ਉੱਤਰ ਪ੍ਰਦੇਸ਼ ਦੇ ਮੇਰਠ 'ਚ ਇਕ ਨੌਜਵਾਨ ਨੂੰ ਲੜਕੀ ਦੀ ਇੱਜ਼ਤ 'ਤੇ ਹੱਥ ਪਾਉਣਾ ਔਖਾ ਹੋ ਗਿਆ। ਲੜਕੀ ਨੇ ਉਸ ਵਿਅਕਤੀ ਦੇ ਬੁੱਲ੍ਹ ਵੱਢ ਦਿੱਤੇ ਜੋ ਉਸ ਨਾਲ ਬਲਾਤਕਾਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਫਿਲਹਾਲ ਪੁਲਸ ਨੇ ਜ਼ਖਮੀ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ ਹੈ। ਇਸ ਦੇ ਨਾਲ ਹੀ ਪੀੜਤਾ ਦੀ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਜ਼ਿਲੇ ਦੇ ਦੌਰਾਲਾ ਥਾਣਾ ਖੇਤਰ 'ਚ ਸਥਿਤ ਅਜੋਂਟਾ ਦੇ ਜੰਗਲ 'ਚ ਸ਼ਨੀਵਾਰ ਦੁਪਹਿਰ ਨੂੰ ਇਕ ਲੜਕੀ ਖੇਤ 'ਚ ਕੰਮ ਕਰ ਰਹੀ ਸੀ। ਉਸ ਨੂੰ ਇਕੱਲੀ ਦੇਖ ਕੇ ਉੱਥੋਂ ਲੰਘ ਰਹੇ ਨੌਜਵਾਨ ਨੇ ਅਸ਼ਲੀਲ ਹਰਕਤਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਨੌਜਵਾਨ ਨੇ ਜ਼ਬਰਦਸਤੀ ਲੜਕੀ ਨੂੰ ਚੁੰਮਣ ਦੀ ਕੋਸ਼ਿਸ਼ ਕੀਤੀ, ਜਿਸ 'ਤੇ ਬਹਾਦਰ ਲੜਕੀ ਨੇ ਹਿੰਮਤ ਦਿਖਾਉਂਦੇ ਹੋਏ ਆਪਣੇ ਦੰਦਾਂ ਨਾਲ ਨੌਜਵਾਨ ਦਾ ਇਕ ਬੁੱਲ੍ਹ ਕੱਟ ਦਿੱਤਾ ।
ਬੁੱਲ੍ਹ ਕੱਟੇ ਜਾਣ ਕਾਰਨ ਨੌਜਵਾਨ ਦਰਦ ਨਾਲ ਚੀਕਣ ਲੱਗਾ। ਦੂਜੇ ਪਾਸੇ ਲੜਕੀ ਨੇ ਵੀ ਰੌਲਾ ਪਾਇਆ ਅਤੇ ਆਸਪਾਸ ਦੇ ਲੋਕ ਉਥੇ ਆ ਗਏ। ਲੋਕਾਂ ਨੇ ਦੋਸ਼ੀ ਨੌਜਵਾਨ ਨੂੰ ਫੜ ਲਿਆ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ। ਸੂਚਨਾ ਮਿਲਣ 'ਤੇ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਦੋਸ਼ੀ ਨੂੰ ਹਿਰਾਸਤ 'ਚ ਲੈ ਲਿਆ। ਉਸ ਦੇ ਬੁੱਲ੍ਹ ਦਾ ਇੱਕ ਟੁਕੜਾ ਵੀ ਉੱਥੇ ਪਿਆ ਸੀ। ਪੁਲਸ ਨੇ ਇਸ ਨੂੰ ਇਕ ਪੈਕਟ 'ਚ ਬੰਦ ਕਰਕੇ ਦੋਸ਼ੀ ਨੂੰ ਨਜ਼ਦੀਕੀ ਹਸਪਤਾਲ ਭੇਜ ਦਿੱਤਾ, ਜਿੱਥੇ ਉਸ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
ਪੁਲਸ ਪੁੱਛਗਿੱਛ 'ਚ ਦੋਸ਼ੀ ਦੀ ਪਛਾਣ ਮੋਹਿਤ ਸੈਣੀ ਵਜੋਂ ਹੋਈ ਹੈ। ਨੌਜਵਾਨ ਥਾਣਾ ਇੰਚੋਲੀ ਦੇ ਲਵਾੜ ਇਲਾਕੇ ਦਾ ਰਹਿਣ ਵਾਲਾ ਹੈ। ਪੀੜਤਾ ਨੇ ਮੁਲਜ਼ਮਾਂ ਖ਼ਿਲਾਫ਼ ਥਾਣੇ ਵਿੱਚ ਸ਼ਿਕਾਇਤ ਦਿੱਤੀ ਹੈ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਉਥੇ ਹੀ ਦੌਰਾਲਾ ਥਾਣਾ ਇੰਚਾਰਜ ਸੰਜੇ ਸ਼ਰਮਾ ਦਾ ਕਹਿਣਾ ਹੈ ਕਿ ਲੜਕੀ ਉਨ੍ਹਾਂ ਦੇ ਖੇਤ 'ਚ ਕੰਮ ਕਰ ਰਹੀ ਸੀ। ਉਜਾੜ ਥਾਂ ਸੀ। ਨੌਜਵਾਨ ਪੈਦਲ ਜਾ ਰਿਹਾ ਸੀ ਅਤੇ ਉਸ ਨੇ ਜਾ ਕੇ ਲੜਕੀ ਨਾਲ ਅਸ਼ਲੀਲ ਹਰਕਤਾਂ ਸ਼ੁਰੂ ਕਰ ਦਿੱਤੀਆਂ। ਨੌਜਵਾਨ ਨੇ ਲੜਕੀ ਨੂੰ ਚੁੰਮਣ ਦੀ ਕੋਸ਼ਿਸ਼ ਕੀਤੀ। ਬਦਲੇ 'ਚ ਲੜਕੀ ਨੇ ਆਪਣੇ ਦੰਦਾਂ ਨਾਲ ਬੁੱਲ੍ਹ ਕੱਟ ਦਿੱਤਾ । ਇਸ ਸਬੰਧੀ ਪੀੜਤਾ ਦੀ ਸ਼ਿਕਾਇਤ 'ਤੇ ਐਫਆਈਆਰ ਦਰਜ ਕਰਕੇ ਨੌਜਵਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਦੋਸ਼ੀ ਨੌਜਵਾਨ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
