ਸੁਪਰੀਮ ਕੋਰਟ ਦੀ ਵ੍ਹਟਸਐਪ ਉੱਤੇ ਟਿੱਪਣੀ: 'ਤੁਸੀਂ ਹੋਵੋਗੇ ਖਰਬਾਂ ਡਾਲਰ ਦੀ ਕੰਪਨੀ, ਪਰ ਲੋਕਾਂ ਦੀ ਪ੍ਰਾਈਵੇਸੀ ਤੋਂ ਵਧੇਰੇ ਕੁਝ ਨਹੀਂ'

ਸੁਪਰੀਮ ਕੋਰਟ ਨੇ ਸੋਮਵਾਰ ਨੂੰ ਵ੍ਹਟਸਐਪ ਨੂੰ ਕਿਹਾ ਕਿ ਤੁਹਾਡੀ ਨਵੀਂ ਪ੍ਰਾਈਵੇਸੀ ਦੇ ਬਾਅਦ ਭਾਰਤੀ ਲੋਕਾਂ ਵਿਚ...

ਸੁਪਰੀਮ ਕੋਰਟ ਨੇ ਸੋਮਵਾਰ ਨੂੰ ਵ੍ਹਟਸਐਪ ਨੂੰ ਕਿਹਾ ਕਿ ਤੁਹਾਡੀ ਨਵੀਂ ਪ੍ਰਾਈਵੇਸੀ ਦੇ ਬਾਅਦ ਭਾਰਤੀ ਲੋਕਾਂ ਵਿਚ ਨਿੱਜਤਾ ਨੂੰ ਲੈ ਕੇ ਕਾਫ਼ੀ ਸ਼ੱਕ ਹੈ। ਚੀਫ ਜਸਟੀਸ ਐਸ.ਏ. ਬੋਬਡੇ ਨੇ ਕਿਹਾ ਕਿ ਤੁਸੀਂ ਚਾਹੇ ਹੀ ਖਰਬਾਂ ਡਾਲਰ ਦੀ ਕੰਪਨੀ ਹੋਵੋਗੇ ਪਰ ਲੋਕਾਂ ਲਈ ਨਿੱਜਤਾ ਦਾ ਮੁੱਲ ਪੈਸਿਆਂ ਤੋਂ ਜ਼ਿਆਦਾ ਹੈ। ਚੀਫ ਜਸਟੀਸ ਨੇ ਇਸ ਪ੍ਰਾਈਵੇਸੀ ਪਾਲਿਸੀ ਨੂੰ ਚੁਣੌਤੀ ਦੇਣ ਵਾਲੀਆਂ ਪਟੀਸ਼ਨਾਂ ਉੱਤੇ ਵਾਟਸਐਪ, ਫੇਸਬੁੱਕ ਅਤੇ ਕੇਂਦਰ ਤੋਂ ਜਵਾਬ ਮੰਗਿਆ ਹੈ।

ਤੁਹਾਡੀ ਨਵੀਂ ਪਾਲਿਸੀ ਨੂੰ ਲੈ ਕੇ ਭਾਰਤੀਆਂ ਵਿਚ ਸ਼ੱਕ
ਅਦਾਲਤ ਨੇ ਸੀਨੀਅਰ ਵਕੀਲ ਸ਼ਾਮ ਦੀਵਾਨ ਦੀ ਉਸ ਦਲੀਲ ਦਾ ਵੀ ਸਮਰਥਨ ਕੀਤਾ, ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਸੀ ਕਿ ਭਾਰਤ ਵਿਚ ਡਾਟਾ ਪ੍ਰੋਟੇਕਸ਼ਨ ਨੂੰ ਲੈ ਕੇ ਕੋਈ ਕਾਨੂੰਨ ਨਹੀਂ ਹੈ। ਚੀਫ ਜਸਟਿਸ ਬੋਬਡੇ, ਜਸਟੀਸ ਏ.ਐਸ. ਬੋਪੰਨਾ ਅਤੇ ਜਸਟਿਸ ਵੀ. ਰਾਮਾਸੁਬ੍ਰਾਮਣਿਅਮ ਦੀ ਬੈਂਚ ਨੇ ਇਕ ਸੁਰ ਵਿਚ ਕਿਹਾ ਕਿ ਮਿਸਟਰ ਦੀਵਾਨ ਦੀ ਦਲੀਲ ਨਾਲ ਅਸੀਂ ਪ੍ਰਭਾਵਿਤ ਹਾਂ।  ਅਜਿਹਾ ਕਾਨੂੰਨ ਪ੍ਰਭਾਵ ਵਿਚ ਲਿਆਉਣ ਚਾਹੀਦਾ ਹੈ। ਵ੍ਹਟਸਐਪ ਆਪਣੀ ਨਵੀਂ ਪ੍ਰਾਈਵੇਸੀ ਦੇ ਤਹਿਤ ਭਾਰਤੀਆਂ ਦਾ ਡਾਟਾ ਸ਼ੇਅਰ ਕਰੇਗਾ। ਇਸ ਡਾਟਾ ਸ਼ੇਅਰਿੰਗ ਨੂੰ ਲੈ ਕੇ ਭਾਰਤੀਆਂ ਵਿਚ ਸ਼ੱਕ ਹੈ। 

ਯੂਰਪੀ ਨਿਯਮਾਂ ਉੱਤੇ ਕੋਰਟ ਦਾ ਸਵਾਲ ਤੇ ਵ੍ਹਟਸਐਪ ਦਾ ਜਵਾਬ
ਸੁਪਰੀਮ ਕੋਰਟ ਨੇ ਯੂਰਪ ਦੀ ਤੁਲਣਾ ਵਿਚ ਭਾਰਤ ਵਿਚ ਪ੍ਰਾਈਵੇਸੀ ਸਟੈਂਡਰਡ ਹੇਠਾਂ ਆਉਣ ਦੇ ਦੋਸ਼ਾਂ ਉੱਤੇ ਵ੍ਹਟਸਐਪ ਤੋਂ ਜਵਾਬ ਮੰਗਿਆ ਹੈ। ਵ੍ਹਟਸਐਪ ਨੇ ਇਸ ਉੱਤੇ ਕਿਹਾ ਕਿ ਯੂਰਪ ਵਿਚ ਪ੍ਰਾਈਵੇਸੀ ਨੂੰ ਲੈ ਕੇ ਖਾਸ ਕਾਨੂੰਨ ਹਨ। ਜੇਕਰ ਭਾਰਤ ਵਿਚ ਵੀ ਉਂਝ ਹੀ ਕਾਨੂੰਨ ਹੋਣ ਤਾਂ ਅਸੀਂ ਉਨ੍ਹਾਂ ਦਾ ਵੀ ਪਾਲਣ ਕਰਾਗੇ।

Get the latest update about modi government, check out more about notice, privacy policy, whatsapp & supreme court

Like us on Facebook or follow us on Twitter for more updates.