ਸਰਕਾਰੀ ਸਕੂਲਾਂ ਦਾ ਪਹਿਰਾਵਾ ਬਦਲਣ ਦੇ ਹੁਕਮ ਜਾਰੀ, ਹਰ ਬੱਚੇ ਦੀ ਵਰਦੀ ਲਈ 600 ਰੁਪਏ ਦਾ ਬਜਟ ਤਿਆਰ

ਰਾਜਸਥਾਨ 'ਚ ਅਸ਼ੋਕ ਗਹਿਲੋਤ ਸਰਕਾਰ ਨੇ ਸਰਕਾਰੀ ਸਕੂਲਾਂ ਦਾ ਪਹਿਰਾਵਾ ਬਦਲਣ ਦੇ ਹੁਕਮ ਜਾਰੀ ਕੀਤੇ ਹਨ। ਹੁਣ ਇੱਥੇ ...

ਰਾਜਸਥਾਨ 'ਚ ਅਸ਼ੋਕ ਗਹਿਲੋਤ ਸਰਕਾਰ ਨੇ ਸਰਕਾਰੀ ਸਕੂਲਾਂ ਦਾ ਪਹਿਰਾਵਾ ਬਦਲਣ ਦੇ ਹੁਕਮ ਜਾਰੀ ਕੀਤੇ ਹਨ। ਹੁਣ ਇੱਥੇ ਵਿਦਿਆਰਥੀ ਹਲਕੇ ਅਸਮਾਨੀ ਅਤੇ ਗੂੜ੍ਹੇ ਸਲੇਟੀ ਰੰਗ ਦੀਆਂ ਵਰਦੀਆਂ ਪਾਉਣਗੇ। ਸਰਦੀਆਂ ਦੌਰਾਨ, ਗੂੜ੍ਹੇ ਸਲੇਟੀ ਰੰਗ ਦੇ ਸਵੈਟਰ ਅਤੇ ਕੋਰਟ ਇਸ ਵਰਦੀ ਦਾ ਹਿੱਸਾ ਹੋਣਗੇ।

ਇਸ ਤੋਂ ਪਹਿਲਾਂ ਭਾਜਪਾ ਦੀ ਵਸੁੰਧਰਾ ਰਾਜੇ ਸਰਕਾਰ ਨੇ ਸਰਕਾਰੀ ਸਕੂਲਾਂ ਵਿੱਚ ਹਲਕੇ ਭੂਰੇ ਰੰਗ ਦੀਆਂ ਕਮੀਜ਼ਾਂ ਜਾਂ ਕੁੜਤੇ ਅਤੇ ਭੂਰੇ ਰੰਗ ਦੀਆਂ ਪੈਂਟਾਂ ਜਾਂ ਸਕਰਟਾਂ ਦੇ ਹੁਕਮ ਜਾਰੀ ਕੀਤੇ ਸਨ। ਇਸ ਵੇਲੇ ਸਰਕਾਰੀ ਸਕੂਲਾਂ ਵਿੱਚ ਇਹੀ ਵਰਦੀ ਚੱਲ ਰਹੀ ਹੈ। 20 ਸਾਲਾਂ 'ਚ ਪਹਿਲੀ ਵਾਰ ਭਾਜਪਾ ਸਰਕਾਰ ਨੇ 2017 'ਚ ਹੁਕਮ ਜਾਰੀ ਕਰਕੇ ਸਕੂਲਾਂ ਦੀ ਵਰਦੀ ਬਦਲ ਦਿੱਤੀ ਸੀ, ਜਿਸ ਤੋਂ ਬਾਅਦ ਕਾਂਗਰਸ ਸਰਕਾਰ ਨੇ ਦੋਸ਼ ਲਾਇਆ ਕਿ ਭਾਜਪਾ ਸਰਕਾਰ ਸਰਕਾਰੀ ਸਕੂਲਾਂ 'ਚ ਆਰ.ਐੱਸ.ਐੱਸ. ਦੀ ਪਹਿਰਾਵਾ ਲਾਗੂ ਕਰ ਰਹੀ ਹੈ।

ਨਵੇਂ ਸੈਸ਼ਨ ਤੋਂ ਵਰਦੀ ਬਦਲ ਜਾਵੇਗੀ
ਅਸ਼ੋਕ ਗਹਿਲੋਤ ਸਰਕਾਰ ਵੱਲੋਂ ਜਾਰੀ ਹੁਕਮ ਮੌਜੂਦਾ ਵਿੱਦਿਅਕ ਸੈਸ਼ਨ ਵਿੱਚ ਲਾਗੂ ਨਹੀਂ ਹੋਣਗੇ। ਹਾਲਾਂਕਿ ਸੈਸ਼ਨ 2022-23 ਵਿੱਚ ਇਸ ਹੁਕਮ ਦੀ ਪਾਲਣਾ ਸਾਰੇ ਸਰਕਾਰੀ ਸਕੂਲਾਂ ਨੂੰ ਕਰਨੀ ਪਵੇਗੀ ਅਤੇ ਨਵਾਂ ਡਰੈੱਸ ਕੋਡ ਹਰ ਥਾਂ ਲਾਜ਼ਮੀ ਹੋਵੇਗਾ। ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਹਰੇਕ ਬੱਚੇ ਦੀ ਵਰਦੀ ਲਈ 600 ਰੁਪਏ ਦਾ ਬਜਟ ਤਿਆਰ ਕੀਤਾ ਗਿਆ ਹੈ। ਤਿੰਨ ਮਹੀਨਿਆਂ ਵਿੱਚ ਲੋੜੀਂਦੀ ਮਾਤਰਾ ਵਿੱਚ ਡਰੈੱਸ ਤਿਆਰ ਹੋ ਜਾਵੇਗੀ, ਇਸ ਲਈ ਜਲਦੀ ਹੀ ਟੈਂਡਰ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਸੂਬੇ ਵਿੱਚ ਪਹਿਲੀ ਤੋਂ ਅੱਠਵੀਂ ਜਮਾਤ ਦੇ 66 ਲੱਖ ਬੱਚੇ ਰਜਿਸਟਰਡ ਹਨ, ਜਿਨ੍ਹਾਂ ਨੂੰ ਮੁਫ਼ਤ ਵਰਦੀਆਂ ਦਿੱਤੀਆਂ ਜਾਣੀਆਂ ਹਨ।

Get the latest update about truescoop news, check out more about india news, rajasthan, national & government school

Like us on Facebook or follow us on Twitter for more updates.