ਕਹਿੰਦੇ ਨੇ ਕਿਸਮਤ ਵੀ ਉਨ੍ਹਾਂ ਦਾ ਸਾਥ ਦਿੰਦੀ ਹੈ, ਜਿਨ੍ਹਾਂ 'ਚ ਕੁਝ ਕਰਨ ਦੀ ਹਿੰਮਤ ਹੁੰਦੀ ਹੈ, ਇਸ ਦੀ ਇੱਕ ਬਿਹਤਰ ਉਦਾਹਰਣ ਹੈ ਜਲੰਧਰ ਸ਼ਹਿਰ ਦੀ ਬਹਾਦਰ ਲੜਕੀ ਕੁਸੂਮ । ਜਿਸ ਨੇ ਕੋਰੋਨਾ ਦੇ ਸਮੇਂ ਆਪਣੀ ਬਹਾਦਰੀ ਦੀ ਬਹੁਤ ਵੱਡੀ ਮਿਸਾਲ ਪੇਸ਼ ਕੀਤੀ। ਉਸ ਨੇ ਆਪਣਾ ਗੁੱਟ ਕੱਟੇ ਜਾਣ ਤੋਂ ਬਾਅਦ ਵੀ ਉਸ ਦਾ ਮੋਬਾਈਲ ਖੋਹ ਕੇ ਭੱਜ ਰਹੇ ਲੁਟੇਰਿਆਂ ਨਾਲ ਮੁਕਾਬਲਾ ਕੀਤਾ ਸੀ। ਹੁਣ ਕੁਸੂਮ ਨੂੰ ਭਾਰਤ ਸਰਕਾਰ ਵੱਲੋਂ ਬਹਾਦਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। 16 ਸਾਲ ਦੀ ਕੁਸੂਮ ਨੂੰ ਰਾਸ਼ਟਰੀ ਬਹਾਦਰੀ ਪੁਰਸਕਾਰ ਮਿਲਿਆ ਹੈ। ਇਸ ਵਾਰ ਬਹਾਦਰੀ ਪੁਰਸਕਾਰ ਕੋਰੋਨਾ ਕਾਰਨ 2020 ਤੋਂ 2022 ਤੱਕ ਤਿੰਨ ਸਾਲਾਂ ਲਈ ਇਕੱਠੇ ਦਿੱਤੇ ਜਾ ਰਹੇ ਹਨ। ਕੁਸੂਮ ਨੂੰ ਇੰਡੀਅਨ ਕੌਂਸਲ ਫਾਰ ਚਾਈਲਡ ਵੈਲਫੇਅਰ (ICCW) ਵੱਲੋਂ ਇਸ ਪੁਰਸਕਾਰ ਲਈ ਚੁਣਿਆ ਗਿਆ ਸੀ।
ਜਾਣਕਾਰੀ ਮੁਤਾਬਿਕ ਨਿੰਬੂ ਵਾਲੀ ਗਲੀ, ਫਤਿਹਪੁਰੀ ਮੁਹੱਲਾ, ਜਲੰਧਰ ਦੀ ਰਹਿਣ ਵਾਲੀ ਕੁਸੂਮ ਜਦੋਂ ਆਪਣੀ ਟਿਊਸ਼ਨ ਕਲਾਸ ਤੋਂ ਵਾਪਸ ਆ ਰਹੀ ਸੀ ਤਾਂ ਅਚਾਨਕ ਦੋ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਉਸ ਦਾ ਮੋਬਾਈਲ ਖੋਹ ਲਿਆ। ਕੁਸੂਮ ਨੇ ਬਿਨਾਂ ਕਿਸੇ ਡਰ ਦੇ ਉਸਨੇ ਲੁਟੇਰਿਆਂ ਦਾ ਸਾਹਮਣਾ ਕੀਤਾ। ਇੱਕ ਤੇਜ਼ਧਾਰ ਹਥਿਆਰ ਨਾਲ ਇੱਕ ਲੁਟੇਰਾ ਉਸ 'ਤੇ ਹਮਲਾ ਕਰਦਾ ਹੈ ਅਤੇ ਕੁਸੂਮ ਦਾ ਗੁੱਟ ਕੱਟ ਦਿੱਤਾ, ਪਰ ਕੁਸੂਮ ਹਾਰ ਨਹੀਂ ਮੰਨਦੀ ਅਤੇ ਉਹ ਲੁਟੇਰੇ ਦਾ ਸਾਹਮਣਾ ਕਰਦੀ ਹੈ ਅਤੇ ਉਸਨੂੰ ਕਾਬੂ ਕਰ ਲੈਂਦੀ ਹੈ। ਕੋਰੋਨਾ ਮਹਾਮਾਰੀ ਦੌਰਾਨ ਇਹ ਮੋਬਾਈਲ ਉਸ ਨੂੰ ਉਸ ਦੇ ਭਰਾ ਨੇ ਆਨਲਾਈਨ ਪੜ੍ਹਾਈ ਲਈ ਮਿਲਿਆ ਸੀ।
ਕੁਸੂਮ ਤਾਈਕਵਾਂਡੋ ਦੀ ਖਿਡਾਰਨ ਹੋਣ ਦੇ ਨਾਲ-ਨਾਲ ਐਨਸੀਸੀ ਕੈਡੇਟ ਵੀ ਹੈ। ਕੁਸੂਮ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਸ ਸਮੇਂ ਮੈਨੂੰ ਕੁਝ ਸਮਝ ਨਹੀਂ ਆ ਰਿਹਾ ਸੀ ਪਰ ਮੈਂ ਹਿੰਮਤ ਰੱਖ ਕੇ ਲੁਟੇਰਿਆਂ ਦਾ ਸਾਹਮਣਾ ਕੀਤਾ, ਜਿਸ ਕਾਰਨ ਮੈਂ ਜ਼ਖਮੀ ਹੋ ਗਈ ਅਤੇ ਮੇਰੇ ਹੱਥ ਦਾ ਕਾਫੀ ਦੇਰ ਤੱਕ ਇਲਾਜ ਚੱਲਿਆ। ਪਰ ਉਸ ਦਿਨ ਤੋਂ ਬਾਅਦ ਮੇਰੀ ਇਕ ਵੱਖਰੀ ਪਛਾਣ ਬਣੀ, ਹਰ ਕੋਈ ਮੈਨੂੰ ਬ੍ਰੇਵ ਗਰਲ ਕਹਿੰਦਾ ਹੈ ਅਤੇ ਇਹ ਮੇਰੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਬਹਾਦਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
Get the latest update about brave girl kusum, check out more about jalandhar brave girl kusum
Like us on Facebook or follow us on Twitter for more updates.
