ਬੈਂਗਲੁਰੂ ਤੋਂ ਇਕ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੇ ਇਨਸਾਨੀਅਤ ਨੂੰ ਮੁੜ ਸ਼ਰਮਸਾਰ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਸ਼ੇਅਰ ਕੀਤਾ ਜਾ ਰਹੀ ਇਸ ਵੀਡੀਓ 'ਚ ਇਕ ਬਜ਼ੁਰਗ ਵਿਅਕਤੀ ਨੂੰ ਸਕੂਟੀ ਦੁਆਰਾ ਕਾਫੀ ਦੇਰ ਤੱਕ ਸੜਕ 'ਤੇ ਘਸੀਟਦੇ ਦੇਖਿਆ ਜਾ ਸਕਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੈਂਗਲੁਰੂ ਦੇ ਮਾਗਦੀ ਰੋਡ 'ਤੇ ਇੱਕ ਬਜ਼ੁਰਗ ਵਿਅਕਤੀ ਨੂੰ ਸਕੂਟਰ ਦੇ ਪਿੱਛੇ ਇੱਕ ਨੌਜਵਾਨ ਵਲੋਂ ਘਸੀਟਿਆ ਗਿਆ। ਵਿਅਕਤੀ ਦਾ ਸ਼ਹਿਰ ਦੇ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਦੋਪਹੀਆ ਵਾਹਨ ਚਾਲਕ ਨੂੰ ਥਾਣਾ ਗੋਵਿੰਦਰਾਜ ਨਗਰ ਤੋਂ ਪੁਲਿਸ ਨੇ ਕਾਬੂ ਕਰ ਲਿਆ ਹੈ।
ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਅਕਤੀ ਸਕੂਟੀ ਪਿੱਛੇ ਲਟੱਕ ਰਿਹਾ ਹੈ ਅਤੇ ਡਰਾਈਵਰ ਸਕੂਟੀ ਨੂੰ ਰੋਕਣ ਦੀ ਬਜਾਏ ਗੱਡੀ ਭਜਾ ਰਿਹਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸਕੂਟੀ ਸਵਾਰ ਨੇ ਬਜ਼ੁਰਗ ਵਿਅਕਤੀ ਦੀ ਕਾਰ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਤੋਂ ਬਾਅਦ ਉਸ ਬਜ਼ੁਰਗ ਨੇ ਸਕੂਟੀ ਸਵਾਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਪਰ ਉਹ ਦੌੜਨ ਲੱਗਾ। ਅਜਿਹੇ 'ਚ ਬਜ਼ੁਰਗ ਨੇ ਪਿੱਛੇ ਤੋਂ ਸਕੂਟੀ ਫੜ ਲਈ। ਤਾਂ ਜੋ ਉਹ ਭੱਜ ਨਾ ਸਕੇ।
ਪਰ ਉਕਤ ਵਿਅਕਤੀ ਸਕੂਟੀ 'ਤੇ ਸਵਾਰ ਹੋ ਕੇ ਬਜੁਰਗ ਨੂੰ ਆਪਣੀ ਗੱਡੀ ਨਾਲ ਕਰੀਬ ਇਕ ਕਿਲੋਮੀਟਰ ਤੱਕ ਘਸੀਟਦਾ ਲੈ ਗਿਆ, ਬਾਅਦ ਵਿੱਚ ਕੁਝ ਰਾਹਗੀਰਾਂ ਨੇ ਉਸ ਸਕੂਟੀ ਸਵਾਰ ਨੂੰ ਰੋਕ ਕੇ ਬਜ਼ੁਰਗ ਦੀ ਜਾਨ ਬਚਾਈ।
ਇਸ ਘਟਨਾ ਦੀ ਵੀਡੀਓ ਦੇਖ ਕੇ ਲੋਕ ਗੁੱਸੇ 'ਚ ਹਨ। ਇਕ ਯੂਜ਼ਰ ਨੇ ਲਿਖਿਆ- ਇਨਸਾਨੀਅਤ ਨਹੀਂ ਰਹੀ, ਉਹ ਬੁੱਢੇ ਨੂੰ ਕਿਵੇਂ ਖਿੱਚ ਰਿਹਾ ਹੈ, ਦੇਖਿਆ ਵੀ ਨਹੀਂ ਜਾ ਸਕਦਾ! ਦੂਜੇ ਨੇ ਕਿਹਾ - ਇਸ ਵਿਅਕਤੀ 'ਤੇ ਸਖ਼ਤ ਕਾਰਵਾਈ ਹੋਣੀ ਚਾਹੀਦੀ ਹੈ। ਇਸੇ ਤਰ੍ਹਾਂ ਕਈ ਯੂਜ਼ਰਸ ਸਕੂਟੀ ਰਾਈਡਰ ਦੀ ਆਲੋਚਨਾ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਉਸ ਨੂੰ ਸਖ਼ਤ ਸਜ਼ਾ ਦੇਣ ਦੀ ਵੀ ਮੰਗ ਕਰ ਰਹੇ ਹਨ।
Get the latest update about viral video, check out more about Bangalore, viral video Bangalore & young man dragged old man
Like us on Facebook or follow us on Twitter for more updates.
