Viral Video : ਵਿਆਹ 'ਚ ਸਾੜੀ ਪਾ ਕੇ ਪਹੁੰਚੇ ਦੋਸਤ, ਲਾੜਾ ਰਹਿ ਗਿਆ ਹੱਕਾ-ਬੱਕਾ

ਮਰਦਾਂ ਤੇ ਔਰਤਾਂ ਲਈ ਸਮਾਜ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਡਰੈੱਸ ਕੋਡ ਪ੍ਰਚਲਿਤ ਹਨ। ਹਾਲਾਂਕਿ...

ਵੈੱਬ ਸਟੋਰੀ - ਮਰਦਾਂ ਤੇ ਔਰਤਾਂ ਲਈ ਸਮਾਜ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਡਰੈੱਸ ਕੋਡ ਪ੍ਰਚਲਿਤ ਹਨ। ਹਾਲਾਂਕਿ, ਅਜੋਕੇ ਯੁੱਗ ਵਿਚ, ਔਰਤਾਂ ਨੇ ਵੀ ਮਰਦਾਂ ਦੇ ਕੱਪੜੇ ਪਹਿਨਣੇ ਸ਼ੁਰੂ ਕਰ ਦਿੱਤੇ ਹਨ, ਜਿਵੇਂ ਕਿ ਜੀਨਸ, ਟੀ-ਸ਼ਰਟ, ਕਮੀਜ਼ ਆਦਿ। ਹਾਂ, ਉਹ ਗੱਲ ਵੱਖਰੀ ਹੈ ਕਿ ਕੰਪਨੀਆਂ ਔਰਤਾਂ ਦੇ ਹਿਸਾਬ ਨਾਲ ਇਹ ਕੱਪੜੇ ਬਣਾਉਂਦੀਆਂ ਹਨ। ਕੋਈ ਸਮਾਂ ਸੀ ਜਦੋਂ ਕਮੀਜ਼-ਪੈਂਟ ਅਤੇ ਧੋਤੀ-ਕੁਰਤਾ ਪੁਰਸ਼ਾਂ ਦਾ ਪਹਿਰਾਵਾ ਮੰਨਿਆ ਜਾਂਦਾ ਸੀ, ਜਦੋਂਕਿ ਔਰਤਾਂ ਲਈ ਸਾੜੀਆਂ ਮੰਨੀਆਂ ਜਾਂਦੀਆਂ ਸਨ। ਵੈਸੇ ਤਾਂ ਅੱਜ ਵੀ ਸਿਰਫ ਔਰਤਾਂ ਹੀ ਸਾੜ੍ਹੀ ਪਹਿਨਦੀਆਂ ਨਜ਼ਰ ਆਉਂਦੀਆਂ ਹਨ ਪਰ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਦੋ ਲੜਕਿਆਂ ਨੇ ਸਾੜੀ ਪਾ ਕੇ ਇਕ ਵੱਖਰਾ ਐਕਸਪੈਰੀਮੈਂਟ ਕੀਤਾ ਹੈ। ਸਾੜ੍ਹੀ ਪਾ ਕੇ ਉਨ੍ਹਾਂ ਦਾ ਆਤਮਵਿਸ਼ਵਾਸ ਦੇਖਣ ਯੋਗ ਹੈ।

ਦਰਅਸਲ ਮਾਮਲਾ ਅਜਿਹਾ ਹੈ ਕਿ ਇੱਕ ਦੋਸਤ ਦੇ ਵਿਆਹ ਵਿੱਚ ਜਾਣ ਲਈ ਦੋ ਨੌਜਵਾਨਾਂ ਨੇ ਕੁਝ ਵੱਖਰਾ ਕਰਨ ਦੀ ਸੋਚੀ ਅਤੇ ਅਜਿਹਾ ਕਰਨ ਲਈ ਉਨ੍ਹਾਂ ਨੇ ਸਾੜ੍ਹੀ ਪਾਈ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਔਰਤ ਉਨ੍ਹਾਂ ਲੜਕਿਆਂ ਦੀ ਸਾੜੀ ਪਾਉਣ 'ਚ ਮਦਦ ਕਰ ਰਹੀ ਹੈ। ਖੂਬਸੂਰਤ ਅਤੇ ਚਮਕਦਾਰ ਸਾੜ੍ਹੀ ਪਹਿਨ ਕੇ ਦੋਵੇਂ ਇਕ ਦੋਸਤ ਦੇ ਵਿਆਹ 'ਤੇ ਜਾਣ ਲਈ ਤਿਆਰ ਹੋ ਗਏ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਮੱਥੇ 'ਤੇ ਬਿੰਦੀ ਵੀ ਲਗਾਈ। ਇਸ ਤੋਂ ਬਾਅਦ ਉਹ ਇਸ ਨਵੇਂ ਲੁੱਕ 'ਚ ਆਪਣੇ ਦੋਸਤ ਕੋਲ ਜਾਣ ਲਈ ਤਿਆਰ ਹੋ ਗਏ। ਸ਼ਿਕਾਗੋ ਦੇ ਮਿਸ਼ੀਗਨ ਐਵੇਨਿਊ 'ਤੇ ਸੈਰ ਕਰਦੇ ਹੋਏ ਉਹ ਆਪਣੇ ਦੋਸਤ ਕੋਲ ਪਹੁੰਚ ਗਏ। ਇਸ ਦੌਰਾਨ ਜਿਵੇਂ ਹੀ ਲਾੜਾ-ਲਾੜੀ ਨੇ ਉਸ ਦਾ ਇਹ ਰੂਪ ਦੇਖਿਆ ਤਾਂ ਉਹ ਉੱਚੀ-ਉੱਚੀ ਹੱਸ ਪਏ। ਹਾਲਾਂਕਿ, ਫਿਰ ਲਾੜਾ ਸਾੜੀ ਪਾ ਕੇ ਆਏ ਆਪਣੇ ਦੋਸਤਾਂ ਨੂੰ ਗਲੇ ਲਗਾ ਲੈਂਦਾ ਹੈ ਤੇ ਵੀਡੀਓ ਇਸ ਦੇ ਨਾਲ ਖਤਮ ਹੁੰਦਾ ਹੈ।

ਦੇਖੋ ਸਾੜ੍ਹੀਆਂ ਪਾ ਕੇ ਨੌਜਵਾਨਾਂ ਨੇ ਕੀ ਕੀਤਾ?
ਇਸ ਖੂਬਸੂਰਤ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ ਹੁਣ ਤੱਕ 4 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 39 ਹਜ਼ਾਰ ਤੋਂ ਵੱਧ ਲੋਕ ਇਸ ਵੀਡੀਓ ਨੂੰ ਪਸੰਦ ਵੀ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਵੀਡੀਓ ਨੂੰ ਦੇਖ ਕੇ ਲੋਕਾਂ ਨੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।

Get the latest update about groom reaction, check out more about dressed saree, friends, wedding venue & video viral

Like us on Facebook or follow us on Twitter for more updates.