ਦਿੱਲੀ ਦੇ Batra Hospital 'ਚ ਆਕਸੀਜਨ ਦੀ ਕਮੀ ਕਾਰਨ 1 ਡਾਕਟਰ ਸਣੇ 8 ਕੋਰੋਨਾ ਮਰੀਜ਼ਾਂ ਦੀ ਮੌਤ

ਦਿੱਲੀ ਦੇ ਬੱਤਰਾ ਹਸਪਤਾਲ ਵਿਚ ਆਕਸੀਜਨ ਦੀ ਕਮੀ ਕਾਰਨ 8 ਕੋਰਨਾ ਮਰੀਜ਼ਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਵਿਚੋਂ 6 ਆਈ...

ਨਵੀਂ ਦਿੱਲੀ: ਦਿੱਲੀ ਦੇ ਬੱਤਰਾ ਹਸਪਤਾਲ ਵਿਚ ਆਕਸੀਜਨ ਦੀ ਕਮੀ ਕਾਰਨ 8 ਕੋਰਨਾ ਮਰੀਜ਼ਾਂ ਦੀ ਮੌਤ ਹੋ ਗਈ। ਇਨ੍ਹਾਂ ਵਿਚੋਂ 6 ਆਈਸੀਯੂ ਵਿਚ ਹਾਈ ਫਲੋਅ ਆਕਸੀਜਨ ਉੱਤੇ ਸਨ। ਮਰਨ ਵਾਲਿਆਂ ਵਿਚ ਬਤਰਾ ਹਸਪਤਾਲ ਦੇ ਗੈਸਟਰੋ ਵਿਭਾਗ ਦੇ ਡਾਕਟਰ ਆਰ.ਕੇ. ਹਿਮਥਾਨੀ ਵੀ ਸ਼ਾਮਿਲ ਹਨ।

ਆਕਸੀਜਨ ਸਪਲਾਇਰ ਫੋਨ ਨਹੀਂ ਚੁੱਕ ਰਹੇ
ਬੱਤਰਾ ਹਸਪਤਾਲ ਦੇ ਮੈਡੀਕਲ ਡਾਈਰੈਕਟਰ ਡਾ. ਐਸ.ਸੀ.ਐੱਲ. ਗੁਪਤਾ ਨੇ ਕਿਹਾ ਕਿ ਅਸੀਂ ਪੰਜ ਹੋਰ ਗੰਭੀਰ  ਮਰੀਜ਼ਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਹਸਪਤਾਲ ਪ੍ਰਸ਼ਾਸਨ ਵੱਲੋਂ ਇਹ ਵੀ ਕਿਹਾ ਗਿਆ ਹੈ ਕਿ ਆਕਸੀਜਨ ਸਪਲਾਇਰ ਫੋਨ ਨਹੀਂ ਚੁੱਕ ਰਹੇ। ਇਹ ਦੁਖਦ ਘਟਨਾ ਉਦੋਂ ਹੋਈ ਹੈ ਜਦੋਂ ਰਾਸ਼ਟਰੀ ਰਾਜਧਾਨੀ ਦੇ ਹਸਪਤਾਲਾਂ ਨੇ ਆਕਸੀਜਨ ਦੀ ਸਪਲਾਈ ਵਿਚ ਕਮੀ ਬਾਰੇ ਪਿਛਲੇ ਹਫ਼ਤੇ ਐੱਸ.ਓ.ਐ.ਸ ਮੈਸੇਜ ਭੇਜੇ ਗਏ ਸਨ। ਦਿੱਲੀ ਸਰਕਾਰ ਨੇ ਕਿਹਾ ਸੀ ਕਿ ਸ਼ਹਿਰ ਨੂੰ ਤੈਅ ਮਾਤਰਾ ਤੋਂ ਘੱਟ ਜੀਵਨ-ਰੱਖਿਅਕ ਗੈਸ ਵੰਡ ਕੀਤੀ ਜਾ ਰਹੀ ਹੈ।

ਕੋਰਟ ਨੇ ਸਾਫ਼ ਕੀਤੀ ਸੀ ਚਿੰਤਾ
ਦੱਸ ਦਈਏ ਹਾਲ ਹੀ ਵਿਚ 28 ਅਪ੍ਰੈਲ ਨੂੰ ਆਕਸੀਜਨ ਦੀ ਕਮੀ ਦੇ ਮਾਮਲੇ ਵਿਚ ਸੁਣਵਾਈ ਕਰਦੇ ਹੋਏ ਦਿੱਲੀ ਹਾਈ ਕੋਰਟ ਨੇ ਦਿੱਲੀ ਸਰਕਾਰ ਨੂੰ ਇਸ ਸਮੱਸਿਆ ਦਾ ਛੇਤੀ ਹੱਲ ਕੱਢਣ ਦਾ ਹੁਕਮ ਦਿੱਤਾ ਸੀ। ਇਸ ਉੱਤੇ ਦਿੱਲੀ ਸਰਕਾਰ ਵੱਲੋਂ ਅਗਲੇ 72 ਘੰਟਿਆਂ ਵਿਚ ਸਪਲਾਈ ਇਕੋ ਜਿਹੇ ਹੋਣ ਦਾ ਅਨੁਮਾਨ ਲਗਾਇਆ ਸੀ। ਇਸ ਦੌਰਾਨ ਜਸਟਿਸ ਪ੍ਰਤੀਭਾ ਸਿੰਘ ਦੀ ਬੈਂਚ ਨੇ ਬੱਤਰਾ ਹਸਪਤਾਲ ਦੇ ਹਾਲਾਤ ਨੂੰ ਲੈ ਕੇ ਚਿੰਤਾ ਸਾਫ਼ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਸੀ, ਜਦੋਂ ਮਰੀਜ਼ਾਂ ਨੂੰ ਪਤਾ ਚੱਲਦਾ ਹੈ ਕਿ ਬੱਤਰਾ ਹਸਪਤਾਲ ਵਿਚ ਆਕਸੀਜਨ ਖਤਮ ਹੋ ਰਹੀ ਹੈ ਤਾਂ ਤੁਸੀਂ ਉਨ੍ਹਾਂ ਦੀ ਹਾਲਤ ਸਮਝ ਸਕਦੇ ਹੋ। ਕੋਰਟ ਨੇ ਬੱਤਰਾ ਹਸਪਤਾਲ ਤੋਂ ਪੁੱਛਿਆ ਸੀ ਕਿ ਇੰਨਾ ਵੱਡਾ ਹਸਪਤਾਲ ਹੈ ਫਿਰ ਵੀ ਤੁਹਾਡੇ ਕੋਲ ਆਕਸੀਜਨ ਪਲਾਂਟ ਕਿਉਂ ਨਹੀਂ ਹੈ?

Get the latest update about Delhi, check out more about Batra Hospital, corona patients, Truescoopnews & Doctor

Like us on Facebook or follow us on Twitter for more updates.