ ਸਕਦਾ ਹੈ। ਜਾਂਚ ਵਿਚ ਇਸ ਗੱਲ ਦੇ ਕੋਈ ਸਬੂਤ ਨਹੀਂ ਮਿਲੇ ਹਨ ਕਿ ਲੌਂਗ ਆਕਸੀਜਨ ਲੈਵਲ ਨੂੰ ਵਧਾਉਂਦਾ ਹੈ ਜਾਂ ਸਾਹ ਨਾਲ ਜੁੜੀਆਂ ਦਿੱਕਤਾਂ ਦੂਰ ਕਰਦਾ ਹੈ।
 
ਅਜਵਾਇਨ ਅਤੇ ਨੀਲਗਿਰੀ ਦਾ ਤੇਲ
ਕਿਸੇ ਵੀ ਸਟੱਡੀ ਜਾਂ ਜਾਂਚ ਵਿਚ ਇਸ ਗੱਲ ਦੇ ਸਬੂਤ ਨਹੀਂ ਮਿਲੇ ਹਨ ਜਿਸ ਦੇ ਨਾਲ ਪਤਾ ਚੱਲ ਸਕੇ ਕਿ ਇਹ ਦੋਵੇਂ ਚੀਜ਼ਾਂ ਬਲੱਡ ਆਕਸੀਜਨ ਵਧਾਉਂਦੇ ਹਨ। ਅਜਵਾਇਨ ਅਤੇ ਨੀਲਗਿਰੀ ਦੇ ਤੇਲ ਦੇ ਸਾਹ ਨਾਲ ਜੁੜੀਆਂ ਮੁਸ਼ਕਿਲਾਂ ਦੂਰ ਕਰਨ ਦੇ ਵੀ ਕੋਈ ਸਬੂਤ ਨਹੀਂ ਹਨ।
 
ਕਈ ਪੋਸਟਾਂ ਵਿਚ ਇਸ ਗੱਲ ਦਾ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਐਂਬੁਲੇਂਸ ਵਿਚ Covid-19 ਮਰੀਜ਼ਾਂ ਲਈ ਇਸ ਘਰੇਲੂ ਨੁਸਖੇ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਸਿਹਤ ਮੰਤਰਾਲਾ ਦੇ ਪ੍ਰੋਟੋਕਾਲ ਵਿਚ ਇਸ ਤਰ੍ਹਾਂ ਦੇ ਇਲਾਜ ਸਬੰਧੀ ਕਿਸੇ ਵੀ ਤਰ੍ਹਾਂ ਦੀ ਗਾਈਡਲਾਈਨ ਨਹੀਂ ਹੈ।  
 
ਇਸ ਗੱਲ ਦਾ ਸਬੂਤ ਨਹੀਂ
ਕੁੱਲ ਮਿਲਾ ਕੇ ਕਹੋ ਤਾਂ ਇਸ ਗੱਲ ਦਾ ਕੋਈ ਪ੍ਰਮਾਣ ਨਹੀਂ ਹੈ ਕਿ ਕਪੂਰ, ਲੌਂਗ ਜਾਂ ਅਜਵਾਇਨ ਬਲੱਡ ਆਕਸੀਜਨ ਨੂੰ ਵਧਾਉਂਦੇ ਹਨ ਜਾਂ ਫਿਰ ਸਾਹ ਨਾਲ ਜੁੜੀ ਸਮੱਸਿਆ ਠੀਕ ਕਰਦੇ ਹਨ। ਇਹ ਸਾਈਂਸ ਜਾਂ ਫਿਰ ਹਲਕੇ ਸਾਹ ਸਬੰਧੀ ਇਨਫੈਕਸ਼ਨ ਵਿਚ ਰਾਹਤ ਦੇਣ ਦਾ ਕੰਮ ਕਰ ਸਕਦੇ ਹਨ। ਚੰਗਾ ਹੋਵੇਗਾ ਕਿ ਇਸ ਤਰ੍ਹਾਂ ਦੇ ਵਾਇਰਲ ਘਰੇਲੂ ਨੁਸਖਿਆਂ ਉੱਤੇ ਅੱਖ ਬੰਦ ਕਰ ਕੇ ਭਰੋਸਾ ਕਰਨ ਦੀ ਬਜਾਏ ਤੁਸੀਂ ਆਪਣੀ ਸਮੱਸਿਆ ਲਈ ਡਾਕਟਰ ਨਾਲ ਸੰਪਰਕ ਕਰੋ।
 
ਭਾਫ ਲੈਣ ਦਾ ਫਾਇਦਾ
ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਭਾਫ ਲੈਣ ਨਾਲ ਕੋਰੋਨਾ ਨੂੰ ਸਰੀਰ ਵਿਚ ਅੰਦਰ ਦਾਖਲ ਕਰਨ ਤੋਂ ਰੋਕਿਆ ਜਾ ਸਕਦਾ ਹੈ। ਇਸ ਦੇ ਲਈ ਲੋਕ ਪਾਣੀ ਵਿਚ ਤਰ੍ਹਾਂ-ਤਰ੍ਹਾਂ ਦੇ ਤੇਲ ਪਾ ਕੇ ਭਾਫ ਲੈਂਦੇ ਹਨ। ਸੋਸ਼ਲ ਮੀਡੀਆ ਵਿਚ ਵੀ ਇਸ ਗੱਲ ਦਾ ਦਾਅਵਾ ਕੀਤਾ ਜਾ ਚੁੱਕਿਆ ਹੈ ਕਿ ਗਰਮ ਪਾਣੀ ਦਾ ਭਾਫ ਕੋਰੋਨਾ ਵਾਇਰਸ ਦਾ ਅਸਰ ਘੱਟ ਕਰ ਦਿੰਦਾ ਹੈ। 

ਭਾਫ ਅਤੇ ਕੋਰੋਨਾ ਵਾਇਰਸ
ਹਾਲਾਂਕਿ ਇਸ ਗੱਲ ਦੀ ਵੀ ਕੋਈ ਵਿਗਿਆਨੀ ਆਧਾਰ ਨਹੀਂ ਹੈ। ਉਲਟਾ ਹੈਲਥ ਮਾਹਰਾਂ ਦਾ ਕਹਿਣਾ ਹੈ ਕਿ ਲਗਾਤਾਰ ਭਾਫ ਲੈਣ ਨਾਲ ਗਲੇ ਅਤੇ ਫੇਫੜਿਆਂ ਵਿਚਾਲੇ ਦੀ ਨਲੀ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ ਜੋ ਕੋਰੋਨਾ ਦੇ ਲੱਛਣਾਂ ਨੂੰ ਹੋਰ ਗੰਭੀਰ ਬਣਾ ਸਕਦਾ ਹੈ।

ਕਾੜੇ ਦੇ ਨੁਕਸਾਨ
ਕੁਝ ਲੋਕ ਤਰ੍ਹਾਂ-ਤਰ੍ਹਾਂ ਦਾ ਕਾੜਾ ਬਣਾ ਕੇ ਪੀ ਰਹੇ ਹਨ। ਇਨ੍ਹਾਂ ਦਾ ਮੰਨਣਾ ਹੈ ਕਾੜਾ ਪੀਣ ਨਾਲ ਸਰੀਰ ਵਿਚ ਵਾਇਰਸ ਨਹੀਂ ਟਿਕ ਪਾਵੇਗਾ। ਤੁਹਾਨੂੰ ਦੱਸ ਦਈਏ ਕਿ ਕਾਲੀ ਮਿਰਚ, ਦਾਲਚੀਨੀ, ਜਾਇਫਲ ਅਤੇ ਸੁੰਢ ਜਿਹੇ ਮਸਾਲੇ ਬਹੁਤ ਗਰਮ ਹੁੰਦੇ ਹਨ। ਇਨ੍ਹਾਂ ਦੀ ਥੋੜ੍ਹੀ ਵੀ ਜ਼ਿਆਦਾ ਮਾਤਰਾ ਫਾਇਦੇ ਦੀ ਬਜਾਏ ਨੁਕਸਾਨ ਪਹੁੰਚਾ ਸਕਦੀ ਹੈ। ਇਨ੍ਹਾਂ ਗਰਮ ਮਸਾਲਿਆਂ ਢਿੱਡ ਵਿਚ ਜਲਨ ਅਤੇ ਮੁੰਹ ਵਿਚ ਛਾਲੇ ਵੀ ਹੋ ਸਕਦੇ ਹਨ। ਇਸ ਲਈ ਕਾੜਾ ਬਣਾਉਂਦੇ ਸਮੇਂ ਸਮੱਗਰੀ ਦੀ ਮਾਤਰਾ ਦਾ ਖਾਸ ਖਿਆਲ ਰੱਖੋ।

Get the latest update about difficulty in breathing, check out more about Truescoop News, Corona patients, Truescoop & mistake

Like us on Facebook or follow us on Twitter for more updates.