Ukraine-Russia War : ਸੋਨੂੰ ਸੂਦ ਨੇ ਯੂਕਰੇਨ 'ਚ ਫਸੇ ਭਾਰਤੀ ਵਿਦਿਆਰਥੀਆਂ ਦੀ ਕੀਤੀ ਮਦਦ, ਕਿਹਾ- ''ਇਹ ਮੇਰਾ ਸਭ ਤੋਂ ਮੁਸ਼ਕਿਲ ਅਸਾਈਨਮੈਂਟ''

ਸ ਤੇ ਯੂਕਰੇਨ ਵਿਚਾਲੇ ਲਗਾਤਾਰ ਜੰਗ ਜਾਰੀ ਹੈ। ਹਜ਼ਾਰਾਂ ਭਾਰਤੀ ਵਿਦਿਆਰਥੀ ਅਜੇ ਵੀ ਯੂਕਰੇਨ ਵਿੱਚ ਫਸੇ ਹੋਏ ਹਨ। ਅਜਿਹੇ 'ਚ ਅਭਿਨੇਤਾ ਸੋਨੂੰ ਸੂਦ ਨੇ ਇਕ ਵਾਰ ਫਿਰ ਮਸੀਹਾ ਬਣ ਕੇ ਉੱਥੇ ਦੇ ਵਿਦਿਆਰਥੀਆਂ ਦੀ ਮਦਦ ਕੀਤੀ ਹੈ

ਕੀਵ— ਰੂਸ ਤੇ ਯੂਕਰੇਨ ਵਿਚਾਲੇ ਲਗਾਤਾਰ ਜੰਗ ਜਾਰੀ ਹੈ। ਹਜ਼ਾਰਾਂ ਭਾਰਤੀ ਵਿਦਿਆਰਥੀ ਅਜੇ ਵੀ ਯੂਕਰੇਨ ਵਿੱਚ ਫਸੇ ਹੋਏ ਹਨ। ਅਜਿਹੇ 'ਚ ਅਭਿਨੇਤਾ ਸੋਨੂੰ ਸੂਦ ਨੇ ਇਕ ਵਾਰ ਫਿਰ ਮਸੀਹਾ ਬਣ ਕੇ ਉੱਥੇ ਦੇ ਵਿਦਿਆਰਥੀਆਂ ਦੀ ਮਦਦ ਕੀਤੀ ਹੈ। ਯੂਕਰੇਨ ਤੋਂ ਵਾਪਸ ਆਏ ਕਈ ਵਿਦਿਆਰਥੀਆਂ ਨੇ ਦੱਸਿਆ ਕਿ ਕਿਵੇਂ ਸੋਨੂੰ ਅਤੇ ਉਨ੍ਹਾਂ ਦੀ ਟੀਮ ਨੇ ਜੰਗ ਦੇ ਹਾਲਾਤਾਂ ਵਿੱਚ ਵਿਦਿਆਰਥੀਆਂ ਦੀ ਮਦਦ ਕੀਤੀ।

ਸੋਨੂੰ ਸਰ ਨੇ ਸਾਡੀ ਮਦਦ ਕੀਤੀ
- ਹਰਸ਼ਾ ਨਾਂ ਦੇ ਵਿਦਿਆਰਥੀ ਨੇ ਕਿਹਾ, ''ਅਸੀਂ ਇੱਥੇ ਕੀਵ 'ਚ ਫਸੇ ਹੋਏ ਹਾਂ। ਸੋਨੂੰ ਸੂਦ ਸਰ ਅਤੇ ਉਨ੍ਹਾਂ ਦੀ ਟੀਮ ਨੇ ਇੱਥੋਂ ਨਿਕਲਣ ਵਿੱਚ ਸਾਡੀ ਮਦਦ ਕੀਤੀ ਹੈ। ਅਸੀਂ ਲਵੀਵ ਲਈ ਰਵਾਨਾ ਹੋ ਗਏ ਹਾਂ ਜੋ ਕਿ ਇੱਕ ਸੁਰੱਖਿਅਤ ਜਗ੍ਹਾ ਹੈ। ਉਥੋਂ ਅਸੀਂ ਆਰਾਮ ਨਾਲ ਭਾਰਤ ਪਹੁੰਚ ਜਾਵਾਂਗੇ।

ਨਵੀਂ ਉਮੀਦ ਦੇਣ ਲਈ ਧੰਨਵਾਦ
- ਇਸ ਦੇ ਨਾਲ ਹੀ ਚਾਰੂ ਨੇ ਦੱਸਿਆ ਕਿ ਮੈਂ ਕੀਵ ਤੋਂ ਜਾ ਨਿਕਲ ਰਹੀ ਹਾਂ। ਸੋਨੂੰ ਸਰ ਨੇ ਸਹੀ ਸਮੇਂ 'ਤੇ ਮਦਦ ਕੀਤੀ, ਕੁਝ ਸਮੇਂ ਬਾਅਦ ਅਸੀਂ ਲਵੀਵ ਪਹੁੰਚ ਜਾਵਾਂਗੇ। ਉਥੋਂ ਅਸੀਂ ਅੱਜ ਰਾਤ ਪੋਲੈਂਡ ਦੀ ਸਰਹੱਦ ਪਾਰ ਕਰਾਂਗੇ। ਤੁਹਾਡਾ ਬਹੁਤ ਬਹੁਤ ਧੰਨਵਾਦ ਤੁਸੀਂ ਅਤੇ ਤੁਹਾਡੀ ਟੀਮ ਨੇ ਸਾਨੂੰ ਇੱਕ ਨਵੀਂ ਉਮੀਦ ਦਿੱਤੀ ਹੈ।

ਇਹ ਮੇਰਾ ਸਭ ਤੋਂ ਔਖਾ ਅਸਾਈਨਮੈਂਟ: ਸੋਨੂੰ
- ਆਪਣੀ ਸੋਸ਼ਲ ਮੀਡੀਆ ਪੋਸਟ 'ਤੇ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਸੋਨੂੰ ਸੂਦ ਨੇ ਲਿਖਿਆ, ''ਯੂਕਰੇਨ ਵਿਚ ਸਾਡੇ ਵਿਦਿਆਰਥੀਆਂ ਲਈ ਬਹੁਤ ਮੁਸ਼ਿਕਲ ਸਮਾਂ ਹੈ ਅਤੇ ਸ਼ਾਇਦ ਮੇਰਾ ਹੁਣ ਤੱਕ ਦਾ ਸਭ ਤੋਂ ਮੁਸ਼ਕਿਲ ਕੰਮ  ਹੈ। ਖੁਸ਼ਕਿਸਮਤੀ ਨਾਲ, ਅਸੀਂ ਬਹੁਤ ਸਾਰੇ ਵਿਦਿਆਰਥੀਆਂ ਨੂੰ ਇੱਕ ਸੁਰੱਖਿਅਤ ਖੇਤਰ ਵਿੱਚ ਸਰਹੱਦ ਪਾਰ ਕਰਨ ਵਿੱਚ ਮਦਦ ਕਰਨ ਦੇ ਯੋਗ ਸੀ। ਚਲੋ ਕੋਸ਼ਿਸ਼ ਕਰਦੇ ਰਹੀਏ, ਉਹਨਾਂ ਨੂੰ ਸਾਡੀ ਲੋੜ ਹੈ। ਸੋਨੂੰ ਸੂਦ ਨੇ ਪੋਸਟ ਵਿੱਚ ਭਾਰਤ ਸਰਕਾਰ, ਵਿਦੇਸ਼ ਮੰਤਰਾਲੇ ਅਤੇ ਭਾਰਤੀ ਦੂਤਾਵਾਸ ਦਾ ਵੀ ਧੰਨਵਾਦ ਕੀਤਾ ਹੈ।

Get the latest update about Truescoopnews, check out more about Truescoop, Bollywood Film Actor, assignment & Ukraine Russia War

Like us on Facebook or follow us on Twitter for more updates.