ਲੋਕਾਂ ਦੀ ਜ਼ਿੰਦਗੀ ਨਾਲ ਖੇਡ ਰਹੇ ਝੋਲਾਛਾਪ ਡਾਕਟਰ, ਦਰੱਖਤਾਂ ਨਾਲ ਟੰਗ ਚੜ੍ਹਾ ਰਹੇ ਡ੍ਰਿਪ ਦੀਆਂ ਬੋਤਲਾਂ

ਜਿਥੇ ਇਕ ਪਾਸੇ ਕੋਰੋਨਾ ਮਰੀਜ਼ਾਂ ਦੀ ਵਧਦੀ ਗਿਣਤੀ ਦੇ ਚੱਲਦੇ ਹਸਪਤਾਲਾਂ ਵਿਚ ਬੈੱਡ ਦੀ ਕਮੀ ਹੋ ਰਹੀ ਹੈ ਤਾਂ ਓਥੇ ਹੀ ਦੂਜੇ ਪਾ...

ਆਗਰ: ਜਿਥੇ ਇਕ ਪਾਸੇ ਕੋਰੋਨਾ ਮਰੀਜ਼ਾਂ ਦੀ ਵਧਦੀ ਗਿਣਤੀ ਦੇ ਚੱਲਦੇ ਹਸਪਤਾਲਾਂ ਵਿਚ ਬੈੱਡ ਦੀ ਕਮੀ ਹੋ ਰਹੀ ਹੈ ਤਾਂ ਓਥੇ ਹੀ ਦੂਜੇ ਪਾਸੇ ਪ੍ਰਦੇਸ਼ ਦੇ ਆਗਰ ਮਾਲਵਾ ਤੋਂ ਹੈਰਾਨ ਕਰਨ ਵਾਲੀ ਤਸਵੀਰ ਸਾਹਮਣੇ ਆਈ ਹੈ। ਇਥੇ ਝੋਲਾਛਾਪ ਡਾਕਟਰ ਖੇਤਾਂ ਵਿਚ ਮਰੀਜ਼ਾਂ ਦਾ ਇਲਾਜ ਕਰ ਰਹੇ ਹਨ। ਦਰੱਖਤ ਉੱਤੇ ਸਲਾਈਨ ਦੀ ਬੋਤਲ ਲਟਕਾ ਕੇ ਮਰੀਜ਼ਾਂ ਨੂੰ ਚੜਾਈਆਂ ਜਾ ਰਹੀਆਂ ਹਨ।

ਦਰਅਸਲ ਪੇਂਡੂ ਇਲਾਕਿਆਂ ਵਿਚ ਰਹਿਣ ਵਾਲਿਆਂ ਨੂੰ ਖੰਘ ਜ਼ੁਕਾਮ ਆਉਣ ਉੱਤੇ ਇਸ ਗੱਲ ਦਾ ਡਰ ਸਤਾ ਰਿਹਾ ਹੈ ਕਿ ਸ਼ਹਿਰ ਜਾਵਾਂਗੇ ਤਾਂ ਉਨ੍ਹਾਂ ਨੂੰ ਕੋਵਿਡ ਵਾਰਡ ਵਿਚ ਦਾਖਲ ਕਰ ਦਿੱਤਾ ਜਾਵੇਗਾ, ਇਸ ਲਈ ਉਹ ਪਿੰਡ ਦੇ ਝੋਲਾਛਾਪ ਡਾਕਟਰਾਂ ਦੇ ਕੋਲ ਇਲਾਜ ਦੇ ਲਈ ਪਹੁੰਚ ਰਹੇ ਹਨ।

ਸ਼ਹਿਰ ਵਿਚ ਪ੍ਰਸ਼ਾਸਨ ਵਲੋਂ ਅਜਿਹੇ ਝੋਲਾਛਾਪ ਡਾਕਟਰਾਂ ਉੱਤੇ ਕਾਰਵਾਈ ਵੀ ਜਾਰੀ ਹੈ ਲਿਹਾਜ਼ਾ ਪ੍ਰਸ਼ਾਸਨ ਦੀਆਂ ਅੱਖਾਂ ਵਿਚ ਘੱਟਾ ਪਾ ਕੇ ਅਜਿਹੇ ਝੋਲਾਛਾਪ ਡਾਕਟਰ ਖੇਤ ਵਿਚ ਮਰੀਜ਼ਾਂ ਦਾ ਇਲਾਜ ਕਰ ਰਹੇ ਹਨ। ਇਸ ਦੌਰਾਨ ਦਰੱਖਤ ਉੱਤੇ ਹੀ ਸਲਾਈਨ ਲਟਕਾ ਕੇ ਮਰੀਜ਼ਾਂ ਨੂੰ ਚੜਾਈਆਂ ਜਾ ਰਹੀਆਂ ਹਨ। ਝੋਲਾਛਾਪ ਡਾਕਟਰਾਂ ਦੀ ਇਹ ਕਰਤੂਤ ਪ੍ਰਸ਼ਾਸਨ ਨੂੰ ਜਿਵੇਂ ਹੀ ਪਤਾ ਲੱਗਿਆ, ਉਸ ਨੂੰ ਰੁਕਵਾਇਆ ਗਿਆ ਹੈ।

ਇਸ ਮਾਮਲੇ ਵਿਚ ਗੱਲ ਕਰਦੇ ਹੋਏ ਬੀ.ਐੱਮ.ਸੀ. ਮਨੀਸ਼ ਕੁਰੀਲ ਨੇ ਦੱਸਿਆ ਕਿ ਝੋਲਾਛਾਪ ਡਾਕਟਰ ਜੋ ਪੇਂਡੂ ਇਲਾਕਿਆਂ ਵਿਚ ਇਸ ਤਰ੍ਹਾਂ ਇਲਾਜ ਕਰ ਰਹੇ ਹਨ, ਉਨ੍ਹਾਂ ਉੱਤੇ ਪਹਿਲਾਂ ਵੀ ਕਾਰਵਾਈ ਕੀਤੀ ਗਈ ਹੈ। ਇਸ ਮਾਮਲੇ ਵਿਚ ਵੀ ਕਾਰਵਾਈ ਕਰ ਰਹੇ ਹਨ। ਸਾਡੀ ਸਾਰਿਆਂ ਨੂੰ ਅਪੀਲ ਹੈ ਕਿ ਜਿਸ ਨੂੰ ਵੀ ਖੰਘ, ਜ਼ੁਕਾਮ ਜਿਹੇ ਲੱਛਣ ਲੱਗਣ ਉਹ ਪਹਿਲਾਂ ਡਾਕਟਰ ਨੂੰ ਦਿਖਾਉਣ, ਉਨ੍ਹਾਂ ਦੇ ਨਿਰਦੇਸ਼ਾਂ ਉੱਤੇ ਆਪਣਾ ਕੋਰੋਨਾ ਟੈਸਟ ਕਰਵਾਉਣ ਨਹੀਂ ਤਾਂ ਅਜਿਹੇ ਇਲਾਜ ਤੋਂ ਬਾਅਦ ਬਹੁਤ ਦੇਰ ਹੋ ਜਾਂਦੀ ਹੈ।

Get the latest update about Truescoopnews, check out more about doctor, Agar, Saline Bottle & Truescoop

Like us on Facebook or follow us on Twitter for more updates.