ਅਫਰੀਕੀ ਦੇਸ਼ ਮਾਲੀ ਦੀ ਮਹਿਲਾ ਨੇ ਦਿੱਤਾ 9 ਬੱਚਿਆਂ ਨੂੰ ਜਨਮ, ਸਾਰੇ ਸਿਹਤਮੰਦ

ਦੁਨੀਆ ਵਿਚ ਆਪਣੀ ਤਰ੍ਹਾਂ ਦੀ ਇਕ ਦੁਰਲੱਭ ਘਟਨਾ ਵਿਚ ਅਫਰੀਕੀ ਦੇਸ਼ ਮਾਲੀ ਦੀ ਮਹਿਲਾ ਨੇ ਮੋਰੱਕੋ ਵਿਚ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਮਾ...

ਮਾਲੀ: ਦੁਨੀਆ ਵਿਚ ਆਪਣੀ ਤਰ੍ਹਾਂ ਦੀ ਇਕ ਦੁਰਲੱਭ ਘਟਨਾ ਵਿਚ ਅਫਰੀਕੀ ਦੇਸ਼ ਮਾਲੀ ਦੀ ਮਹਿਲਾ ਨੇ ਮੋਰੱਕੋ ਵਿਚ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਮਾਲੀ ਸਰਕਾਰ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਮਾਂ ਤੇ ਬੱਚੇ ਸਿਹਤਮੰਦ ਹਨ। ਹਾਲਾਂਕਿ ਅਜੇ ਤੱਕ ਮੋਰੱਕੋ ਦੇ ਪ੍ਰਸ਼ਾਸਨ ਨੇ ਇਸ ਘਟਨਾ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਇਸ ਤੋਂ ਪਹਿਲਾਂ ਮਾਲੀ ਦੀ ਸਰਕਾਰ ਨੇ 25 ਸਾਲ ਦੀ ਹਮੀਲਾ ਸਿੱਸੇ ਨੂੰ ਬਿਹਤਰ ਦੇਖਰੇਖ ਦੇ ਲ਼ਈ 30 ਮਾਰਚ ਨੂੰ ਮੋਰੱਕੋ ਭੇਜਿਆ ਸੀ।

ਸ਼ੁਰੂ ਵਿਚ ਇਹ ਮੰਨਿਆ ਗਿਆ ਸੀ ਕਿ ਮਹਿਲਾ ਦੇ ਪੇਟ ਵਿਚ 7 ਬੱਚੇ ਹਨ। ਹਾਲਾਂਕਿ ਉਸ ਨੇ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਹੁਣ ਤੱਕ 9 ਬੱਚਿਆਂ ਦੇ ਨਾਲ ਸਫਲਤਾਪੂਰਵਕ ਜਨਮ ਦੇਣ ਦੀ ਘਟਨਾ ਨੂੰ ਦੁਰਲੱਭ ਮੰਨਿਆ ਜਾਂਦਾ ਸੀ ਪਰ ਹੁਣ ਮਹਿਲਾ ਨੇ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਇਸ ਵਿਚਾਲੇ ਮੋਰੱਕੋ ਦੇ ਸਿਹਤ ਮੰਤਰਾਲਾ ਦੇ ਬੁਲਾਰੇ ਰਾਚਿਡ ਕੋਓਧਾਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਦੇਸ਼ ਦੇ ਕਿਸੇ ਹਸਪਤਾਲ ਵਿਚ ਇੰਨੇ ਬੱਚਿਆਂ ਨੂੰ ਜਨਮ ਦੇਣ ਦੀ ਘਟਨਾ ਦੇ ਬਾਰੇ ਵਿਚ ਕੋਈ ਜਾਣਕਾਰੀ ਨਹੀਂ ਹੈ।

ਹਲੀਮਾ ਨੇ 5 ਬੱਚੀਆਂ ਤੇ 4 ਬੱਚਿਆਂ ਨੂੰ ਸਿਜ਼ੇਰੀਅਨ ਵਿਧੀ ਨਾਲ ਜਨਮ ਦਿੱਤਾ
ਓਧਰ ਮਾਲੀ ਦੇ ਸਿਹਤ ਮੰਤਰਾਲਾ ਨੇ ਕਿਹਾ ਹੈ ਕਿ ਹਲੀਮਾ ਨੇ 5 ਬੱਚੀਆਂ ਤੇ 4 ਬੱਚੀਆਂ ਨੂੰ ਸਿਜ਼ੇਰੀਅਨ ਵਿਧੀ ਨਾਲ ਜਨਮ ਦਿੱਤਾ ਹੈ। ਦੇਸ਼ ਦੀ ਸਿਹਤ ਮੰਤਰੀ ਫਾਂਤਾ ਸਿਬੀ ਨੇ ਕਿਹਾ ਕਿ ਮਾਂ ਤੇ ਬੱਚੇ ਸਾਰੇ ਅਜੇ ਤੱਕ ਪੂਰੀ ਤਰ੍ਹਾਂ ਨਾਲ ਸਿਹਤਮੰਦ ਹਨ। ਉਨ੍ਹਾਂ ਨੇ ਕਿਹਾ ਕਿ ਮਹਿਲਾ ਦੇ ਨਾਲ ਮਾਲੀ ਦੇ ਇਕ ਡਾਕਟਰ ਵੀ ਗਏ ਹਨ ਤੇ ਉਹ ਪਲ-ਪਲ ਦੀ ਜਾਣਕਾਰੀ ਦੇ ਰਹੇ ਹਨ। ਫਾਂਤਾ ਨੇ ਦੱਸਿਆ ਕਿ ਹਲੀਮਾ ਤੇ ਉਨ੍ਹਾਂ ਦੇ ਬੱਚਿਆਂ ਨੂੰ ਅਗਲੇ ਕੁਝ ਹਫਤੇ ਬਾਅਦ ਵਾਪਸ ਲਿਆਂਦਾ ਜਾਵੇਗਾ।

ਇਸ ਵਿਚਾਲੇ ਸਥਾਨਕ ਮੀਡੀਆ ਦੇ ਮੁਤਾਬਕ ਡਾਕਟਰਾਂ ਨੇ ਹਲੀਮਾ ਦੀ ਸਿਹਤ ਤੇ ਬੱਚਿਆਂ ਦੀ ਜ਼ਿੰਦਗੀ ਨੂੰ ਲੈ ਕੇ ਚਿੰਤਾ ਜਤਾਈ ਹੈ। ਮਾਲੀ ਦੇ ਸਿਹਤ ਮੰਤਰਾਲਾ ਨੇ ਦੱਸਿਆ ਕਿ ਦੋਵਾਂ ਹੀ ਦੇਸ਼ਾਂ ਵਿਚ ਸ਼ੁਰੂ ਵਿਚ ਹੋਈ ਅਲਟ੍ਰਾਸਾਊਂਡ ਵਿਚ ਪਤਾ ਲੱਗਿਆ ਸੀ ਕਿ ਹਲੀਮਾ ਦੇ ਪੇਟ ਵਿਚ 7 ਬੱਚੇ ਹਨ। ਹਾਲਾਂਕਿ ਉਨ੍ਹਾਂ ਨੇ ਕੁੱਲ 9 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਸਿਬੀ ਨੇ ਮਾਲੀ ਤੇ ਮੋਰੱਕੋ ਦੀ ਸਿਹਤ ਟੀਮ ਨੂੰ ਇਸ ਸਫਲ ਮੁਹਿੰਮ ਦੇ ਲਈ ਵਧਾਈ ਦਿੱਤੀ ਹੈ।

Get the latest update about Truescoop, check out more about government, Nine babies, Mali Woman & Truescoopnews

Like us on Facebook or follow us on Twitter for more updates.