ਅੰਧਵਿਸ਼ਵਾਸ ਦੀ ਹੱਦ: ਪੰਜ ਦਿਨਾਂ ਤੱਕ ਬੇਟੀ ਦੀ ਲਾਸ਼ ਨਾਲ ਰਹਿਣ ਵਾਲੇ ਪਰਿਵਾਰ ਦਾ ਇਕ ਹੋਰ ਡਰਾਉਣਾ ਸੱਚ

ਹਾਲ੍ਹੀ 'ਚ ਇਹ ਮਾਮਲਾ ਸਾਹਮਣੇ ਆਇਆ ਸੀ ਜਦੋਂ ਪ੍ਰਯਾਗਰਾਜ 'ਚ ਇੱਕ ਪਰਿਵਾਰ 5 ਦਿਨਾਂ ਤੱਕ ਆਪਣੀ ਬੇਟੀ ਦੀ ਲਾਸ਼ ਨਾਲ ਰਿਹਾ ਪਰ ਹੁਣ ਇਸ ਮਾਮਲੇ 'ਚ ਇਸ ਪਰਿਵਾਰ ਦੇ ਹੋਰ ਵੀ ਡਰਾਉਣੇ ਸੱਚ ਸਾਹਮਣੇ ਆ ਰਹੇ ਹਨ...

ਹਾਲ੍ਹੀ 'ਚ ਇਹ ਮਾਮਲਾ ਸਾਹਮਣੇ ਆਇਆ ਸੀ ਜਦੋਂ ਪ੍ਰਯਾਗਰਾਜ 'ਚ ਇੱਕ ਪਰਿਵਾਰ 5 ਦਿਨਾਂ ਤੱਕ ਆਪਣੀ ਬੇਟੀ ਦੀ ਲਾਸ਼ ਨਾਲ ਰਿਹਾ ਪਰ ਹੁਣ ਇਸ ਮਾਮਲੇ 'ਚ ਇਸ ਪਰਿਵਾਰ ਦੇ ਹੋਰ ਵੀ ਡਰਾਉਣੇ ਸੱਚ ਸਾਹਮਣੇ ਆ ਰਹੇ ਹਨ। ਪ੍ਰਯਾਗਰਾਜ ਦੇ ਕਰਚਨਾ ਪਿੰਡ ਡੇਹਾ 'ਚ ਧੀ ਦੀ ਲਾਸ਼ ਨਾਲ ਰਹਿਣ ਵਾਲੇ ਪਰਿਵਾਰ ਦੇ ਲੋਕ ਵਹਿਮਾਂ-ਭਰਮਾਂ 'ਚ ਇੰਨੇ ਡੁੱਬ ਗਏ ਕਿ ਉਨ੍ਹਾਂ ਨੇ ਪਾਲਤੂ ਜਾਨਵਰਾਂ ਨੂੰ ਚਾਰਾ-ਪਾਣੀ ਵੀ ਨਹੀਂ ਦਿੱਤਾ। ਉਨ੍ਹਾਂ ਕੋਲ ਛੇ ਪਸ਼ੂ ਸਨ, ਪਰ ਭੋਜਨ ਦੀ ਘਾਟ ਕਾਰਨ ਉਹ ਭੁੱਖ ਨਾਲ ਇੱਕ-ਇੱਕ ਕਰਕੇ ਮਰ ਗਏ। ਪਿੰਡ ਵਾਸੀਆਂ ਨੇ ਪਸ਼ੂਆਂ ਨੂੰ ਚਾਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਪਰਿਵਾਰਕ ਮੈਂਬਰਾਂ ਨੇ ਉਨ੍ਹਾਂ ਨਾਲ ਝਗੜਾ ਵੀ ਕੀਤਾ। ਦੂਜੇ ਪਾਸੇ ਮਾਮਲਕੇ ਸਾਹਮਣੇ ਆਉਣ ਤੋਂ ਬਾਅਦ ਪੋਸਟਮਾਰਟਮ ਤੋਂ ਬਾਅਦ ਲੜਕੀ ਦੀ ਲਾਸ਼ ਦਾ ਸਸਕਾਰ ਕਰ ਦਿੱਤਾ ਗਿਆ।

ਡੇਹਾ ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਪਸ਼ੂ ਬਹੁਤ ਚੰਗੀ ਨਸਲ ਦੇ ਸਨ। ਪਰ ਅੰਧਵਿਸ਼ਵਾਸ ਕਾਰਨ ਪਰਿਵਾਰਕ ਮੈਂਬਰਾਂ ਨੇ ਉਨ੍ਹਾਂ ਨੂੰ ਚਾਰਾ ਅਤੇ ਪਾਣੀ ਦੇਣਾ ਵੀ ਬੰਦ ਕਰ ਦਿੱਤਾ। ਪਸ਼ੂਆਂ ਦੀ ਵਿਗੜਦੀ ਹਾਲਤ ਨੂੰ ਦੇਖਦਿਆਂ ਇੱਕ ਵਾਰ ਜ਼ਿਲ੍ਹਾ ਪੰਚਾਇਤ ਮੈਂਬਰ ਵਿਜੇਰਾਜ ਯਾਦਵ ਨੇ ਚਾਰਾ ਭੇਜਿਆ ਤਾਂ ਪਰਿਵਾਰਕ ਮੈਂਬਰਾਂ ਨੇ ਉਸ ਨੂੰ ਸੁੱਟ ਦਿੱਤਾ। ਉਸ ਪਰਿਵਾਰ ਦਾ ਕਹਿੰਦਾ ਸੀ ਕਿ ਦੇਵੀ ਮਾਂ ਪਸ਼ੂਆਂ ਨੂੰ ਜਿਉਂਦਾ ਰੱਖਣਗੇ । ਆਖ਼ਰਕਾਰ ਭੁੱਖ ਕਾਰਨ ਇੱਕ-ਇੱਕ ਕਰਕੇ ਸਾਰੇ ਪਸ਼ੂ ਮਰ ਗਏ। ਹਾਲਤ ਇਹ ਸੀ ਕਿ ਪਸ਼ੂਆਂ ਦੇ ਮਰਨ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਨੇ ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਹੱਥ ਤੱਕ ਨਹੀਂ ਲਾਇਆ। ਇਸ ਤੋਂ ਬਾਅਦ ਪਿੰਡ ਵਾਸੀਆਂ ਨੇ ਉਸ ਨੂੰ ਦਫ਼ਨਾ ਦਿੱਤਾ।

ਪਰਿਵਾਰ ਦੀ ਹਾਲਤ ਨੂੰ  ਦੇਖ ਕੇ ਜੇਕਰ ਕੋਈ ਪਿੰਡ ਵਾਸੀ ਉਸ ਦੀ ਮਦਦ ਕਰਨ ਲਈ ਤਿਆਰ ਹੁੰਦਾ ਤਾਂ ਪਰਿਵਾਰ ਵਾਲੇ ਉਸ 'ਤੇ ਹਮਲਾਵਰ ਹੋ ਜਾਂਦੇ। ਅਜਿਹਾ ਕਈ ਵਾਰ ਹੋਇਆ ਸੀ। ਇਸ ਕਾਰਨ ਕੋਈ ਵੀ ਮਦਦ ਲਈ ਅੱਗੇ ਨਹੀਂ ਆਇਆ। ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਇਹ ਪਰਿਵਾਰ ਪਿੰਡ ਦੇ ਕੁਲੀਨ ਅਤੇ ਪੜ੍ਹੇ-ਲਿਖੇ ਪਰਿਵਾਰਾਂ ਵਿੱਚ ਸੀ। ਉਸ ਦੀਆਂ ਪੰਜ ਕੁੜੀਆਂ ਤੇ ਤਿੰਨ ਮੁੰਡੇ ਪੜ੍ਹਾਈ ਵਿੱਚ ਬਹੁਤ ਹੁਸ਼ਿਆਰ ਸਨ। ਪਿਤਾ ਨੈਨੀ ਸਥਿਤ ਯੂਨੀਵਰਸਿਟੀ ਵਿੱਚ ਕੰਮ ਕਰਦੇ ਸਨ ਅਤੇ ਪਰਿਵਾਰਕ ਕਾਰਨਾਂ ਕਰਕੇ ਉਨ੍ਹਾਂ ਨੇ ਨੌਕਰੀ ਛੱਡ ਦਿੱਤੀ ਸੀ। ਪਿੰਡ ਵਿੱਚ ਹੀ ਉਸ ਕੋਲ ਅੱਠ ਵਿੱਘੇ ਖੇਤ ਸੀ। ਪਿੰਡ ਵਾਸੀ ਦੱਸਦੇ ਹਨ ਕਿ ਕੁਝ ਸਾਲ ਪਹਿਲਾਂ ਅਭੈਰਾਜ ਦਾ ਪਰਿਵਾਰ ਅਜਿਹਾ ਨਹੀਂ ਸੀ। ਪਰ ਚੌਥੀ ਬੇਟੀ ਬੀਨੂੰ ਦੇ ਵਿਆਹ ਤੋਂ ਬਾਅਦ ਉਨ੍ਹਾਂ ਦੇ ਪਰਿਵਾਰ 'ਚ ਅਚਾਨਕ ਬਦਲਾਅ ਆਇਆ ਅਤੇ ਹੌਲੀ-ਹੌਲੀ ਸਭ ਕੁਝ ਬਦਲ ਗਿਆ।

Get the latest update about bihar, check out more about deha, crime & dead body

Like us on Facebook or follow us on Twitter for more updates.