ਕੋਰੋਨਾ ਨਾਲ ਬੁਰਾ ਹਾਲ, ਮਰੀਜ਼ਾ ਨੂੰ ਨਹੀ ਮਿਲ ਰਹੇ ਬੈੱਡਸ

ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਕੋਰੋਨਾ ਵਾਇਰਸ ਦਾ ਕਹਿਰ ਵਧਦਾ ਹੀ ਜਾ ..............

ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਕੋਰੋਨਾ ਵਾਇਰਸ ਦਾ ਕਹਿਰ ਵਧਦਾ ਹੀ ਜਾ ਰਿਹਾ ਹੈ। ਇਸਦਾ ਅਸਰ ਹੁਣ ਹਸਪਤਾਲਾਂ ਉੱਤੇ ਪੈਣ ਲਗਾ ਹੈ ਅਤੇ ਮਰੀਜਾਂ ਨੂੰ ਬੈੱਡਸ ਲਈ ਲੰਮਾ ਇੰਤਜਾਰ ਕਰਨਾ ਪੈ ਰਿਹਾ ਹੈ। ਗੁਜਰਾਤ ਦੇ ਅਹਿਮਦਾਬਾਦ ਦੀ ਤਸਵੀਰ ਵੀ ਕੁੱਝ ਵੱਖ ਨਹੀਂ ਹੈ, ਇੱਥੇ ਹੁਣ ਹਸਪਤਾਲ ਵਿਚ ਭਰਤੀ ਹੋਣ ਲਈ ਲੰਮੀ ਵੇਟਿੰਗ ਚੱਲ ਰਹੀ ਹੈ। 

ਗੁਜਰਾਤ ਵਿਚ ਕੋਰੋਨਾ ਦੇ ਵੱਧਦੇ ਮਾਮਲਿਆਂ ਦੇ ਵਿਚ ਹਸਪਤਾਲਾਂ ਉੱਤੇ ਬੋਝ ਵੱਧ ਰਿਹਾ ਹੈ। ਅਹਿਮਦਾਬਾਦ ਦੇ ਸਿਵਲ ਹਸਪਤਾਲ ਦੇ ਕੈਂਪਸ ਵਿਚ ਐਂਬੁਲੈਂਸ ਕਤਾਰਾਂ ਦੇ ਨਾਲ ਖੜੀਆਂ ਹਨ, ਇਹਨਾਂ ਵਿਚ ਮਰੀਜ਼ ਲੇਟੇ ਹੋਏ ਹਨ ਅਤੇ ਅੰਦਰ ਬੈੱਡਸ ਖਾਲੀ ਹੋਣ ਦਾ ਇੰਤਜਾਰ ਕਰ ਰਹੇ ਹਨ। 

ਅਹਿਮਦਾਬਾਦ ਦਾ ਇਹ ਸਭ ਤੋਂ ਵੱਡਾ ਕੋਵਿਡ ਹਸਪਤਾਲ ਹੈ ਜਿਸ ਵਿਚ 1200 ਬੈੱਡਸ ਫੁਲ ਹੋ ਚੁੱਕੇ ਹਨ, ਜਿਸਦੇ ਕਾਰਨ ਮਰੀਜਾਂ ਨੂੰ ਬਾਹਰ ਰੋਕਿਆ ਗਿਆ ਹੈ। ਅਜਿਹੇ ਵਿਚ ਐਂਬੁਲੈਂਸ ਵਿਚ ਹੀ ਮਰੀਜਾਂ ਨੂੰ ਆਕਸੀਜਨ ਦਿੱਤਾ ਜਾ ਰਿਹਾ ਹੈ।
  
ਧਿਆਨ ਯੋਗ ਹੈ ਕਿ ਗੁਜਰਾਤ ਵਿਚ ਇਸ ਵਕਤ ਕੋਰੋਨਾ ਦੀ ਖਤਰਨਾਕ ਲਹਿਰ ਚੱਲ ਰਹੀ ਹੈ। ਪਿਛਲੇ ਦਿਨ ਵੀ ਸੂਬੇ ਵਿਚ 6021 ਕੋਰੋਨਾ ਦੇ ਨਵੇਂ ਕੇਸ ਦਰਜ ਕੀਤੇ ਗਏ ਸਨ, ਜਦੋਂ ਕਿ 55 ਲੋਕਾਂ ਦੀ ਮੌਤ ਹੋਈ ਸੀ। ਅਹਿਮਦਾਬਾਦ ਦੇ ਇਲਾਵਾ ਸੂਰਤ, ਰਾਜਕੋਟ ਜਿਵੇਂ ਸ਼ਹਿਰਾਂ ਵਿਚ ਵੀ ਕੋਰੋਨਾ ਦੇ ਮਰੀਜਾਂ ਦੀ ਗਿਣਤੀ ਵੱਧ ਰਹੀ ਹੈ, ਹਸਪਤਾਲ ਵਿਚ ਮਰੀਜਾਂ ਦੀ ਭੀੜ ਵੀ ਵੱਧ ਰਹੀ ਹੈ।  

ਹਾਈਕੋਰਟ ਨੇ ਫਟਕਾਰ ਲਗਾਉਂਦੇ ਹੋਏ ਕਿਹਾ ਕਿ ਜਿਸ ਤਰ੍ਹਾਂ ਸਰਕਾਰ ਕੰਮ ਕਰ ਰਹੀ ਹੈ, ਉਸ ਤੋਂ ਲੋਕਾਂ ਨੂੰ ਲੱਗ ਰਿਹਾ ਹੈ ਕਿ ਉਹ ਸਿਰਫ ਭਗਵਾਨ ਭਰੋਸੇ ਹੀ ਹਨ। ਦੱਸ ਦਈਏ ਕਿ ਗੁਜਰਾਤ ਵਿਚ ਇਸ ਵਕਤ 30 ਹਜਾਰ ਤੋਂ ਜ਼ਿਆਦਾ ਕੋਰੋਨਾ ਦੇ ਐਕਟਿਵ ਕੇਸ ਹਨ। 

ਗੁਜਰਾਤ ਵਿਚ ਕੋਰੋਨਾ ਦਾ ਹਾਲ   
ਕੁਲ ਕੇਸਾਂ ਦੀ ਗਿਣਤੀ: 3,53516
ਹੁਣ ਤੱਕ ਹੋਈਆਂ ਮੌਤਾਂ: 4855
ਐਕਟਿਵ ਕੇਸਾਂ ਦੀ ਗਿਣਤੀ: 30680
ਹੁਣ ਤੱਕ ਠੀਕ ਹੋਏ ਮਰੀਜ਼: 3,17981

ਕਈ ਸੂਬਿਆਂ ਵਿਚ ਬੇਡਸ ਦੀ ਕਮੀ 
ਸਿਰਫ ਗੁਜਰਾਤ ਹੀ ਨਹੀਂ, ਸਗੋਂ ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਦਿੱਲੀ ਸਮੇਤ ਕਈ ਸੂਬਿਆ ਵਿਚ ਬੈੱਡਸ ਲਈ ਮਾਰਾਮਾਰੀ ਹੋ ਰਹੀ ਹੈ। ਲਖਨਊ ਵਿਚ ਹਰ ਰੋਜ ਚਾਰ ਹਜਾਰ ਤੋਂ ਜ਼ਿਆਦਾ ਕੋਰੋਨਾ ਕੇਸ ਆ ਰਹੇ ਹਨ, ਇੱਥੇ ਹਸਪਤਾਲ ਵਿਚ ਬੈੱਡਸ ਨਹੀਂ ਹਨ।  

ਦਿਲੀ ਵਿਚ ਇਕ ਦਰਜਨ ਤੋਂ ਜ਼ਿਆਦਾ ਪ੍ਰਾਇਵੇਟ ਹਸਪਤਾਲਾਂ ਵਿਚ ਇਕ ਵੀ ਬੈੱਡ ਨਹੀਂ ਹੈ, ਜਿਸਦੇ ਬਾਅਦ ਕਈ ਹਸਪਤਾਲ ਨੂੰ ਸਿਰਫ ਕੋਵਿਡ ਸਪੈਸ਼ਲ ਘੋਸ਼ਿਤ ਕੀਤਾ ਗਿਆ ਹੈ। ਮਹਾਰਾਸ਼ਟਰ  ਦੇ ਕਈ ਜਿਲਿਆਂ ਤੋਂ ਹੈਰਾਨ ਕਰਨ ਵਾਲੀਆਂ ਤਸਵੀਰਾਂ ਸਾਹਮਣੇ ਆ ਰਹੀ ਹਨ, ਜਿੱਥੇ ਹਸਪਤਾਲ ਵਿਚ ਬੈੱਡਸ ਨਾ ਹੋਣ ਦੇ ਕਾਰਨ ਬਾਹਰ ਹੀ ਮਰੀਜਾਂ ਦਾ ਇਲਾਜ ਹੋ ਰਿਹਾ ਹੈ ਜਾਂ ਉਨ੍ਹਾਂ ਨੂੰ ਜ਼ਮੀਨ ਉੱਤੇ ਲਿਟਾਇਆ ਜਾ ਰਿਹਾ ਹੈ।

Get the latest update about shortage, check out more about hospital, ahmedabad, cases & coronavirus

Like us on Facebook or follow us on Twitter for more updates.