ਰਿੰਦਾ ਨੇ ਫਿਰੌਤੀ ਨਾਲ ਇਕੱਠੇ ਕੀਤੇ ਪੈਸੇ, ਕਿਰਾਏ ਦੇ ਸ਼ੂਟਰਾਂ ਤੋਂ ਕਰਵਾਇਆ ਮੋਹਾਲੀ 'ਚ ਹਮਲਾ

ਮੋਹਾਲੀ- ਇੰਟੈਲੀਜੈਂਸ ਹੈੱਡਕੁਆਰਟਰ 'ਤੇ 9 ਮਈ ਦੀ ਸ਼ਾਮ ਆਰ.ਪੀ.ਜੀ. ਹਮਲਾ ਕਰਨ ਵਾਲੇ ਅੱਤਵਾਦੀਆਂ

ਮੋਹਾਲੀ- ਇੰਟੈਲੀਜੈਂਸ ਹੈੱਡਕੁਆਰਟਰ 'ਤੇ 9 ਮਈ ਦੀ ਸ਼ਾਮ ਆਰ.ਪੀ.ਜੀ. ਹਮਲਾ ਕਰਨ ਵਾਲੇ ਅੱਤਵਾਦੀਆਂ  ਦੀ ਪੁਖ਼ਤਾ ਜਾਣਕਾਰੀ ਜਾਂਚ ਏਜੰਸੀਆਂ ਨੂੰ ਮਿਲ ਚੁੱਕੀ ਹੈ। ਨਵੀਂ ਸੀ.ਸੀ.ਟੀ.ਵੀ  ਫੁਟੇਜ ਵਿਚ ਇਕ ਅੱਤਵਾਦੀ ਦਾ ਚਿਹਰਾ ਸਾਫ ਦਿਖ ਰਿਹਾ ਹੈ। 3 ਵਿਚੋਂ 1 ਅੱਤਵਾਦੀ ਨੇ ਰੁਦਰਾਕਸ਼ ਦੀ ਮਾਲਾ ਪਹਿਨੀ ਹੋਈ ਸੀ। ਆਰ.ਪੀ.ਜੀ. ਦਾਗਨ ਦੌਰਾਨ ਚੜ੍ਹਤ ਦੇ ਨਾਲ ਦੋ ਲੋਕਾਂ ਦੀ ਪਛਾਣ ਹੋ ਗਈ ਹੈ। ਇਸ ਵਿਚ ਇਕ ਹਰਿਆਣਾ ਅਤੇ ਦੂਜਾ ਉੱਤਰ ਪ੍ਰਦੇਸ਼ ਦਾ ਹੈ। ਉੱਤਰ ਪ੍ਰਦੇਸ਼ ਵਿਚ ਫੈਜ਼ਾਬਾਦ ਦੇ ਗੁੱਡੂ ਅਤੇ ਹਰਿਆਣਾ ਵਿਚ ਝੱਜਰ ਦੇ ਦੀਪਕ ਨੇ 5 ਅਪ੍ਰੈਲ ਨੂੰ ਮਹਾਰਾਸ਼ਟਰ ਦੇ ਨਾਂਦੇੜ ਵਿਚ ਇਕ ਬਿਲਡਰ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕੀਤੀ ਅਤੇ 9 ਮਈ ਨੂੰ ਚੜ੍ਹਤ ਸਿੰਘ ਦੇ ਨਾਲ ਇੰਟੈਲੀਜੈਂਸ ਦੀ ਬਿਲਡਿੰਗ ਨੂੰ ਨਿਸ਼ਾਨਾ ਬਣਾਇਆ। ਪਾਕਿਸਤਾਨ ਤੋਂ ਆਪ੍ਰੇਟ ਕਰ ਰਹੇ ਖਾਲਿਸਤਾਨੀ ਅੱਤਵਾਦੀ ਰਿੰਦਾ ਦੇ ਕਹਿਣ 'ਤੇ ਹੀ ਦੀਪਕ ਅਤੇ ਦੀਪਾਂਸ਼ ਉਰਫ ਗੁੱਡੂ ਬਿਲਡਰ ਸੰਜੇ ਬਿਆਨੀ ਦੀ ਨਾਂਦੇੜ ਵਿਚ ਹੱਤਿਆ ਕਰ ਮੱਧ ਪ੍ਰਦੇਸ਼ ਦੇ ਉੱਜੈਨ ਸ਼ਹਿਰ ਭੱਜੇ ਸਨ। ਆਰਪੀਜੀ. ਅਟੈਕ ਤੋਂ ਬਾਅਦ ਮਿਲੇ ਮੋਬਾਇਲ ਨਾਲ ਉਜੈਨ ਦੇ ਵਿਸ਼ਾਲ ਦਾ ਲਿੰਕ ਮਿਲਿਆ ਸੀ। ਜਾਂਚ ਏਜੰਸੀਆਂ ਦੀਪਕ ਅਤੇ ਗੁੱਡੂ ਦੇ ਨਾਲ ਹੁਣ ਵਿਸ਼ਾਲ ਦੀ ਸਰਗਰਮੀ ਨਾਲ ਭਾਲ ਕੀਤੀ ਜਾ ਰਹੀ ਹੈ। ਅਜਿਹਾ ਪਹਿਲੀ ਵਾਰ ਹੈ ਜਦੋਂ ਅੱਤਵਾਦੀ ਘਟਨਾ ਵਿਚ ਸ਼ੂਟਰ ਹਾਇਰ ਕਰਨ ਤੋਂ ਲੈ ਕੇ ਹਮਲੇ ਨੂੰ ਅੰਜਾਮ ਦੇਣ ਦੀ ਫਿਰੌਤੀ ਦੇ ਪੈਸੇ ਦਾ ਇਸਤੇਮਾਲ ਕੀਤਾ ਗਿਆ। ਇਸ ਵਿਚ ਪਹਿਲਾਂ ਡਰੱਗ ਮਨੀ ਦਾ ਇਸਤੇਮਾਲ ਹੁੰਦਾ ਰਿਹਾ ਹੈ। 
ਏਜੰਸੀਆਂ ਨੂੰ ਉਜੈਨ ਦੇ ਵਿਸ਼ਾਲ ਦੀ ਭਾਲ
ਮੋਹਾਲੀ ਵਿਚ ਆਰ.ਪੀ.ਜੀ. ਅਟੈਕ ਤੋਂ ਬਾਅਦ ਅੱਤਵਾਦੀਆਂ ਨੇ ਜ਼ੀਰਕਪੁਰ ਹਰਿਦਵਾਰ ਰੋਡ 'ਤੇ ਪਿੰਡ ਬਲਟਾਨਾ ਦੇ ਕੋਲ ਇਕ ਰੈਡਮੀ ਮੋਬਾਇਲ ਸੁੱਟਿਆ ਸੀ। ਇਸ ਫੋਨ ਦੀ ਜਾਂਚ ਤੋਂ ਬਾਅਦ ਏਜੰਸੀਆਂ ਨੂੰ ਅੱਤਵਾਦੀਆਂ ਬਾਰੇ ਪੁਖ਼ਤਾ ਇਨਪੁਟ ਮਿਲੇ। ਪੰਜਾਬ ਕਾਉਂਟਰ ਇੰਟੈਲੀਜੈਂਸ, ਮਹਾਰਾਸ਼ਟਰ ਏਟੀਐਸ ਅਤੇ ਦਿੱਲੀ ਸਪੈਸ਼ਲ ਸੈਲ ਦੀ ਜੁਆਇੰਟ ਇਨਵੈਸਟੀਗੇਸ਼ਨ ਵਿਚ ਇਨ੍ਹਾਂ ਦੀ ਪਛਾਣ ਹੋਈ। ਅੱਤਵਾਦੀਆਂ ਦੀ ਮਦਦ ਮੱਧ ਪ੍ਰਦੇਸ਼ ਵਿਚ ਉਜੈਨ ਦੇ ਵਿਸ਼ਾਲ ਨੇ ਕੀਤੀ ਸੀ। ਦੋਵੇਂ ਅੱਤਵਾਦੀ ਸਿੱਧੇ ਪਾਕਿਸਤਾਨ ਵਿਚ ਬੈਠੇ ਖਾਲਿਸਤਾਨੀ ਅੱਤਵਾਦੀ ਹਰਵਿੰਦਰ ਸਿੰਘ ਉਰਫ ਰਿੰਦਾ ਦੇ ਸੰਪਰਕ ਵਿਚ ਸਨ।

Get the latest update about truescoop news mohali attack, check out more about Latest news & Punjab news

Like us on Facebook or follow us on Twitter for more updates.