ਭਾਰਤ 'ਚ ਜੁਗਾੜ ਲਗਾ ਕੇ ਆਪਣਾ ਕੰਮ ਕੱਢਣ ਵਾਲਿਆਂ ਦੀ ਕਮੀ ਨਹੀਂ ਹੈ। ਇਥੇ ਲੋਕ ਜੁਗਾੜ ਲਗਾ ਵੱਡੇ ਵੱਡੇ ਕੰਮ ਸੋਖੇ ਕਰ ਲੈਂਦੇ ਹਨ। ਅਜਿਹਾ ਹੀ ਇੱਕ ਹੋਰ ਜੁਗਾੜ ਇਹਨੀ ਦਿਨੀ ਸੋਸ਼ਲ ਮੀਡੀਆ ਤੇ ਛਾਇਆ ਹੋਇਆ ਹੈ, ਜਿਸ 'ਚ ਇੱਕ ਪੰਜਾਬੀ ਨੌਜਵਾਨ ਨੇ ਜੁਗਾੜ ਨਾਲ ਅਜਿਹੀ ਬਾਈਕ ਬਣਾਈ ਹੈ ਜੋਕਿ ਬਿਨਾ ਕਿਸੇ ਫਾਲਤੂ ਖਰਚ ਦੇ ਘਰ ਪਏ ਫਾਲਤੂ ਸਮਾਨ ਤੋਂ ਤਿਆਰ ਕੀਤੀ ਗਈ ਹੈ। ਇਸ ਨੌਜਵਾਨ ਦੇ ਇਸ ਅਦਭੁਤ ਜੁਗਾੜ ਦੀ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਮੁੰਡੇ ਦੀ ਜੁਗਾੜ ਵਾਲੀ ਬਾਈਕ ਦੇਖ ਕੇ ਲੋਕਾਂ ਨੇ ਸਿਰ ਫੜ ਲਏ ਹਨ।
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਲੜਕਾ ਆਪਣੀ ਅਨੋਖੀ ਬਾਈਕ ਨੂੰ ਤੇਲ ਭਰਨ ਲਈ ਪੈਟਰੋਲ ਪੰਪ 'ਤੇ ਲੈ ਜਾਂਦਾ ਹੈ, ਜਿਸ ਨੂੰ ਦੇਖ ਕੇ ਉਥੇ ਮੌਜੂਦ ਲੋਕ ਹੈਰਾਨ ਹੋ ਗਏ ।ਲੜਕੇ ਨੇ ਟਰੈਕਟਰ ਦੇ ਸਾਈਲੈਂਸਰ, ਦੁੱਧ ਦੀ ਟੈਂਕੀ ਨੂੰ ਜੋੜ ਕੇ ਅਜਿਹੀ ਬਾਈਕ ਬਣਾਈ ਹੈ, ਜਿਸ ਨਾਲ ਵੱਡੇ-ਵੱਡੇ ਇੰਜੀਨੀਅਰ ਫੇਲ ਹੋ ਜਾਣਗੇ। ਵੀਡੀਓ 'ਚ ਲੜਕਾ ਆਪਣੀ ਆਫ-ਰੋਡ ਜੁਗਾੜ ਬਾਈਕ 'ਤੇ ਸੜਕ 'ਤੇ ਤੇਜ਼ ਰਫਤਾਰ ਨਾਲ ਦੌੜਦਾ ਦਿਖਾਈ ਦੇ ਰਿਹਾ ਹੈ। ਇਹ ਵੀਡੀਓ ਪਿਛਲੇ ਸਾਲ ਨਵੰਬਰ ਮਹੀਨੇ 'ਚ ਸ਼ੇਅਰ ਕੀਤੀ ਗਈ ਸੀ ਪਰ ਸੋਸ਼ਲ ਮੀਡੀਆ 'ਤੇ ਇਸ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ekamdhillon00 ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਨੂੰ ਕਾਫੀ ਦੇਖਿਆ ਅਤੇ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ਨੂੰ ਹੁਣ ਤੱਕ 3 ਕਰੋੜ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ, ਜਦਕਿ ਇਸ ਵੀਡੀਓ ਨੂੰ 7 ਲੱਖ ਤੋਂ ਵੱਧ ਲੋਕ ਪਸੰਦ ਕਰ ਚੁੱਕੇ ਹਨ। ਵੀਡੀਓ ਨੂੰ ਦੇਖ ਚੁੱਕੇ ਯੂਜ਼ਰਸ ਇਸ 'ਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਮਨ ਹੋਵੇ ਤਾਂ ਕੁਝ ਵੀ ਹੋ ਸਕਦਾ ਹੈ ।' ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਕਿਸੇ ਨੂੰ ਉਨ੍ਹਾਂ ਤੋਂ ਘੱਟ ਸਾਧਨਾਂ ਦੀ ਸਹੀ ਵਰਤੋਂ ਸਿੱਖਣੀ ਚਾਹੀਦੀ ਹੈ।' ਤੀਜੇ ਯੂਜ਼ਰ ਨੇ ਪੁੱਛਿਆ, 'ਇਹ ਤੇਲ ਨਾਲ ਚੱਲਦਾ ਹੈ ਜਾਂ ਦੁੱਧ ਨਾਲ? ,
Get the latest update about social media viral, check out more about jugarh bike
Like us on Facebook or follow us on Twitter for more updates.
