ਅੱਜਕੱਲ੍ਹ ਪੱਤਰਕਾਰ ਬਣਨ ਲਈ ਕਿਸੇ ਤਜ਼ਰਬੇ ਦੀ ਲੋੜ ਨਹੀਂ, ਬੱਸ ਸੱਚ ਦਿਖਾਓ, ਇਹੀ ਪੱਤਰਕਾਰੀ ਹੈ। ਇਸੇ ਤਰ੍ਹਾਂ ਹੀ ਝਾਰਖੰਡ ਦੇ ਗੋਡਾ ਜ਼ਿਲ੍ਹੇ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇੱਕ 12 ਸਾਲ ਦਾ ਬੱਚਾ ਆਪਣੇ ਸਕੂਲ ਦੀ ਮਾੜੀ ਹਾਲਤ ਨੂੰ ਸਭ ਦੇ ਸਾਹਮਣੇ ਲਿਆ ਰਿਹਾ ਹੈ ਉਹ ਵੀ ਰਿਪੋਰਟਿੰਗ ਦੇ ਅੰਦਾਜ਼ ਵਿੱਚ। ਉਸ ਦੇ ਹੱਥ 'ਚ ਲੱਕੜ ਅਤੇ ਪਲਾਸਟਿਕ ਦੀ ਬੋਤਲ ਦਾ ਮਾਈਕ ਵੀ ਹੈ ਤੇ ਉਹ 'ਰਿਪੋਰਟਰ' ਬਣ ਕੇ ਸਕੂਲ ਦੀ ਦੁਰਦਸ਼ਾ ਬਾਰੇ ਸਭ ਨੂੰ ਦੱਸ ਰਿਹਾ ਹੈ।
ਇਸ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਉਹ ਕਿਸ ਤਰ੍ਹਾਂ ਸਰਕਾਰੀ ਸਕੂਲ ਦੀਆਂ ਖਾਮੀਆਂ ਗਿਣ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਇਹ ਸਕੂਲ ਜ਼ਿਲ੍ਹੇ ਦੇ ਮਹਾਗਾਮਾ ਬਲਾਕ ਦੇ ਪਿੰਡ ਭੀਖੀਚੱਕ ਵਿੱਚ ਹੈ। ਇਸ ਬੱਚੇ ਦਾ ਨਾਂ ਸਰਫਰਾਜ਼ ਹੈ, ਉਸ ਦੀ ਉਮਰ 12 ਸਾਲ ਹੈ। ਉਹ ਲੱਕੜ ਵਿੱਚ ਪਲਾਸਟਿਕ ਦੀ ਬੋਤਲ ਪਾ ਕੇ ਮਾਈਕ ਬਣਾਉਂਦਾ ਹੈ। ਵੀਡੀਓ 'ਚ ਸਰਫਰਾਜ ਕਹਿੰਦੇ ਹਨ, 'ਮੇਰਾ ਨਾਮ ਸਰਫਰਾਜ਼ ਖਾਨ ਹੈ। ਮੈਂ ਤੁਹਾਨੂੰ ਦੱਸ ਰਿਹਾ ਹਾਂ ਕਿ ਮੈਂ ਅੱਪਗਰੇਡ ਪ੍ਰਾਇਮਰੀ ਸਕੂਲ ਭੀਖੀਚੱਕ ਵਿਖੇ ਪਹੁੰਚ ਗਿਆ ਹਾਂ। ਜਿਵੇਂ ਮੈਂ ਦੱਸ ਰਿਹਾ ਹਾਂ ਕਿ ਸਕੂਲ ਖੁੱਲ੍ਹ ਗਿਆ ਹੈ। (ਅਧਿਆਪਕ) ਘਰ ਸੁੱਤਾ ਪਿਆ ਹੈ, ਸਿਰਫ਼ ਹਾਜ਼ਰੀ ਲਾਉਣ ਆਉਂਦਾ ਹੈ। ਇੱਕ ਵੀ ਬੱਚਾ ਨਜ਼ਰ ਨਹੀਂ ਆ ਰਿਹਾ। ਇੱਥੇ ਨਾ ਕੋਈ ਸਫਾਈ ਵਿਵਸਥਾ ਹੈ ਅਤੇ ਨਾ ਹੀ ਪਾਣੀ ਦਾ ਕੋਈ ਪ੍ਰਬੰਧ ਹੈ।
ਵੀਡੀਓ ਵਿੱਚ ਸਕੂਲ ਦੀ ਇਮਾਰਤ ਦੇਖੀ ਜਾ ਸਕਦੀ ਹੈ। ਪੂਰੇ ਕੈਂਪਸ ਵਿੱਚ ਥਾਂ-ਥਾਂ ਗੰਦਗੀ ਦਿਖਾਈ ਦੇ ਰਹੀ ਹੈ। ਕਲਾਸ ਰੂਮ ਵਿੱਚ ਵੀ ਗੰਦਗੀ ਹੈ। ਇੱਥੋਂ ਤੱਕ ਕਿ ਪਖਾਨੇ ਵੀ ਗੰਦਗੀ ਨਾਲ ਭਰੇ ਪਏ ਹਨ।
ਇਸ ਵੀਡੀਓ ਰਾਹੀਂ ਸਰਫਰਾਜ਼ ਨੇ ਝਾਰਖੰਡ ਦੇ ਸਿੱਖਿਆ ਮੰਤਰੀ ਨੂੰ ਅਪੀਲ ਕੀਤੀ ਹੈ। ਉਹ ਕਹਿੰਦਾ, 'ਇਸ ਸਕੂਲ ਦਾ ਸਿਸਟਮ ਠੀਕ ਕਰ ਦਿਓ। ਸਕੂਲ ਲਈ ਪੈਸੇ ਆ ਜਾਂਦੇ ਹਨ ਪਰ ਮੁਰੰਮਤ ਨਹੀਂ ਕਰਵਾਈ ਜਾਂਦੀ ਡੇਢ ਵੱਜ ਚੁੱਕੇ ਹਨ ਪਰ ਦੇਖੋ ਇੱਕ ਵੀ ਅਧਿਆਪਕ ਨਹੀਂ ਹੈ। ਸਰਫਰਾਜ਼ ਦੇ ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਉਸ ਨੂੰ ਸੱਚਾ ਪੱਤਰਕਾਰ ਕਹਿ ਰਹੇ ਹਨ।
Get the latest update about national, check out more about jharkhand boy reporting, Viral Video, viral video & Kid Reports
Like us on Facebook or follow us on Twitter for more updates.
