ਕਰਨਾਟਕ ਦੇ ਬੈਂਗਲੁਰੂ 'ਚ ਇਹ ਅਜੀਬ ਘਟਨਾ ਦੇਖਣ ਨੂੰ ਮਿਲੀ ਹੈ। ਜਿਥੇ ਸਿਟੀ ਮਾਰਕੀਟ ਨੇੜੇ ਅਚਾਨਕ ਲੋਕਾਂ ਉਤੇ ਨੋਟਾਂ ਦੀ ਵਰਖਾ ਹੋ ਗਈ। ਇਸ ਨੋਟਾਂ ਦੀ ਵਰਖਾ ਨੂੰ ਦੇਖ ਜਿਥੇ ਕਈ ਲੋਕ ਹੈਰਾਨ ਹੋ ਗਏ ਓਥੇ ਹੀ ਕਈ ਲੋਕ ਨ ਦੀ ਵਰਖਾ ਦੇਖ ਇਸ ਨੂੰ ਇਕੱਠਾ ਕਰਨ ਲਈ ਭੱਜਦੇ ਨਜ਼ਰ ਆਏ। ਸੋਸ਼ਲ ਮੀਡੀਆ ਤੇ ਇਸ ਘਟਨਾ ਦਾ ਇੱਕ ਵੀਡੀਓ ਵੀ ਵਾਇਰਲ ਹੋਇਆ ਹੈ ,.
ਜਾਣਕਾਰੀ ਮੁਤਾਬਿਕ ਬੈਂਗਲੁਰੂ ਦੇ ਸਿਟੀ ਮਾਰਕੀਟ ਨੇੜੇ ਇੱਕ ਵਿਅਕਤੀ ਨੇ ਅਚਾਨਕ ਫਲਾਈਓਵਰ 'ਤੇ ਚੜ੍ਹ ਕੇ 10 ਰੁਪਏ ਦੇ ਨੋਟ ਹਵਾ 'ਚ ਸੁੱਟਣੇ ਸ਼ੁਰੂ ਕਰ ਦਿੱਤੇ। ਉਸ ਕੋਲ 10 ਰੁਪਏ ਦੇ ਨੋਟਾਂ ਦੇ ਕਈ ਬੰਡਲ ਸਨ। ਇਕ-ਇਕ ਕਰਕੇ ਉਹ ਬੰਡਲ ਖੋਲ੍ਹਦਾ ਰਿਹਾ ਅਤੇ ਨੋਟਾਂ ਦੀ ਵਰਖਾ ਕਰਦਾ ਰਿਹਾ। ਇਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ ਹੈ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਹ ਵਿਅਕਤੀ ਕੌਣ ਹੈ। ਵੀਡੀਓ ਵਾਇਰਲ ਹੋਣ 'ਤੇ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਇਸ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲਾ ਕੌਣ ਹੈ।
ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਵਿਅਕਤੀ ਫਲਾਈਓਵਰ ਤੋਂ ਨੋਟਾਂ ਦੀ ਵਰਖਾ ਕਰ ਰਿਹਾ ਹੈ। ਹੇਠਾਂ ਖੜੀ ਭੀੜ ਉਨ੍ਹਾਂ ਨੋਟਾਂ ਨੂੰ ਚੁੱਕ ਰਹੀ ਹੈ। ਜਦੋਂ ਉਕਤ ਵਿਅਕਤੀ ਨੋਟਾਂ ਦੀ ਵਰਖਾ ਕਰਨ ਲੱਗਾ ਤਾਂ ਉਥੇ ਕਾਫੀ ਲੋਕ ਇਕੱਠੇ ਹੋ ਗਏ। ਹਰ ਕੋਈ ਨੋਟ ਲੈਣ ਲੱਗਾ।
ਦਸ ਦਈਏ ਕਿ ਅਜਿਹਾ ਹੀ ਮਾਮਲਾ ਪਿਛਲੇ ਸਾਲ ਹੈਦਰਾਬਾਦ ਤੋਂ ਵੀ ਸਾਹਮਣੇ ਆਇਆ ਸੀ। ਇੱਥੇ ਇੱਕ ਵਿਅਕਤੀ ਨੇ 500 ਰੁਪਏ ਦੇ ਕਈ ਨੋਟ ਹਵਾ ਵਿੱਚ ਉਛਾਲ ਦਿੱਤੇ। ਉਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਸੀ।
ਕੁੜਤਾ-ਪਜਾਮਾ ਪਹਿਨੇ ਇੱਕ ਵਿਅਕਤੀ ਉੱਚੀ ਥਾਂ 'ਤੇ ਖੜ੍ਹਾ ਹੋ ਕੇ 500 ਦੇ ਨੋਟਾਂ ਦੀ ਵਰਖਾ ਕਰ ਰਿਹਾ ਸੀ। ਜਿਵੇਂ ਹੀ ਉਹ ਨੋਟਾਂ ਦੀ ਵਰਖਾ ਕਰਨ ਲੱਗਾ ਤਾਂ ਹੇਠਾਂ ਖੜੀ ਭੀੜ ਨੇ ਉਹ ਨੋਟ ਚੁੱਕਣੇ ਸ਼ੁਰੂ ਕਰ ਦਿੱਤੇ।
Get the latest update about viral video, check out more about Bengaluru news, Bengaluru, Bengaluru viral &
Like us on Facebook or follow us on Twitter for more updates.
