ਖਾਲੀ ਸ਼ੀਸ਼ੀਆਂ 'ਚ ਪਾਣੀ ਭਰ ਕੇ ਲਗਾ ਦਿਤਾ ਟੀਕਾ? ਮੁੰਬਈ ਜਾਅਲੀ ਟੀਕਾਕਰਨ ਦੀ ਜਾਂਚ ਲਈ SIT ਗਠਿਤ

ਮੁੰਬਈ ਜਾਅਲੀ ਟੀਕਾਕਰਨ ਮਾਮਲੇ ਵਿਚ ਹਰ ਰੋਜ਼ ਨਵੇਂ ਖੁਲਾਸੇ ਹੋ ਰਹੇ ਹਨ। ਹੁਣ ਇਹ ਕਿਹਾ ਜਾ ਰਿਹਾ ਹੈ ਕਿ ..........

ਮੁੰਬਈ ਜਾਅਲੀ ਟੀਕਾਕਰਨ ਮਾਮਲੇ ਵਿਚ ਹਰ ਰੋਜ਼ ਨਵੇਂ ਖੁਲਾਸੇ ਹੋ ਰਹੇ ਹਨ। ਹੁਣ ਇਹ ਕਿਹਾ ਜਾ ਰਿਹਾ ਹੈ ਕਿ ਲੋਕਾਂ ਨੂੰ ਖਾਲੀ ਸ਼ੀਸ਼ੀਆ ਵਿਚ ਪਾਣੀ ਨੂੰ ਭਰ ਕੇ ਟੀਕਾ ਲਗਾਇਆ ਗਿਆ ਸੀ। ਮੁੰਬਈ ਪੁਲਸ ਨੇ ਜਾਅਲੀ ਟੀਕਾਕਰਨ ਘੁਟਾਲੇ ਦੀ ਜਾਂਚ ਲਈ ਹੁਣ ਐਸਆਈਟੀ ਦਾ ਗਠਨ ਕੀਤਾ ਹੈ, ਜਿਸਦੀ ਅਗਵਾਈ ਡੀਸੀਪੀ ਵਿਸ਼ਾਲ ਠਾਕੁਰ ਕਰਨਗੇ। ਇਸੇ ਦੌਰਾਨ ਕਾਂਦੀਵਾਲੀ ਜਾਅਲੀ ਟੀਕਾਕਰਨ ਮਾਮਲੇ ਵਿਚ ਦੋ ਹੋਰ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।

ਦਰਅਸਲ, ਮਹਾਰਾਸ਼ਟਰ ਸਰਕਾਰ ਨੇ ਵੀਰਵਾਰ ਨੂੰ ਬੰਬੇ ਹਾਈ ਕੋਰਟ ਨੂੰ ਦੱਸਿਆ ਕਿ ਸ਼ਹਿਰ ਦੇ 2 ਹਜ਼ਾਰ ਤੋਂ ਵੱਧ ਲੋਕਾਂ ਨੂੰ ਜਾਅਲੀ ਟੀਕੇ ਲਗਵਾਏ ਗਏ ਹਨ। ਪੁਲਸ ਨੂੰ ਸ਼ੱਕ ਹੈ ਕਿ ਸ਼ੀਸ਼ੀਆਂ ਵਿਚ ਗੰਦੇ ਪਾਣੀ ਦੀ ਵਰਤੋਂ ਕੀਤੀ ਜਾਂਦੀ ਸੀ, ਹੁਣ ਜਾਅਲੀ ਟੀਕਾਕਰਨ ਰੈਕੇਟ ਦੀ ਜਾਂਚ ਲਈ ਮੁੰਬਈ ਪੁਲਸ ਨੇ ਇਕ ਵਿਸ਼ੇਸ਼ ਜਾਂਚ ਟੀਮ (ਐਸਆਈਟੀ) ਬਣਾਈ ਗਈ ਹੈ।

ਸੂਤਰਾਂ ਅਨੁਸਾਰ ਡੀਸੀਪੀ ਵਿਸ਼ਾਲ ਠਾਕੁਰ ਇਸ ਮਾਮਲੇ ਦੀ ਜਾਂਚ ਕਰਨਗੇ। ਪੁਲਸ ਨੂੰ ਇਨ੍ਹਾਂ ਨਕਲੀ ਟੀਕਾਕਰਨ ਮੁਹਿੰਮਾਂ ਨੂੰ ਅੰਜ਼ਾਮ ਦੇਣ ਲਈ ਮੁੰਬਈ ਦੇ ਇਕ ਨਿੱਜੀ ਹਸਪਤਾਲ ਤੋਂ 38 ਸ਼ੀਸ਼ੀਆਂ ਦੀ ਖਰੀਦ ਦਾ ਸ਼ੱਕ ਹੈ। ਇਹ ਵੀ ਸ਼ੰਕਾ ਹੈ ਕਿ ਇਕ ਫਾਰਮਾਸਿਟੀਕਲ ਕੰਪਨੀ ਨੇ ਕਈ ਥਾਵਾਂ ਤੇ ਜਾਅਲੀ ਟੀਕਾਕਰਨ ਮੁਹਿੰਮਾਂ ਚਲਾਉਣ ਲਈ ਖਾਲੀ ਸ਼ੀਸ਼ੀਆ ਦੀ ਦੁਰਵਰਤੋਂ ਕੀਤੀ ਹੈ।

ਮੁੰਬਈ ਪੁਲਸ ਨੂੰ ਇਕ ਡਾਕਟਰ ਮਨੀਸ਼ ਤ੍ਰਿਪਾਠੀ 'ਤੇ ਵੀ ਸ਼ੱਕ ਹੈ, ਜਿਸ ਨੇ ਖਰੀਦ ਵਿਚ ਮਦਦ ਕੀਤੀ। ਇਸ ਦੌਰਾਨ ਡਾਕਟਰ ਨੇ ਅਦਾਲਤ ਵਿਚ ਅਗਾਮ ਜ਼ਮਾਨਤ ਲਈ ਅਰਜ਼ੀ ਦਿੱਤੀ ਹੈ, ਜਿਸ ਦੀ ਸੁਣਵਾਈ 25 ਜੂਨ ਨੂੰ ਹੋਵੇਗੀ। ਪੁਲਸ ਦਾ ਕਹਿਣਾ ਹੈ ਕਿ ਇਕ ਗਿਰੋਹ ਨੇ ਖਾਲੀ ਸ਼ੀਸ਼ੀਆਂ ਇਕੱਠੀਆਂ ਕੀਤੀਆਂ ਅਤੇ ਫਿਰ ਉਨ੍ਹਾਂ ਨੂੰ ਮੁੰਬਈ ਦੀ ਹੀਰਾਨੰਦਨੀ ਹੈਰੀਟੇਜ ਹਾਊਸਿੰਗ ਸੁਸਾਇਟੀ ਸਮੇਤ ਕਈ ਥਾਵਾਂ 'ਤੇ ਇਸਤੇਮਾਲ ਕੀਤਾ।

ਖਾਲੀ ਸ਼ੀਸ਼ੀਆ ਵਿਚ ਕੀ ਸੀ?
ਪੁਲਸ ਦੇ ਸੂਤਰਾਂ ਨੂੰ ਸ਼ੱਕ ਹੈ ਕਿ ਖਾਲੀ ਸ਼ੀਸ਼ੀਆਂ ਪਾਣੀ ਨਾਲ ਭਰੀਆਂ ਸਨ। ਉਨ੍ਹਾਂ ਲੋਕਾਂ ਲਈ ਕੋਈ ਮਾੜੇ ਪ੍ਰਭਾਵ ਨਹੀਂ ਸਨ ਜਿਨ੍ਹਾਂ ਨੂੰ ਪਾਣੀ ਟੀਕਾ ਲਗਾਇਆ ਸੀ। ਇਸ ਦੌਰਾਨ ਚਾਰਕੋਪ ਸਥਿਤ ਸ਼ਿਵਮ ਹਸਪਤਾਲ ਦੇ ਦੋ ਕਰਮਚਾਰੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਪੁਲਸ ਨੇ ਸ਼ਿਵਰਾਜ ਅਤੇ ਨੀਤਾ ਪਠਾਰਿਆ ਨਾਮ ਦੇ ਦੋ ਦੋਸ਼ੀਆਂ ਨੂੰ ਪੁਲਸ ਨੇ ਗ੍ਰਿਫਤਾਰ ਕੀਤਾ ਹੈ।

Get the latest update about mumbai fake covid19 vaccine, check out more about india, of using distilled water, TRUE SCOOP NEWS & mumbai

Like us on Facebook or follow us on Twitter for more updates.