ਸ਼ਹਿਰ ਦੀਆਂ ਖਸਤਾਹਾਲ ਸੜਕਾਂ, ਜਲੰਧਰ ਗਰਾਉਂਡ ਰਿਪੋਰਟ ਤੋਂ ਜਾਣੋ ਕੀ ਸੋਚਦੀ ਹੈ ਆਮ ਜਨਤਾ

ਸੂਤਰਾਂ ਅਨੁਸਾਰ ਜਲੰਧਰ ਵਿੱਚ ਸੜਕਾਂ ਦੇ ਨਿਰਮਾਣ ’ਤੇ ਕਰੀਬ 407 ਕਰੋੜ ਰੁਪਏ ਖਰਚ ਕੀਤੇ ਜਾ ਚੁੱਕੇ ਹਨ ਪਰ ਸੜਕਾਂ ਦੀ ਅਸਲੀਅਤ ਖਰਚੀ ਗਈ ਰਾਸ਼ੀ ਦੇ ਉਲਟ ਹੈ। TrueScoop ਨੇ ਜਲੰਧਰ ਦੀਆਂ ਸੜਕਾਂ ਦੀ ਹਾਲਤ ਅਤੇ ਇਸ ਕਾਰਨ ਆਮ ਲੋਕਾਂ ਨੂੰ ਆਉਣ ਵਾਲੀਆਂ ਮੁਸ਼ਕਲਾਂ ਬਾਰੇ ਗਰਾਉਂਡ ਰਿਪੋਰਟ ਤਿਆਰ ਕੀਤੀ

ਜਲੰਧਰ ਇਕ ਸਮਾਰਟ ਸਿਟੀ ਅਖਵਾਉਂਦਾ ਹੈ ਜਿਸ ਦੇ ਤਹਿਤ ਸ਼ਹਿਰ ਦੀਆਂ ਸੜਕਾਂ, ਰਾਸ਼ਟਰੀ ਮਾਰਗਾਂ ਦੀ ਸਥਿੱਤੀ ਵਧੀਆ ਹੋਣੀ ਚਾਹੀਦੀ ਹੈ। ਪਰ ਮਾਨਸੂਨ ਸੀਜ਼ਰ ਦੇ ਆਉਣ ਦੇ ਨਾਲ ਹੀ ਜਲੰਧਰ ਸ਼ਹਿਰ ਦੇ ਸਮਾਰਟ ਸਿਟੀ ਪ੍ਰੋਜੈਕਟ ਦੀ ਅਸਲੀਅਤ ਵੀ ਸਭ ਸਾਹਮਣੇ ਆ ਗਈ ਹੈ। ਸੂਤਰਾਂ ਅਨੁਸਾਰ ਜਲੰਧਰ ਵਿੱਚ ਸੜਕਾਂ ਦੇ ਨਿਰਮਾਣ ’ਤੇ ਕਰੀਬ 407 ਕਰੋੜ ਰੁਪਏ ਖਰਚ ਕੀਤੇ ਜਾ ਚੁੱਕੇ ਹਨ ਪਰ ਸੜਕਾਂ ਦੀ ਅਸਲੀਅਤ ਖਰਚੀ ਗਈ ਰਾਸ਼ੀ ਦੇ ਉਲਟ ਹੈ। TrueScoop ਨੇ ਜਲੰਧਰ ਦੀਆਂ ਸੜਕਾਂ ਦੀ ਹਾਲਤ ਅਤੇ ਇਸ ਕਾਰਨ ਆਮ ਲੋਕਾਂ ਨੂੰ ਆਉਣ ਵਾਲੀਆਂ ਮੁਸ਼ਕਲਾਂ ਬਾਰੇ ਗਰਾਉਂਡ ਰਿਪੋਰਟ ਤਿਆਰ ਕੀਤੀ ਹੈ।
 
ਅਰਬਨ ਅਸਟੇਟ ਦੀ ਵਸਨੀਕ ਆਸਥਾ ਸਿੰਘ ਨੇਇਸ ਬਾਰੇ ਬੋਲਦਿਆਂ ਕਿਹਾ ਕਿ ਸੜਕਾਂ ਦੀ ਮਾੜੀ ਹਾਲਤ ਕਾਰਨ ਮੈਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਮੈਨੂੰ ਆਪਣੇ ਦਫ਼ਤਰ ਤੱਕ ਪਹੁੰਚਣ ਲਈ ਇੱਕ ਘੰਟੇ ਤੋਂ ਵੱਧ ਸਮਾਂ ਲੱਗਦਾ ਹੈ ਹਾਲਾਂਕਿ ਇਹ ਬਹੁਤ ਦੂਰ ਨਹੀਂ ਹੈ। ਮਾਡਲ ਟਾਊਨ ਦੇ ਵਸਨੀਕ ਅਮਨ ਸਿੰਘ ਨੇ ਦੱਸਿਆ ਕਿ ਟੋਇਆਂ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਸ ਨੇ ਆਪਣੀਆਂ ਅੱਖਾਂ ਸਾਹਮਣੇ ਕਈ ਹਾਦਸੇ ਵਾਪਰਦੇ ਦੇਖੇ ਹਨ।
 
ਲੋਕਾਂ ਨੇ ਸਬੰਧਤ ਅਧਿਕਾਰੀਆਂ ਨੂੰ ਇਸ ਸਮੱਸਿਆ ਦੇ ਹੱਲ ਲਈ ਬੇਨਤੀ ਕੀਤੀ ਹੈ ਪਰ ਬੇਕਾਰ ਹੈ। ਸੜਕ ਦਾ ਨਿਰਮਾਣ ਕਰਵਾਉਣ ਅਤੇ ਲੋਕਾਂ ਦੀ ਸਮੱਸਿਆ ਦੇ ਹੱਲ ਲਈ ਨਿਗਮ ਵੱਲੋਂ ਕੋਈ ਚਿੰਤਾ ਨਹੀਂ ਦਿਖਾਈ ਜਾ ਰਹੀ ਹੈ। ਜਲੰਧਰ ਸਮਾਰਟ ਸਿਟੀ ਬਣਨ ਦੀ ਬਜਾਏ ਟੋਇਆਂ ਨਾਲ ਭਰੇ ਸ਼ਹਿਰ ਵਿੱਚ ਤਬਦੀਲ ਹੋ ਗਿਆ ਹੈ। ਸ਼ਹਿਰ ਦੀਆਂ ਸੜਕਾਂ ਨੇ ਸ਼ਹਿਰ ਵਾਸੀਆਂ ਲਈ ਵੱਡਾ ਖਤਰਾ ਪੈਦਾ ਕਰ ਦਿੱਤਾ ਹੈ। ਕਿਉਂਕਿ ਸੜਕਾਂ ਦੀ ਹਾਲਤ ਦਿਨੋ-ਦਿਨ ਖ਼ਰਾਬ ਹੁੰਦੀ ਜਾ ਰਹੀ ਹੈ, ਜਿਸ ਕਾਰਨ ਆਵਾਜਾਈ, ਦੁਰਘਟਨਾਵਾਂ, ਮੰਜ਼ਿਲਾਂ ਤੱਕ ਪਹੁੰਚਣ ਵਿੱਚ ਦੇਰੀ ਆਦਿ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਰਹੀਆਂ ਹਨ।
 
ਇਸ ਸਬੰਧੀ ਜਦੋਂ ਮੇਅਰ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਖੇਤਰ ਅਧੀਨ ਆਉਂਦੀ ਸੜਕ ਦਾ ਕੋਈ ਵੀ ਨਿਰਮਾਣ ਪੈਂਡਿੰਗ ਨਹੀਂ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਜੇਕਰ ਉਨ੍ਹਾਂ ਦੇ ਇਲਾਕੇ ਦੀ ਕਿਸੇ ਵੀ ਸੜਕ ਦੀ ਹੁਣ ਤੱਕ ਮੁਰੰਮਤ ਜਾਂ ਉਸਾਰੀ ਨਹੀਂ ਹੋਈ ਤਾਂ ਉਹ ਬਰਸਾਤ ਦੇ ਮੌਸਮ ਕਾਰਨ ਹੈ।
 
ਹੁਣ ਸਵਾਲ ਇਹ ਖੜ੍ਹੇ ਹੁੰਦੇ ਹਨ ਕਿ ਲੋਕ ਮਾਨਸੂਨ ਖਤਮ ਹੋਣ ਦਾ ਇੰਤਜ਼ਾਰ ਕਿਉਂ ਕਰਨ? ਕੀ ਅਧਿਕਾਰੀ ਰੋਜ਼ਾਨਾ ਇਸ ਸਮੱਸਿਆ ਦੇ ਹੱਲ ਲਈ ਕੋਈ ਹੱਲ ਨਹੀਂ ਲੱਭ ਸਕਦੇ?

ਇਸ ਤੱਥ ਤੋਂ ਕੋਈ ਇਨਕਾਰ ਨਹੀਂ ਕਰ ਸਕਦਾ ਕਿ ਜਲੰਧਰ ਸ਼ਹਿਰ ਦੀਆਂ ਸੜਕਾਂ ਦੀ ਹਮੇਸ਼ਾ ਹੀ ਤਰਸਯੋਗ ਹਾਲਤ ਰਹਿੰਦੀ ਹੈ, ਮੌਨਸੂਨ ਤਾਂ ਸਿਰਫ਼ ਇੱਕ ਬਹਾਨਾ ਹੈ।

Get the latest update about JALANDHAR ROADS, check out more about GROUND REPORT, CONDITION OF JALANDHAR ROADS, 407 CRORE SCAM & PUNJAB NEWS TODAY

Like us on Facebook or follow us on Twitter for more updates.