ਫਲਾਂ ਦਾ ਰਾਜਾ ਵਜਾ ਸਕਦੈ ਤੁਹਾਡੀ ਸਿਹਤ ਦਾ ਵਾਜਾ 

ਚੰਡੀਗੜ੍ਹ:- ਗਰਮੀਆਂ ਦੇ ਮੌਸਮ 'ਚ ਫਲਾਂ ਦਾ ਰਾਜਾ ਅੰਬ ਲੋਕਾਂ ਦਾ ਪਸੰਦੀਦਾ ਫਲ ਹੁੰਦਾ ਹੈ । ਇਸ ਦਾ ਨਾਂ ਸੁਣਦਿਆਂ ਹੀ ਜ਼ਿਆਦਾਤਰ ਲੋਕਾਂ ਦੇ ਮੂੰਹ ਵਿੱਚ ਪਾਣੀ ਆ ਜਾਂਦਾ ਹੈ। ਇਹ ਸਾਡਾ ਕੌਮੀ ਫਲ ਵੀ ਹੈ। ਇਸ ਲਈ ਇਸ ਨੂੰ ਵਿਸ਼ੇਸ਼ ਫਲ ਵਜੋਂ ਵੀ ਵੇਖਿਆ ਜਾਂਦਾ ਹੈ।ਅੰਬ ਖਾਣਾ ਸਿਹਤ ਲਈ ਚੰਗਾ ਵੀ ਹੁੰਦਾ ਹੈ ਪਰ ਜੇ ਇਹ ਲੋੜ ਤੋਂ ਵੱਧ ਖਾਧਾ ਜਾਏ ਤਾਂ ਸਿਹਤ 'ਤੇ ਮਾੜੇ ਅਸਰ ਵੀ ਹੁੰਦੇ ਹਨ।

ਅੰਬ ਦੇ ਉੱਪਰੀ ਹਿੱਸੇ ਵਿੱਚ ਇੱਕ ਅਜਿਹਾ ਤਰਲ ਪਦਾਰਥ ਹੁੰਦਾ ਹੈ, ਜੋ ਸਾਡੇ ਮੂੰਹ ਦਾ ਸਵਾਦ ਵਿਗਾੜਨ ਦੇ ਨਾਲ-ਨਾਲ ਸਿਹਤ ਲਈ ਵੀ ਕਾਫੀ ਖਰਾਬ ਹੁੰਦਾ ਹੈ। ਜੇ ਇਹ ਤਰਲ ਪਦਾਰਥ ਚਿਹਰੇ ਜਾਂ ਚਮੜੀ ਦੇ ਕਿਸੇ ਹੋਰ ਹਿੱਸੇ 'ਤੇ ਲੱਗ ਜਾਏ ਤਾਂ ਕਈ ਪ੍ਰੇਸ਼ਾਨੀਆਂ ਹੁੰਦੀਆਂ ਹਨ।ਅੰਬ ਦੇ ਇਸ ਤਰਲ ਪਦਾਰਥ ਦੀ ਵਜ੍ਹਾ ਕਰਕੇ ਦਾਦ, ਖੁਜਲੀ, ਖਾਰਸ਼ ਤੇ ਗਲ਼ ਵਿੱਚ ਸੋਜ ਤੇ ਦਰਦ ਦੀ ਸਮੱਸਿਆ ਹੋ ਸਕਦੀ ਹੈ।

ਸਾਵਧਾਨ ! ਜਾਮਨਾ ਨਾਲ ਇਹਨਾਂ ਚੀਜਾ ਦਾ ਸੇਵਨ ਸਿਹਤ ਲਈ ਸਿੱਧ ਹੋ ਸਕਦੈ ਸ਼ਰਾਪ 

ਅੰਬ 'ਚ ਭਾਰੀ ਮਾਤਰਾ 'ਚ ਪੋਸ਼ਕ ਤੱਤ ਹੁੰਦੇ ਹਨ ਪਰ ਜੇ ਇਹ ਲੋੜ ਤੋਂ ਵੱਧ ਖਾਧਾ ਜਾਏ ਤਾਂ ਸਰੀਰ ਵਿੱਚ ਮੌਜੂਦ ਰੋਗਾਂ ਨੂੰ ਵਧਾਉਣ ਦਾ ਕੰਮ ਕਰਦਾ ਹੈ। ਇਸ ਨੂੰ ਜ਼ਿਆਦਾ ਖਾਣ ਨਾਲ ਡਾਈਜ਼ੇਸ਼ਨ ਨਾਲ ਸਬੰਧਤ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਇਸ ਲਈ ਧਿਆਨ ਰੱਖੋ ਕਿ ਜੇ ਅੰਬ ਖਾ ਰਹੇ ਹੋ ਤਾਂ ਜ਼ਿਆਦਾ ਨਾ ਖਾਓ। ਅਜਿਹਾ ਕਰਨ ਨਾਲ ਪੇਟ ਦੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ। ਇਸ ਦੇ ਨਾਲ-ਨਾਲ ਸਰੀਰ 'ਤੇ ਜ਼ਖ਼ਮ ਪੈਣੇ ਸ਼ੁਰੂ ਹੋ ਜਾਂਦੇ ਹਨ।