Stock Market: ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ 'ਚ ਸ਼ਾਨਦਾਰ ਉਛਾਲ, 442 ਅੰਕ ਚੜ੍ਹਿਆ ਸੈਂਸੈਕਸ

ਸਤੰਬਰ ਮਹੀਨੇ ਦੇ ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਕਾਫੀ ਤੇਜ਼ੀ ਨਾਲ ਬੰਦ ਹੋਇਆ। ਨਿਵੇਸ਼ਕਾਂ ਦੀ ਖਰੀਦਦਾਰੀ ਕਾਰਨ ਭਾਰੀ ਉਛਾਲ ਦੇਖਣ ਨੂੰ ਮਿਲਿਆ ਹੈ

ਸਤੰਬਰ ਮਹੀਨੇ ਦੇ ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਕਾਫੀ ਤੇਜ਼ੀ ਨਾਲ ਬੰਦ ਹੋਇਆ। ਨਿਵੇਸ਼ਕਾਂ ਦੀ ਖਰੀਦਦਾਰੀ ਕਾਰਨ ਭਾਰੀ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਸੈਂਸੈਕਸ ਫਿਰ ਤੋਂ 59,000 ਦੇ ਅੰਕੜੇ ਨੂੰ ਪਾਰ ਕਰਨ 'ਚ ਕਾਮਯਾਬ ਹੋ ਗਿਆ ਹੈ ਜਦਕਿ ਬੈਂਕ ਨਿਫਟੀ ਦੇ ਸਾਰੇ 12 ਸ਼ੇਅਰ ਹਰੇ ਰੰਗ(ਵਾਧੇ) 'ਚ ਬੰਦ ਹੋਏ। ਅੱਜ ਕਾਰੋਬਾਰ ਦੇ ਅੰਤ 'ਚ ਮੁੰਬਈ ਸਟਾਕ ਐਕਸਚੇਂਜ ਦਾ ਸੈਂਸੈਕਸ 442 ਅੰਕ ਵਧ ਕੇ 59,245 'ਤੇ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 126 ਅੰਕਾਂ ਦੇ ਵਾਧੇ ਨਾਲ 17,665 'ਤੇ ਬੰਦ ਹੋਇਆ।

ਬਾਜ਼ਾਰ 'ਚ ਅੱਜ ਬੈਂਕਿੰਗ, ਆਈ.ਟੀ., ਆਟੋ, ਫਾਰਮਾ, ਐੱਫ.ਐੱਮ.ਸੀ.ਜੀ., ਊਰਜਾ, ਧਾਤੂ, ਕੰਜ਼ਿਊਮਰ ਡਿਊਰੇਬਲ, ਆਇਲ ਐਂਡ ਗੈਸ ਤੋਂ ਇਲਾਵਾ ਮੀਡੀਆ ਸੈਕਟਰ ਦੇ ਸ਼ੇਅਰਾਂ 'ਚ  ਚੰਗੀ ਖਰੀਦਾਰੀ ਰਹੀ।  ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 35 ਸ਼ੇਅਰ ਹਰੇ ਨਿਸ਼ਾਨ 'ਤੇ ਬੰਦ ਹੋਏ, ਜਦਕਿ 15 ਸ਼ੇਅਰ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਮਿਡਕੈਪ ਅਤੇ ਸਮਾਲ ਕੈਪ ਸ਼ੇਅਰਾਂ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ। ਇਸ ਲਈ ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ ਸਿਰਫ 24 ਸਟਾਕ ਵਾਧੇ ਤੇ ਬੰਦ ਹੋਏ। 


ਬਾਜ਼ਾਰ 'ਚ ਵਧ ਰਹੇ ਸ਼ੇਅਰਾਂ 'ਚ ਸਨ ਫਾਰਮਾ 1.81 ਫੀਸਦੀ, ਆਈ.ਟੀ.ਸੀ. 1.78 ਫੀਸਦੀ, ਐੱਨ.ਟੀ.ਪੀ.ਸੀ. 1.70 ਫੀਸਦੀ, ਰਿਲਾਇੰਸ 1.60 ਫੀਸਦੀ, ਐਚ.ਸੀ.ਐਲ ਟੈਕ 1.28 ਫੀਸਦੀ, ਟਾਟਾ ਸਟੀਲ 1.28 ਫੀਸਦੀ, ਲਾਰਸਨ 1.18 ਫੀਸਦੀ, ਆਈ.ਸੀ.ਆਈ.ਸੀ.ਆਈ. ਬੈਂਕ 1.15 ਫੀਸਦੀ, ਏਅਰਟੈੱਲ. 0.85 ਫੀਸਦੀ, ਕੋਟਕ ਮਹਿੰਦਰਾ ਬੈਂਕ 0.83 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਇਆ ਹੈ। ਜਦਕਿ ਬਜਾਜ ਆਟੋ 1.84 ਫੀਸਦੀ, ਨੈਸਲੇ 1.54 ਫੀਸਦੀ, ਬ੍ਰਿਟਾਨੀਆ 1.12 ਫੀਸਦੀ, ਅਲਟਰਾਟੈੱਕ ਸੀਮੈਂਟ 0.84 ਫੀਸਦੀ, ਅਪੋਲੋ ਹਸਪਤਾਲ 0.69 ਫੀਸਦੀ, ਆਈਸ਼ਰ ਮੋਟਰਜ਼ 0.63 ਫੀਸਦੀ, ਟਾਟਾ ਮੋਟਰਜ਼ 0.60 ਫੀਸਦੀ, ਵਿਪਰੋ 0.53 ਫੀਸਦੀ, ਜੀ.ਆਰ.ਆਈ.ਡੀ. HDFC ਲਾਈਫ 0.21 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਇਆ ਹੈ।

Get the latest update about stock market, check out more about share market, stock market update & market update

Like us on Facebook or follow us on Twitter for more updates.