ਕਾਰੋਬਾਰੀ ਨੂੰ ਹਨੀ ਟ੍ਰੈਪ 'ਚ ਫਸਾਉਣ ਵਾਲੀ YouTuber ਗ੍ਰਿਫਤਾਰ, ਰੇਪ ਕੇਸ ਦੀ ਧਮਕੀ ਦੇ ਲੁੱਟੇ ਸਨ 80 ਲੱਖ

ਦਿੱਲੀ ਪੁਲਿਸ ਨੇ ਇੱਕ ਵਪਾਰੀ ਨੂੰ ਹਨੀਟ੍ਰੈਪ ਕਰਕੇ ਉਸ ਤੋਂ 80 ਲੱਖ ਰੁਪਏ ਲੁੱਟਣ ਵਾਲੇ ਯੂ...

ਵੈੱਬ ਸੈਕਸ਼ਨ - ਦਿੱਲੀ ਪੁਲਿਸ ਨੇ ਇੱਕ ਵਪਾਰੀ ਨੂੰ ਹਨੀਟ੍ਰੈਪ ਕਰਕੇ ਉਸ ਤੋਂ 80 ਲੱਖ ਰੁਪਏ ਲੁੱਟਣ ਵਾਲੇ ਯੂਟਿਊਬਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਨਮਰਾ ਕਾਦਿਰ ਨਾਮ ਦੀ ਇਸ ਯੂਟਿਊਬਰ ਨੇ ਇੱਕ ਪ੍ਰਾਈਵੇਟ ਕੰਪਨੀ ਦੇ ਮਾਲਕ ਨੂੰ ਬਲਾਤਕਾਰ ਦੇ ਝੂਠੇ ਕੇਸ ਵਿੱਚ ਫਸਾਉਣ ਦੀ ਧਮਕੀ ਦਿੱਤੀ ਸੀ।

ਕਾਦਿਰ ਨੂੰ ਸੋਮਵਾਰ ਨੂੰ ਦਿੱਲੀ ਤੋਂ ਗ੍ਰਿਫਤਾਰ ਕਰਕੇ ਮੈਜਿਸਟ੍ਰੇਟ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਸ ਨੂੰ 4 ਦਿਨਾਂ ਦੇ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ ਗਿਆ ਹੈ। ਕਾਦਿਰ ਦਾ ਪਤੀ ਅਤੇ ਇਸ ਮਾਮਲੇ 'ਚ ਸਹਿ ਦੋਸ਼ੀ ਮਨੀਸ਼ ਉਰਫ ਵਿਰਾਟ ਬੈਨੀਵਾਲ ਫਿਲਹਾਲ ਫਰਾਰ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਦੀ ਭਾਲ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।

ਪੁਲਿਸ ਨੇ ਦੱਸਿਆ ਕਿ ਕਾਦਿਰ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ ਅਤੇ ਉਸ ਨੂੰ ਰਿਮਾਂਡ 'ਤੇ ਲਿਆ ਗਿਆ ਹੈ। ਪੀੜਤ ਕੋਲੋਂ ਉਸ ਵੱਲੋਂ ਲਏ ਗਏ ਪੈਸੇ ਅਤੇ ਸਾਮਾਨ ਦੀ ਬਰਾਮਦਗੀ ਲਈ ਯਤਨ ਕੀਤੇ ਜਾ ਰਹੇ ਹਨ। ਉਸ ਦੇ ਪਤੀ ਨੂੰ ਵੀ ਜਲਦੀ ਹੀ ਲੱਭ ਕੇ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।

22 ਸਾਲਾ ਕਾਦਿਰ ਦੇ ਯੂਟਿਊਬ 'ਤੇ 6.17 ਲੱਖ ਸਬਸਕ੍ਰਾਈਬਰ
ਨਮਰਾ ਕਾਦਿਰ 22 ਸਾਲ ਦੀ ਹੈ ਅਤੇ ਯੂਟਿਊਬ 'ਤੇ ਉਸ ਦੇ 6.17 ਲੱਖ ਤੋਂ ਵੱਧ ਸਬਸਕ੍ਰਾਈਬਰ ਹਨ। ਅਗਸਤ ਵਿੱਚ ਬਾਦਸ਼ਾਹਪੁਰ ਦੇ 21 ਸਾਲਾ ਦਿਨੇਸ਼ ਯਾਦਵ ਨੇ ਉਸ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਸੀ, ਪਰ ਕਾਦਿਰ ਅਤੇ ਉਸ ਦੇ ਪਤੀ ਨੇ ਅੰਤਰਿਮ ਜ਼ਮਾਨਤ ਲਈ ਅਦਾਲਤ ਦਾ ਰੁਖ਼ ਕੀਤਾ।

ਅਦਾਲਤ ਵੱਲੋਂ ਇਸ ਪਟੀਸ਼ਨ ਨੂੰ ਖਾਰਜ ਕਰਨ ਤੋਂ ਬਾਅਦ 26 ਨਵੰਬਰ ਨੂੰ ਨੋਇਡਾ ਦੇ ਸੈਕਟਰ 50 ਥਾਣੇ ਵਿੱਚ ਉਸ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀ ਗਈ ਸੀ। ਇਸ ਰਿਪੋਰਟ ਵਿੱਚ ਲਿਖਿਆ ਗਿਆ ਸੀ ਕਿ ਕਾਦਿਰ ਅਤੇ ਬੈਨੀਵਾਲ ਦਿੱਲੀ ਦੇ ਸ਼ਾਲੀਮਾਰ ਗਾਰਡਨ ਦੇ ਵਸਨੀਕ ਹਨ।

ਵਿਗਿਆਪਨ ਫਰਮ ਚਲਾਉਣ ਵਾਲੇ ਕਾਰੋਬਾਰੀ ਦਿਨੇਸ਼ ਨੇ ਪੁਲਿਸ ਨੂੰ ਦੱਸਿਆ ਕਿ ਕੁਝ ਸਮਾਂ ਪਹਿਲਾਂ ਉਹ ਕਾਦਿਰ ਦੇ ਸੰਪਰਕ 'ਚ ਆਇਆ ਸੀ। ਉਦੋਂ ਪਤੀ ਬੈਨੀਵਾਲ ਵੀ ਉਸ ਦੇ ਨਾਲ ਸੀ। ਕਾਦਿਰ ਨੇ ਆਪਣੇ ਚੈਨਲ 'ਤੇ ਆਪਣੇ ਕਾਰੋਬਾਰ ਦਾ ਪ੍ਰਚਾਰ ਕਰਨ ਲਈ 2 ਲੱਖ ਰੁਪਏ ਮੰਗੇ।

ਦਿਨੇਸ਼ ਨੇ ਦੱਸਿਆ, 'ਕੁਝ ਦਿਨਾਂ ਬਾਅਦ ਕਾਦਿਰ ਨੇ ਮੈਨੂੰ ਦੱਸਿਆ ਕਿ ਉਹ ਮੈਨੂੰ ਪਸੰਦ ਕਰਦੀ ਹੈ ਅਤੇ ਵਿਆਹ ਕਰਨਾ ਚਾਹੁੰਦੀ ਹੈ। ਇਸ ਤੋਂ ਬਾਅਦ ਅਸੀਂ ਦੋਵੇਂ ਚੰਗੇ ਦੋਸਤ ਬਣ ਗਏ। ਅਗਸਤ ਵਿੱਚ ਮੈਂ ਕਾਦਿਰ ਅਤੇ ਬੈਨੀਵਾਲ ਨਾਲ ਕਲੱਬ ਗਿਆ, ਜਿੱਥੇ ਉਨ੍ਹਾਂ ਨੇ ਰਾਤ ਲਈ ਇੱਕ ਕਮਰਾ ਬੁੱਕ ਕੀਤਾ। ਅਗਲੀ ਸਵੇਰ ਜਦੋਂ ਮੈਂ ਜਾਗਿਆ, ਕਾਦਿਰ ਨੇ ਮੇਰੇ ਤੋਂ ਸਾਰੇ ਬੈਂਕ ਕਾਰਡ ਅਤੇ ਸਮਾਰਟ ਘੜੀ ਮੰਗੀ। ਉਸ ਨੇ ਮੈਨੂੰ ਧਮਕੀ ਦਿੱਤੀ ਕਿ ਜੇਕਰ ਮੈਂ ਉਸ ਦੀ ਗੱਲ ਨਾ ਸੁਣੀ ਤਾਂ ਉਹ ਮੈਨੂੰ ਬਲਾਤਕਾਰ ਦੇ ਝੂਠੇ ਕੇਸ ਵਿੱਚ ਫਸਾਏਗੀ।

ਦਿਨੇਸ਼ ਅਨੁਸਾਰ ਦੋਵਾਂ ਨੇ ਮਿਲ ਕੇ ਉਸ ਤੋਂ 80 ਲੱਖ ਰੁਪਏ ਤੋਂ ਵੱਧ ਪੈਸੇ ਅਤੇ ਤੋਹਫ਼ੇ ਵਜੋਂ ਲੈ ਲਏ। ਜਦੋਂ ਦਿਨੇਸ਼ ਨੇ ਇਹ ਗੱਲ ਆਪਣੇ ਪਿਤਾ ਨੂੰ ਦੱਸੀ ਤਾਂ ਉਹ ਉਸ ਨੂੰ ਪੁਲਿਸ ਕੋਲ ਸ਼ਿਕਾਇਤ ਕਰਨ ਲਈ ਲੈ ਗਏ।

Get the latest update about namra qadir, check out more about delhi businessman & Honey trap youtuber

Like us on Facebook or follow us on Twitter for more updates.